Saltar ao contido

Easy On Me

Na Galipedia, a Wikipedia en galego.

«Easy On Me» é unha canción composta e interpretada pola cantautora británica Adele para o seu cuarto álbum de estudo, 30 (2021). O tema foi lanzado ao mercado musical o 15 de outubro de 2021 a través de Columbia Records como o sinxelo principal de dito disco.[1] O tema marca o seu retorno á industria musical despois de máis de cinco anos de inactividade.[2] Adele escribiu a canción xunto a Greg Kurstin, quen tamén a produciu. Unha balada de produción minimalista, «Easy On Me» expresa temas de nostalxia, arrepentimento e perdón. A letra da canción representa a súplica de Adele ao seu fillo, pedíndolle que sexa paciente con ela e os seus problemas posteriores ao divorcio.[3]

Tras o seu lanzamento, «Easy On Me» recibiu comentarios positivos por parte dos críticos da música, eloxiando a súa letra conmovedora e a súa voz sentimental, aínda que algúns opinaron que a canción non coincidía coa altura dos seus sinxelos anteriores. O vídeo musical estreouse o mesmo día de lanzamento do sinxelo e foi dirixido polo cineasta canadense Xavier Dolan. Comercialmente, a canción obtivo marcas de maior cantidade de reproducións dunha canción nun día nas plataformas de música vía streaming de Spotify e Amazon Music.[4][5]

Antecedentes e promoción

[editar | editar a fonte]

A partir do 1° de outubro de 2021, apareceron varios carteis e cercas publicitarias do número «30» en importantes monumentos e edificios en diferentes cidades do mundo.[6] Por mor disto, especulouse que todo estaba vinculado en gran medida ao título do próximo álbum de estudo de Adele.[7] O 4 de outubro, o sitio web da cantante e as súas contas oficiais en redes sociais actualizáronse por primeira vez en meses.[8] Ao día seguinte, a cantante publicou un adianto da canción e o seu vídeo musical a través dun clip instrumental que difundiu nas súas redes sociais.[9] Durante unha entrevista coa revista Vogue, Adele contou que traballou con Greg Kurstin na canción, quen estivo a cargo da produción.[10]

Vídeo musical

[editar | editar a fonte]

O vídeo musical de «Easy on Me» filmouse do 15 ao 16 de setembro de 2021 en Quebec e foi dirixido polo cineasta Xavier Dolan quen previamente xa traballara con Adele no vídeo musical da súa canción «Hello».[11] A rodaxe tivo lugar no Chemin Jordan e o Domaine Dumont Chapelle Ste-Agnès na cidade de Sutton, situada no suroeste de Quebec.[12]

Comentarios da crítica

[editar | editar a fonte]

Tras o seu lanzamento, «Easy On Me» recibiu comentarios positivos por parte dos críticos musicais.[13] Neil McCormick de The Daily Telegraph cualificou a canción como un «sinxelo de regreso audaz», contrastando «Easy On Me» que ten un arranxo simple de piano coa produción dunha balada poderosa como «Hello». Outorgoulle á canción unha cualificación de cinco estrelas de cinco, escribindo "Adele posúe a voz que atravesa no máis profundo na alma do mundo e canta con todo o seu corazón nesta canción."[14] O escritor de Evening Standard, Jochan Embley, eloxiou «Easy On Me» polo seu piano melancólico, a súa elegante voz e as súas melodías «harmoniosas». Embley agrega que a canción é un testemuño da resistencia de Adele ás tendencias da música pop, manténdose fiel ao seu estilo.[15] Por outra banda, Nick Levine de NME dixo: «Adele nunca soou mellor» como en «Easy On Me», facendo un regreso cunha «peza de balada clásica de Adele».[16]

Resultados comerciais

[editar | editar a fonte]

«Easy On Me» saíu ao mercado musical o 15 de outubro de 2021 mediante o selo discográfico de Columbia Records. Tras o seu lanzamento, a canción rompeu a marca da canción máis reproducida nun só día en Spotify con máis de 24 millóns de reproducións globais, así como tamén a marca da canción máis reproducida nunha soa semana con 84.3 millóns de reproducións.[17] Así mesmo, rompeu dúas marcas máis en Amazon Music, o primeiro coa maior cantidade de reproducións no seu primeiro día a nivel mundial e o segundo coa maior cantidade de solicitudes de reprodución a Alexa durante o primeiro día para calquera canción en toda a historia de dita plataforma.[18]

