Skópelos
| Skópelos - Σκόπελος | |
|---|---|
| Vista da illa | |
| |
| Datos | |
| Capital | Skópelos |
| País | Grecia |
| Localización | Mar Mediterráneo |
| Arquipélago | Espóradas |
| Linguas | Grego |
| Poboación (2001) | 4.696 hab. |
| Superficie | 96´29 km² |
| Densidade | |
| Coordenadas | Modelo:Coor dm |
| Maior Altura | 681 m. Delphi |
| Localización | |
| |
Skópelos (en grego Σκόπελος) é unha illa grega do mar Exeo occidental, unha das Espóradas Setentrionais. Skópelos sitúase ao leste da Grecia continental, ao nordeste da illa de Eubea, e forma parte do departamento de Magnesia e da rexión de Tesalia.
As súas máximas altitudes son o monte Delfi (681 m), no centro da illa, e Palouki (546 m), ao sueste. Cunha superficie de 96 km², Skópelos és lixeiramente máis grande que Míkonos e máis pequena que Santorini. As illas habitadas máis próximas son Skíathos ao oeste e Alónnissos ao leste. No ano 2001 tiña 4.696 habitantes.
A capital, tamén chamada Skópelos ou Khora (3.027 habitantes), é o porto principal.
Antigamente chamáballa Peparethos (en latín Peparethus). Segundo Plinio antes chamábase Staphylos, o nome dun rei mítico. A illa contaba tres cidades, unha das cales levaba o mesmo nome que a illa, e sufriu un terremoto no ano -426. Foi atacada por Alexandre de Feres. A mediados do século -IV apoderouse da illa de Halonnesos e en represalia foi devastada por Filipo II de Macedonia. No ano -207, Filipo V de Macedonia gorneceu a cidade par defendela contra os romanos e finalmente foi destruída no ano -200 para evitar a conquista por parte destes. Finalmente pasou a mans romanas (-146), bizantinas (330), venecianas (1204) e otomás (1538), ata que en 1830 entrou a formar parte do novo estado grego. Foi ocupada polas potencias do Eixo entre 1941 e 1944.