Spam
O termo spam procede dunha popular serie de comedia inglesa, Monty Python, onde uns viquingos desleixados e teimudos pedían nun bar, a berros, latas dunha conserva americana de xamón de marca SPAM.
Na práctica, o spam é o envío repetido de mensaxes de correo electrónico, en gran cantidade, para distribuír información inútil, propaganda e unha variedade de propostas segundo esquemas tipo "gañe diñeiro fácil". Supón un desperdicio de recursos técnicos e de tempo de atención dos usuarios.
As persoas e sistemas que o envían devecen por atopar enderezos de correo electrónico activos e atendidos, sexan estes de tipo persoal ou de departamentos ou grupos de traballo, e recollen estes enderezos con programas que os buscan automaticamente en páxinas web, guías, directorios, chats e grupos de novas.
Historia
[editar | editar a fonte]O 3 de maio de 1978, un responsable de mercadotecnia da sociedade informática DEC (hoxe desaparecida) enviou un correo electrónico con publicidade a unhas 400 persoas da costa oeste dos Estados Unidos. Nace así o spam ou correo lixo [1].
Notas
[editar | editar a fonte]- ↑ "El 'spam', una peste que cumple 30 años en los ordenadores", en La Voz de Galicia, 3.05.2008.