Posicionamento en listas

[editar | editar a fonte]
País Lista certificadora Mellor posición
Alemaña GfK Entertainment Charts[19] 1
Arxentina Arxentina Hot 100 (Billboard)[20] 51
Top 20 monitorLATINO AR[21] 6
Australia ARIA[22] 1
Austria Ö3 Austria Top 40[23] 1
Bélxica Ultratop 50 Singles (Flandes)[24] 1
Canadá Canadian Hot 100 (Billboard)[25] 1
España PROMUSICAE[26] 12
Estados Unidos Billboard Hot 100[27] 1
Adult Contemporary (Billboard)[28] 1
Francia SNEP[29] 2
India IMI[30] 9
Irlanda IRMA[31] 1
Italia FIMI[32] 1
Lituania AGATA[33] 1
Noruega VG-lista[34] 1
Nova Zelandia Recorded Music NZ[35] 1
Países Baixos Nederlandse Top 40[36] 1
Reino Unido UK Singles Chart[37] 1

Historial de lanzamento

[editar | editar a fonte]
Datas de lanzamento e formatos de «Easy On Me»
Rexión Data Formato(s) Discográfica Ref.
Mundialmente 15 de outubro de 2021
Descarga dixital · streaming
 Columbia
Estados Unidos 18 de outubro de 2021 Adult contemporary radio [38]

