Insomniac é o cuarto álbum da banda estadounidense de punk rockGreen Day, editado o 10 de outubro de 1995 a través do selo Reprise Records. Aínda que chegou ao número 2 nos Estados Unidos e foi dobre platino en 1996, Insomniac non tivo as mesmas vendas que o seu predecesor, Dookie, en gran parte debido ao seu tóno lírico lixeiramente máis escuro e ao seu son máis abrasivo. Insomniac é o terceiro álbum da banda máis vendido, despois de Dookie e American Idiot, con vendas por riba dos 8 millóns de copias en todo o mundo, dos cales 2 vendéronse só nos Estados Unidos. O traballo foi re-editado en vinilo o 12 de maio do 2009. Inicialmente ía ser chamado "Tight Wad Hill", polo corte 13, pero finalmente bautizouse como "Insomniac" cando Armstrong preguntoulle ao artista Winston Smith, encargado das ilustracións do álbum.
