Pierre Levegh

Pierre Levegh

Biografía
Nacemento	(fr) Pierre Eugène Alfred Bouillin 22 de decembro de 1905 9.º arrondissement de Paris, Francia (pt)
Morte	11 de xuño de 1955 (49 anos) Le Mans, Francia
Causa da morte	morte accidental
Lugar de sepultura	Cemiterio do Père-Lachaise, 93 48°51′42″N 2°23′55″L Grave of Velghe-Strom-Bouillin (en)
Actividade
Ocupación	piloto de motociclismo, xogador de hóckey sobre xeo, piloto de automobilismo, piloto de Fórmula Un
Deporte	hóckey sobre xeo automobilismo
Participou en
	24 Horas de Le Mans

Pierre Eugène Alfred Bouillin, nado en París o 22 de decembro de 1905 e finado no Circuíto de Le Mans o 11 de xuño de 1955, foi un deportista francés e piloto de carreiras. Tomou o nome de carreiras Pierre Levegh (pronunciado Le-Vec) en memoria do seu tío, un piloto pioneiro que morreu en 1904. Levegh é recordado principalmente pola Traxedia de Le Mans de 1955, desastre que o matou e 83 espectadores durante a carreira automobilística de das 24 Horas de Le Mans de 1955.

Carreira

Foi tamén xogador de hóckey sobre xeo e tenista. No automobilismo competiu na Fórmula Un para o equipo de Talbot-Lago en 1950 e 1951, comezando seis carreiras, retirándose en tres e sen acadar puntos.

En Le Mans pilotou para Talbot en catro carreiras, terminando cuarto en 1951. En 1952, pilotando só, o seu coche sufriu un fallo no motor na última hora da carreira cunha vantaxe de catro voltas. O fallo debeuse a un parafuso no coxinete central do veo de manivelas que se soltou moitas horas antes na carreira, aínda que moitos fanáticos atribuíron a culpa á fatiga do piloto. Levegh negouse a deixar o seu co-piloto tomar o relevo porque sentía que el podería levar á meta o automóbil. En 1953 chegou oitavo, e en 1954 estivo involucrado nun accidente na sétima hora de carreira.

En 1955 foi tentado lonxe de Talbot e uniuse ao estadounidense John Fitch para competir cun Mercedes-Benz 300 SLR. Durante as 24 Horas de Le Mans, na terceira hora de competición, na recta de tribunas o coche de Mike Hawthorn cortou a trazada para entrar en boxes, freando diante do Austin-Healey 100S de Lance Macklin. Macklin viuse obrigado a facer un movemento evasivo de Hawthorn, atravesando a pista ata meterse na trazada máis rápida do Mercedes de Levegh, que marchaba xusto diante do seu compañeiro de equipo en Mercedes Juan Manuel Fangio. Correndo pegado ao coche de Macklin, a roda dianteira dereita do coche de Levegh montou por encima da parte posterior esquerda de Macklin, o que provocou que o 300 SLR saíse polo aire, bateou contra un muro de contención, desintegrándose e dispersando os restos sobre a multitude. Levegh morreu cando saíu lanzado do coche e o seu cranio resultou esmagado polo impacto. O corpo de magnesio inflamable dos Mercedes rapidamente prenderon polo accidente; a combinación do incendio e as pezas do automóbil voador mataron a 83 espectadores con máis de 100 feridos. A carreira continuouse para evitar que os espectadores saíran, o que bloquearía todas as estradas de acceso ás ambulancias.

Aínda que Levegh non puido salvarse, puido salvar a vida do quíntuplo campión mundial de Fórmula 1 Fangio, que veu un sinal de Levegh para desacelerar, un momento antes de alcanzar o coche de Macklin, esta advertencia deliberada salvou a vida de Fangio.

Mentres que Mercedes se retirou da carreira como sinal de respecto ás vítimas (e máis tarde das carreiras automobilísticas en xeral durante os seguintes 30 anos), Mike Hawthorn e Ivor Bueb continuaron no seu Jaguar para gañar a carreira. O accidente foi un dos principais contribuíntes para cambiar actitudes sobre a aceptación do perigo nas carreiras de motor e un aumento no desexo de facer circuítos máis seguros tanto para os espectadores como para os pilotos. A pequena firma británica de Bristol Cars, cuxos pilotos conseguiron un 1-2-3 na clase de 2 litros en Le Mans ese ano, decidiron abandonar as carreiras completamente como resultado da traxedia, desguazando todo menos un dos seus coches de carreiras. Fitch converteuse nun defensor da seguridade e comezou a investigar sobrea seguridade automotriz, algunhas das cales prosperaronavanzaron no automobilismo.

Levegh está enterrado no Père Lachaise Cemetery en París.

Resultados Completos na Fórmula Un

(Chave) As carreiras en letra grosa indican pole position; as carreiras en cursiva indican volta rápida.

Ano	Equipo	Chasis	Motor	1	2	3	4	5	6	7	8	Pos.	Pts
1950	Pierre Levegh	Talbot-Lago T26C	Talbot 6 en liña	GBR	MON NCG	500	SUI	BEL 7	FRA Ret	ITA Ret		NC	0
1951	Pierre Levegh	Talbot-Lago T26C	Talbot 6 en liña	SUI	500	BEL 8	FRA	GBR	ALE 9	ITA Ret	ESP	NC	0

Resultados completos nas 24 Horas de Le Mans

Ano	Equipo	Co-Pilotos	Coche	Clase	Voltas	Pos.	Clase Pos.
1955	Daimler-Benz A.G.	John Fitch	Mercedes-Benz 307 SRL	S3.0	34	Ret Accidente mortal
1954	Pierre Levegh	Lino Fayen	Talbot-Lago T26 Gran Sport	S5.0	33	Ret
1953	Pierre Levegh	Charles Pozzi	Talbot-Lago T26 GS	S5.0	276	8ª
1952	Pierre Levegh		Talbot-Lago T26 GS Spider	S5.0	0	Ret
1951	Pierre Levegh	René Marchand	Talbot-Lago T26 GS Spider	S5.0	256	4ª
1939	Luigi Chinetti	René Le Bègue	Talbot-Lago SS	5	102	Ret
1938	Jean Trévoux	Jean Trévoux	Talbot T150c	5	159	Ret

Véxase tamén

Ligazóns externas

• Remember Le Mans 1955
• 1955 Le Mans Disaster
• Pierre Levegh at motorsportmemorial.org