Esociformes

A dos esociformes (Esociformes) é unha pequena orde de peixes teleósteos da superorde dos protacantopterixios, dulciacuícolas, distribuídos por ríos de Norteamérica e do norte de Eurasia.

Nela encóntrase incluída unha famosa especie, o lucio, un voraz depredador dotado de mandíbulas moi potentes.

Taxonomía

Descrición

A orde foi descrita en 1859 polo naturalista, anatomista comparativo e ictiólogo neerlandés Pieter Bleeker, experto no estudo comparado dos peixes, fundamente dos do leste asiático.

Etimoloxía

O nome científico Esociformes está formado pola unión dos elementos esoc- e -iformes. O primeiro está tirado da raíz do nome do xénero tipo, Esox, e o segundo é o sufixo empregado no latín científico para formar os nomes das ordes de animais.

Sinónimos

Ademais de poo seu nome actualmanet válido, a orde coñeceuse tamén polos sinónimos:^{[Cómpre referencia]}

• Esocoidei
• Haplomi
• Esocae
• Umbriformes

Familias

A orde comprende na actualidade dúas familias:

• Esocidae Rafinesque, 1815
• Umbridae Bonaparte, 1844

Características

Carecen de dentes. Tamén carcen da aleta adiposa como si teñen as especies doutras ordes da súa superorde emparentados con esta, como os salmoniformes. É moi característico que tanto a aleta dorsal como a aleta anal se encontren localizadas moi posteriormente.

Os esócidos comprenden cinco especies de lucios que se encontran só nos lagos e ríos de máis fríos do hemisferio norte. Son peixes de aspecto moi característico, con fociños que recordan a un pico de pato, e corpos longos e tubulares. Poden chegar a medir até 1,8 m, e pesar até 35 kg. Son depredadores voraces, que comen outros peixes (incluídos outros lucios) e outros vertebrados como ras, aves e pequenos mamíferos; poden comer animais de até un terzo do seu tamaño. Os lucios son populares entre os pescadores deportivos, xa que pelexan cando son capturados e son bos como alimento.

Os úmbridos só contan cun xénero actual, con tres especies, que ocupan hábitats de auga doce sufocados por malas herbas no leste de América do Norte e o leste de Europa. Aínda que a familia contiña tradicionalmente os xéneros Umbra, Novumbra e Dallia, investigacións xenéticas e paleontolóxicas recentes considerararon esta agrupación como parafilética, e Novumbra e Dallia foron trasladadas á familia dos esócidos. Observouse que as especies de Umbra sobreviven baixo o xeo en invernos especialmente fríos, e teñen a capacidade de sobrevivir ao desecamento escavando coa cola no barro en tempos de seca. Poden respirar aire atmosférico usando unha vexiga natatoria modificada para absorberen o oxíxeno.

Filoxenia

O seguinte cladograma ilustra as relacións entre os esociformes.

Esociformes	Esocidae   Umbridae   †Boltyshia       †Palaeoesox       †Proumbra       Umbra

Véxase tamén

Bibliografía

• Nelson, J. S. (2016): Fishes of the world. 5ª edición. Hoboken, Nova Jersey: John Wiley & Sons, Inc. ISBN 978-1-1183-4233-6.

Outros artigos

• Protacantopterixios
• Salmoniformes