Notas

[editar | editar a fonte]
  1. ↑ "Adele presentó “Easy On Me”, la primera canción de su nuevo álbum". Infobae. 15 de outubro de 2021. Consultado o 15 de outubro de 2021. 
  2. ↑ "Adele anuncia regreso a la música después de 5 años con “Easy On Me”". LifeBoxset. 5 de outubro de 2021. Consultado o 12 de outubro de 2021. 
  3. ↑ ""Easy on Me": un homenaje de Adele al divorcio, al duelo y a la esperanza después de una ruptura". Infobae. 15 de outubro de 2021. Consultado o 24 de outubro de 2021. 
  4. ↑ "Adele batió el récord de escuchas en un día en Spotify con ‘Easy On Me’". Billboard Argentina. 21 de outubro de 2021. Consultado o 24 de outubro de 2021. 
  5. ↑ Mora, Francisca (17 de outubro de 2021). "Adele rompe récord en plataformas de streaming con “Easy On Me”". LOS40 Chile. Consultado o 24 de outubro de 2021. 
  6. ↑ "Las vallas publicitarias de Adele ’30’ apuntan a un nuevo álbum". 2 de outubro de 2021. Consultado o 12 de outubro de 2021. [Ligazón morta]
  7. ↑ "Adele podría regresar a la música; en todo el mundo aparecieron extraños carteles con el número '30'". LOS40 México. 6 de outubro de 2021. Consultado o 12 de outubro de 2021. 
  8. ↑ Fowler, Jean.G (4 de outubro de 2021). "Adele da señales de su regreso: ¿Por qué actualizó sus perfiles en redes sociales?". Telehit. Consultado o 12 de outubro de 2021. 
  9. ↑ Agencia EFE, ed. (5 de outubro de 2021). "Adele publica breve adelanto de su nuevo sencillo “Easy On Me”". El Espectador. Consultado o 12 de outubro de 2021. 
  10. ↑ Kreps, Daniel (11 de outubro de 2021). "Adele comparte un adelanto de su próximo sencillo, ‘Easy on Me’". Rolling Stone. Consultado o 12 de outubro de 2021. 
  11. ↑ Blais-Poulin, Charles-Éric (5 de outubro de 2021). "Un nouveau clip d’Adele signé Dolan et tourné au Québec". La Presse (en francés). Consultado o 12 de outubro de 2021. 
  12. ↑ "Adele aurait tourné son dernier clip au Québec... avec Xavier Dolan". 24 Heures (en francés). 5 de outubro de 2021. Consultado o 12 de outubro de 2021. 
  13. ↑ Woodyatt, Amy (15 de outubro de 2021). "Adele's new single, 'Easy On Me,' has finally dropped. So what's the verdict?". Herald Review (en inglés). Consultado o 15 de outubro de 2021. 
  14. ↑ McCormick, Neil (15 de outubro de 2021). "Adele, Easy On Me, review: The voice that digs deepest into the soul of the world". The Daily Telegraph (en inglés). Consultado o 15 de outubro de 2021. 
  15. ↑ Embley, Jochan (15 de outubro de 2021). "Adele - Easy On Me first-listen review: She’s back, and she’s still sublime". Evening Standard (en inglés). Consultado o 15 de outubro de 2021. 
  16. ↑ Levine, Nick (15 de outubro de 2021). "Adele’s voice has never sounded better than on her stunning new song ‘Easy On Me’". NME (en inglés). Consultado o 15 de outubro de 2021. 
  17. ↑ "“Easy on Me” de Adele batió el récord de Spotify de la canción más escuchada en sus primeras 24 horas". CNN Chile. 17 de outubro de 2021. Consultado o 24 de outubro de 2021. 
  18. ↑ Mukhtar, Amel (18 de outubro de 2021). "Adele sigue rompiendo récords con el sencillo “Easy On Me”". Vogue México. Consultado o 24 de outubro de 2021. 
  19. ↑ ""Adele – Easy on Me" - Offizielle Deutsche Charts". Offizielle Deutsche Charts (en alemán). Consultado o 27 de outubro de 2021. 
  20. ↑ "Chart - Billboard Argentina". Billboard Argentina. Consultado o 27 de outubro de 2021. 
  21. ↑ "Title - monitorLATINO". monitorLATINO. Consultado o 29 de outubro de 2021. 
  22. ↑ ""Adele – Easy on Me". ARIA Top 50 Singles". Australian charts portal (en inglés). Consultado o 27 de outubro de 2021. 
  23. ↑ ""Adele – Easy on Me". Ö3 Austria Top 40". austriancharts.at (en alemán). Consultado o 27 de outubro de 2021. 
  24. ↑ ""Adele – Easy on Me" - Ultratop 50". ultratop.be (en neerlandés). Consultado o 27 de outubro de 2021. 
  25. ↑ "Adele Chart History (Canadian Hot 100)". Billboard (en inglés). Consultado o 27 de outubro de 2021. 
  26. ↑ ""Adele – Easy on Me" - spanishcharts" (en inglés). Consultado o 12 de novembro de 2021. 
  27. ↑ Trust, Gary (25 de outubro de 2021). "Adele's 'Easy on Me' Blasts to No. 1 on Billboard Hot 100". Billboard (en inglés). Consultado o 27 de outubro de 2021. 
  28. ↑ "Adele Chart History (Adult Contemporary)". Billboard (en inglés). Consultado o 12 de novembro de 2021. 
  29. ↑ "Top Singles (Week 42, 2021)". SNEP (en francés). Consultado o 27 de outubro de 2021. 
  30. ↑ "Top 20 Charts – IMI - Indian Music Industry". IMI Charts (en inglés). Consultado o 27 de outubro de 2021. 
  31. ↑ "Official Irish Singles Chart Top 50". Official Charts (en inglés). Consultado o 27 de outubro de 2021. 
  32. ↑ "Adele - Easy On Me". italiancharts.com (en inglés). Consultado o 27 de outubro de 2021. 
  33. ↑ "2021 42-os savaitės klausomiausi (Top 100)". Agata (en lituano). Consultado o 27 de outubro de 2021. 
  34. ↑ "VG-lista – Topp 20 Single 2021-42". vglista.no (en noruego). Consultado o 13 de novembro de 2021. 
  35. ↑ ""Adele – Easy on Me" - Top 40 Singles". charts.org.nz (en inglés). Consultado o 27 de outubro de 2021. 
  36. ↑ "Nederlandse Top 40 – week 43, 2021". top40.nl (en neerlandés). Consultado o 13 de novembro de 2021. 
  37. ↑ "Official Singles Chart Top 100". Official Charts (en inglés). Consultado o 27 de outubro de 2021. 
  38. ↑ "Hot/Modern/AC Future Releases". Consultado o 7 de outubro de 2021. 
Traído desde «https://gl.wikipedia.org/w/index.php?title=Easy_On_Me&oldid=6406874»