Erg (unidade de exerxía)

Para outras páxinas con títulos homónimos véxase: Erg (homónimos).

O erg^[1] ou ergo^[2] é a unidade de medida de enerxía e traballo no sistema de unidades CGS (centímetro-gramo-segundo).

Trátase dunha unidade utilizada principalmente en Estados Unidos nalgúns campos da enxeñaría, mais considérase anticuada, no sentido de que as medidas usadas actualmente, incluíndo o SI, están orientadas a sistemas MKS (metro-quilogramo-segundo). A unidade de enerxía usada no SI é o joule.

O seu nome provén do grego ergon, que significa "traballo".

Un erg é o traballo que realiza unha forza dunha dina exercida nunha distancia dun centímetro, polo que pode definirse como 1 dyn·cm, ou o que é o mesmo, pola definición de dina, 1 g·cm²/s².

Equivalencias

1 erg = 1 x 10⁻⁷ J ou 0.1 µJ

1 erg = 624,15 GeV = 6,2415 × 10¹¹ eV

1 erg = 1 din cm = 1 g.cm².s⁻²

Véxase tamén

Conversión do erg noutras unidades (en inglés)

Notas

↑ Dicionario da RAG: erg Arquivado 22 de xullo de 2013 en Wayback Machine.
↑ Dicionario da RAG: ergo Arquivado 22 de xullo de 2013 en Wayback Machine.

[1] Dicionario da RAG: erg Arquivado 22 de xullo de 2013 en Wayback Machine.

[2] Dicionario da RAG: ergo Arquivado 22 de xullo de 2013 en Wayback Machine.

[1]

[2]