Ռեյ Յուրի

Ռեյ Յուրի
Անձնական տեղեկություն
Սեռ՝	արական
Մասնագիտացում՝	թեթևատլետ
Երկիր՝	ԱՄՆ
Ծննդյան ամսաթիվ՝	հոկտեմբերի 14, 1873
Ծննդավայր՝	Lafayette, Ինդիանա, ԱՄՆ
Մահվան ամսաթիվ՝	սեպտեմբերի 29, 1937 (63 տարեկան)
Մահվան վայր՝	Նյու Յորք, Նյու Յորք, ԱՄՆ
Հասակ՝	185 սանտիմետր
Քաշ՝	79 կիլոգրամ

Ռեյմոնդ Քլարենս (Ռեյ) Յուրի (անգլ.՝ Raymond Clarence "Ray" Ewry, հոկտեմբերի 14, 1873(1873-10-14)^[1], Lafayette, Ինդիանա, ԱՄՆ - սեպտեմբերի 29, 1937(1937-09-29)^[1], Նյու Յորք, Նյու Յորք, ԱՄՆ), ամերիկացի թեթեւ աթլետ, ութակի օլիմպիական չեմպիոն, օլիմպիական խաղերմ առավել շատ տիտղոսներ նվաճած մարզիկներից մեկը^[2]։

Կենսագրություն

Ռեյը ծնվել է Ինդիանա նահանգի Լաֆայետ քաղաքում։ Մանուկ հասակում հիվանդացել է պոլիոմելիտով և ստիպված է եղել որոշ ժամանակ տեղից տեղ շարժվել անվասայլակով^[3]։ Սակայն վարժությունների շնորհիվ նա կարողացել է ապաքինվել և սկսել է զբաղվել ցատկով՝ ոտքերի մկաններն ամրացնելու նպատակով։

1890 թվականին ընդունվել է Պերդյուի անվան համալսարան, որն ավարտել է 1896 թվականին՝ ստանալով հիդրավլիկ ճարտարագետի մասնագիտություն։ Համալսարանում սովորելիս խաղացել է ամերիկյան ֆուտբոլ, զբաղվել թեթև աթլետիկայով, գլխավորել է համալսարանի թիմը։ 1898 թվականից մինչև 1910 թվականը ընկած ժամանակամիջոցում 15 անգամ նվաճել է ԱՄՆ-ի չեմպիոնի տիտղոսը՝ հաղթանակներ տանելով առանց թափավազքի ցատկի առաջնություններում։

1900--1908 թվականներին Ռեյը մասնակցել է չորս ամառային օլիմպիական խաղերի (ներառյալ 1906 թվականի ոչ պաշտոնական խաղերը)։ Նա հաղթել է այն բոլոր մրցումներում, որոնց մասնակցել է, վերջնահաշվարկով նվաճել է տասը ոսկե մեդալ, որոնցից երկուսը ձեռք է բերել ոչ պաշտոնական խաղերում^[4], և, հետևաբար, նա պաշտոնապես համարվում է օլիմպիական ութակի չեմպիոն։ Ընդ որում՝ սահմանել է երկու համաշխարհային և մեկ օլիմպիական ռեկորդ։ Ռեյը ցանկացել է մասնակցել նաև 1912 թվականի խաղերին (երբ արդեն 39 տարեկան էր), բայց նրան թույլ չեն տվել։

Առանց թափավազքի հեռացատկի՝ նրա սահմանած ռեկորդը (3,47 մետր) չի գերազանցվել մինչև 1938 թվականը^[5], երբ այդ մրցաձևի արդյունքները այլևս պաշտոնապես չեն գրանցվել։

Օլիմպիական խաղերի արդյունքները^[6]
Օլիմպիական խաղեր	Բարձրացատկ առանց թափավազքի	Հեռացատկ առանց թափավազքի	Եռացատկ առանց թափավազքի
Փարիզ 1900 թ	1,65 մ Համաշխ. ռեկորդ	3.21 մ	10.58 մ
Սենթ Լուիս 1904 թ	1,60 մ</img>	3.48 մ</img> Օլիմպ. և համաշխ. ռեկորդ	10.54 մ</img>
Աթենք 1906 թ	1,56 մ</img>	3.30 մ</img>	Չի անցկացվել
Լոնդոն 1908 թ	1.575 մ</img>	3.335 մ</img>	Չի անցկացվել

Ռեյ Յուրին մահացել է 1937 թվականի սեպտեմբերի 29-ին։ 1974 թվականին նրան նվիրված անկյուն է բացվել ամերիկյան թեթևատլետիկական փառքի սրահում, 1983 թվականին՝ ամերիկյան օլիմպիական փառքի սրահում։

Ծանոթագրություններ

↑ ^1,0 ^1,1 ^1,2 ^1,3 ^1,4 Encyclopædia Britannica
↑ «Ray Ewry». Olympedia. Վերցված է 2020 թ․ դեկտեմբերի 24-ին.
↑ «RAY EWRY MEDALS». Official website of the Olympic Movement. Վերցված է 2015 թ․ հունիսի 23-ին.
↑ Rohde, John (2008 թ․ օգոստոսի 13). «Phelps is clearly No. 1 in career golds; Ewry should be No. 2». The Oklahoman. Վերցված է 2017 թ․ հոկտեմբերի 26-ին.
↑ «Ray Ewry». databaseolympics.com. Արխիվացված է օրիգինալից 2007 թ․ փետրվարի 23-ին.
↑ Результаты Рея Юри на сайте databaseolympics.com Արխիվացված 2007-02-23 Wayback Machine (անգլ.)

Գրականություն

Genty, Clement (2021). RAY EWRY (1873-1937) Dix fois champion olympique du saut sans élan. L'Harmattan. ISBN 978-2-343-23212-6.

Արտաքին հղումներ

Ռեյ Յուրին Ամերիկյան թեթեւ ատլետիկայի փառքի սրահում(անգլերեն) )
Ռեյ Յուրին sports-reference.com-ում(անգլերեն) )

Վիքիպահեստն ունի նյութեր, որոնք վերաբերում են «Ռեյ Յուրի» հոդվածին։

[_a3013c1d3b448bc6-1] 1,0 ^1,1 ^1,2 ^1,3 ^1,4 Encyclopædia Britannica

[2] «Ray Ewry». Olympedia. Վերցված է 2020 թ․ դեկտեմբերի 24-ին.

[3] «RAY EWRY MEDALS». Official website of the Olympic Movement. Վերցված է 2015 թ․ հունիսի 23-ին.

[4] Rohde, John (2008 թ․ օգոստոսի 13). «Phelps is clearly No. 1 in career golds; Ewry should be No. 2». The Oklahoman. Վերցված է 2017 թ․ հոկտեմբերի 26-ին.

[5] «Ray Ewry». databaseolympics.com. Արխիվացված է օրիգինալից 2007 թ․ փետրվարի 23-ին.

[6] Результаты Рея Юри на сайте databaseolympics.com Արխիվացված 2007-02-23 Wayback Machine (անգլ.)

[1]

[2]

[3]

[4]

[5]

[6]