Էդվարդ դե Բոնո

Էդվարդ դե Բոնո; անգլ.՝ Edward Charles Francis Publius de Bono
Ծնվել է	Մայիսի 19, 1933
Ծննդավայր	Մալթա, Մեծ Բրիտանիայի թագավորություն
Վախճանվել է	հունիսի 9, 2021 (88 տարեկան)
Վախճանի վայր	Մալթա
Մասնագիտություն	գրող, հոգեբան
Քաղաքացիություն	Միացյալ Թագավորություն
Կրթություն	Օքսֆորդ
Գիտական աստիճան	փիլիսոփայության դոկտոր
Աշխատավայր	Քեմբրիջի համալսարան և Պրետորիայի համալսարան
Պարգևներ	Հռոդոսի կրթաթոշակ և Պատվավոր դոկտոր
Կայք	debono.com
	Edward de Bono Վիքիպահեստում

Էդվարդ դե Բոնո (անգլ.՝ Edward de Bono, ծնվել է մայիսի 19, 1933, Մալթա), բրիտանացի հոգեբան, փորձագետ ստեղծագործ մտածելակերպի ոլորտում:

Կենսագրություն

Էդվարդ Չարլզ Ֆրենսիս Պուբլիուս դե Բոնոն ծնվել է մայիսի 19 1933 թվականին Մալթայում: Ավարտել է Սբ. Մարտինի քոլեջը Մալթայում: Հետագայում ստանում է բժշկագիտության դոկտորի աստիճան Մալթայի համալսարանում, իսկ հետագայում որպես Ռոդսի կրթաթոշակ ստացող սովորել է Օքսֆորդում, Քրայթ-Չերչ քոլեջում, որտեղ ստանում է մագիստրոսի կոչում հոգեբանությունից:Դե Բոնոն նույնպես ստանում է բժշկագիտության դոկտորի աստիճան Թրինթի քոլեջում Քեմբրիջում, ինչպես նաև իրավագիտության դոկտորի աստիճան Դանդիի համալսարանում: Էդուարդ դե Բոնոն աշխարհին հայտնի է ինչպես գործնական մտածելակերպի հտությունների զարգացման առաջատար մասնագետ: Նա գիտության մեջ ներքաշել է «Լաթերալ մտածելակերպ» հասկացությունը, որը հետագայում ներառվել է Օքսվորդի ժամանակակից անգլերենի բառարանում: Դե Բոնոն մշակել է գիտական մեթոդների համակարգ, որը մարդու մեջ զարգացնում է ստեղծագործող մտածելակերպի հմտությունները, ինչպես նա ասում էր` «հավասարակշռված մտածելակերպ»^[3]: Դե Բոնոն քառասունհինգ գրքի հեղինակ է, որոնք թարգմանվել են քսանյոթ լեզուներով, նկարահանված են եկու գիտական ֆիլմեր: Գիտնականը կարդացել է դասախոսություններ աշխարհի քառասունհինգ երկրներում և հանդես էր գալիս միջազգային խոշորագույն գիտաժողովներում, իսկ 1989 թվականին նրան առաջարկվել է Նոբելյան մրցանակի հավակնորդների հանձնաժողովի նախագահի պաշտոնը: Հավասարակշռված մտածելակերպի մշակման մեթոդիկային են դիմել առաջատար արդյունաբերական կազմակերպությունները, ինչպիսիք են IBM, NTT(Ճապոնիա), Du Pont, Eriksson, Ford և ալյն: Ներկայիս պահին Էդվարդ դե Բոնոն հատուկ կրթական ծրագրի ղեկավար է, որը կյանքի է կոչում երեխաների ստեղծագործ մտածելակերպի զարգացման ծրագիրը հանրակրթական դպրոցներում^[3]:

Լաթերալ մտածելակերպ

Բրիտանացի գիտնական Էդվարդ դե Բոնոն բազմաթիվ մեթոդներ է առաջարկել ստեղծագործելու և մտածելակերկի մասին: Նա համարվում է լաթերալ մտածելակերպ տերմինի հիմնադիրը, որը էապես տարբերվում է ուղղահայաց մտածելակերպից նրանով, որ հարցականի տակ է դնում սկզբնական պայմանները:Լատերալ մտածելակերպի օրինակներից մեկը համարվում է վեց գլխարկների մեթոդը (սպիտակը մարմնավորում է անալիտիկ մտածելակերպը, սևը` քննադատական,դեղինը` լավատեսական,կանաչը`ստեղծագործող մտածելակերպը, իսկ կապույտը`հեռանկարային մտածելակերպը):Փոխաբերական իմաստով, հագնելով գլխարկներից որևէ մեկը, մարդը կարող է նայել խնդրին մի քանի տեսանկյունից^[4]:

Երկեր

Էդվարդ դե Բոնո «Մտածողության վեց գլխարկներ»
«Ոչ ստանդարտ մտածելակերպ»
«Ջրային տրամաբանություն» WATER LOGIC
«Լաթերալ մտածելակերպ»
«Սովորեցրեք ձեր երեխային մտածել»

Ծանոթագրություններ

↑ Father of lateral thinking, Edward de Bono, has died
↑ Rhodes Scholar Database
↑ ^3,0 ^3,1 Էդվարդ դե Բոնո, Մտածողության վեց գլխարկներ, Սանկտ- Պետերբուրգ,1997,էջ 10
↑ Էդվարդ դե Բոնո, Լատերալ մտածելակերպ

[_fcbbebc4d403869d-1] Father of lateral thinking, Edward de Bono, has died

[_6095ac5acb385d70-2] Rhodes Scholar Database

[Բոնո-3] 3,0 ^3,1 Էդվարդ դե Բոնո, Մտածողության վեց գլխարկներ, Սանկտ- Պետերբուրգ,1997,էջ 10

[4] Էդվարդ դե Բոնո, Լատերալ մտածելակերպ

[1]

[2]

[3]

[4]