Illa Rottnest

Illa Rottnest
Tipo	illa; monumento histórico; suburbio/localidade
Localización
División administrativa	cidade de Cockburn, Australia
Localización	Océano Índico
	32°00′18″S 115°30′54″L / -32.005, 115.515
Bañado por	Océano Índico
Comparte fronteira con	sen valor
Características
Altitude	19 m
Tamaño	4,5 () × 11 () km ;
Superficie	19 km²
Páxina web	rottnestisland.com

A illa Rottnest é unha pequena illa australiana.

Xeografía

Situada a 18 km da costa do estado de Australia Occidental, ten unha superficie de 19 km².

Segundo o censo de 2016 contaba con 334 habitantes, polo que a súa densidade de poboación, nese ano, era de 17,6 hab./km². Porén, durante os períodos de vacacións pode acoller até 15 000 visitantes. Por iso, a maioría dos seus habitantes traballan no sector turístico.

É famosa pola presenza dunha importante colonia de quokkas (Setonix brachyurus), pequeno mamífero marsupial oriúndo da rexión.^[1]

Historia

A illa estivo habitada por aborixes australianos até hai uns 7 000 anos, cando a subida do nivel do mar separouna do resto de Australia. O 29 de decembro de 1696 desembarcou na illa o capitán neerlandés Willem de Vlamingh, que a explorou durante 6 días e lle deu o nome de 't Eylandt 't Rottenest, que literalmente significa "niño de ratas", ao confundir os quokkas con ratas xigantes. Naquel momento a illa estaba deshabitada, e a poboación aborixe carecía de botes, polo que probabelmente o territorio permanecera sen poboación durante varios miles de anos.^[2]

Entre 1838 e 1931 foi utilizada como prisión para reclusos aborixes.

Flora e fauna

Aves

A illa foi declarada área importante para a conservación das aves. Poden observarse numerosas especies, entre elas Ardenna pacifica, Phalacrocorax varius, Chroicocephalus novaehollandiae, Thalasseus bergii, Sternula nereis, Onychoprion anaethetus, Neophema petrophila, Egretta sacra e Cladorhynchus leucocephalus.^[3]

Flora

Entre as especies nativas figuran a conífera da familia das cupresáceas Callitris preissii, o arbusto da familia das mirtáceas Melaleuca lanceolata e a árbore da familia das fabáceas Acacia rostellifera.^[4]

Galería

Visitantes a principios dos anos 1900
O asentamento principal da illa está situado na baía de Thomson
Os lagos salgados de orixe natural son un refuxio para a abundante avifauna
A praia e o faro de Bathurst
O ferri Sea Eagle Express partindo do porto de Fremantle, levando turistas á illa Rottnest
Canón Mk X BL de 9,2 polgadas, na batería de Oliver, illa Rottnest

Notas

↑ Somolinos, Daniel (1 de outubro de 2018). "Rottnest, la isla donde habita el animal más feliz del planeta". El Mundo. Consultado o 25 de febreiro de 2022.
↑ Appleyard, R. T. & Manford, Toby (1979): The Beginning: European Discovery and Early Settlement of Swan River. Western Australia. Perth, Western Australia: University of Western Australia Press. ISBN 0-8556-4146-0.
↑ Kilpatrick, Alan G. (2016):"Birds of Rottnest Island, WA". Emu - Austral Ornithology 32 (1): 30–31.
↑ Rottnest Island Authority. "Plants and wildflowers of Rottnest Island". Arquivado dende o orixinal o 10 de xuño de 2011. Consultado o 26 de febreiro de 2022.

[1] Somolinos, Daniel (1 de outubro de 2018). "Rottnest, la isla donde habita el animal más feliz del planeta". El Mundo. Consultado o 25 de febreiro de 2022.

[2] Appleyard, R. T. & Manford, Toby (1979): The Beginning: European Discovery and Early Settlement of Swan River. Western Australia. Perth, Western Australia: University of Western Australia Press. ISBN 0-8556-4146-0.

[3] Kilpatrick, Alan G. (2016):"Birds of Rottnest Island, WA". Emu - Austral Ornithology 32 (1): 30–31.

[4] Rottnest Island Authority. "Plants and wildflowers of Rottnest Island". Arquivado dende o orixinal o 10 de xuño de 2011. Consultado o 26 de febreiro de 2022.

[1]

[2]

[3]

[4]