Անին և անեցիները (գիրք)
Անին և անեցիները | |
|---|---|
.jpeg) | |
| Հեղինակ | Կարեն Մաթևոսյան |
| Տեսակ | գիրք |
| Թեմա | Անի |
| Բնօրինակ լեզու | հայերեն |
| Ստեղծման տարեթիվ | 2021 |
| Էջեր | 464 |
| Խմբագիր | Վահան Տեր-Ղևոնդյան |
| Երկիր |  Հայաստան |
| Հրատարակման վայր | Երևան |
| Հրատարակիչ | Մատենադարան |
| Հրատարակված է | «Տիգրան Մեծ» տպագրատուն |
| Հրատարակման տարեթիվ | դեկտեմբեր 2021 |
| ԳՄՍՀ | 978-9939-897-01-1 |
| ՀՏԴ | 94(479.25) |
| ԳՄԴ | 63.3(5Հ) |
| Թվային տարբերակ | matenadaran.am/ftp/el_gradaran/K.Matevosyan_Ani.pdf |
«Անին և անեցիները» (անգլ.՝ Ani and its citizens, ռուս.՝ Ани и его граждане), Մատենադարանի գիտական խորհրդի որոշմամբ 2021 թվականին հրատարակված գիրք։ Աշխատության հեղինակն է հայագետ, աղբյուրագետ, պատմաբան, պատմական գիտությունների դոկտոր, պրոֆեսոր, Մատենադարանի գիտական գծով փոխտնօրեն Կարեն Մաթևոսյանը։ Գրքի խմբագիրն է Մատենադարանի տնօրեն, պատմական գիտությունների դոկտոր Վահան Տեր-Ղևոնդյանը։ Հրատարակչությանն աջակցել է «Ջեյ Թի Այ Արմենիա» ՓԲԸ-ն[1][2][3]։
Գրքում ներկայացված է Անիի պատմությունն ու քաղաքաշինությունը, քաղաքամերձ վանքերն ու բերդերը, ինչպես նաև սկզբնաղբյուրների հարուստ տեղեկություններն անեցիների՝ ազնվականների, քաղաքային տոհմերի և շարքային քաղաքացիների մասին[4]։ Գիրքը բաղկացած է երկու մասից․ առաջին մասը ներկայացնում է Միջնադարյան Հայաստանի պատմության մեջ բացառիկ կարևոր դեր ունեցած երկրի քաղաքական և հոգևոր կենտրոն, Բագրատունյաց թագավորության ժամանակաշրջանում՝ թագավորանիստ և կաթողիկոսանիստ Անի քաղաքի պատմությանը, մշակույթին, քաղաքի ընդգրկմանը, ինչպես նաև՝ Անիի մերձակա վանքերն ու բերդերը։ Երկրորդ մասում ներկայացնում է անեցիներին՝ թագավորական ընտանիքի անդամներից ու ազնվական տոհմերից սկսած մինչև մեծաթիվ քաղաքային դասը, որը բաղկացած էր արհեստավորներից, առևտրականներից, զանազան գործավորներից և այլ խմբերից։ Աշխատությունը ամփոփվում է սկզբնաղբյուրների տվյալների հիման վրա կազմված «Անեցիների և քաղաքին առնչված անձանց անվանացանկով», որն ընդգրկում է 783 անուն[1]։
Այս հրատարակության նպատակն է ուշադրություն հրավիրել 2016 թվականին ՅՈՒՆԵՍԿՕ-ի համաշխարհային մշակութային ժառանգության ցանկում ընդգրկված Անիի շուրջը գտնվող հայկական վանքերի և այլ հուշարձանների վրա, որոնք միջնադարում սերտորեն կապված էին քաղաքի հետ, իսկ ներկայումս գտնվում են ցավալի վատ վիճակում[1]։
Տես նաև
[խմբագրել | խմբագրել կոդը]Ծանոթագրություններ
[խմբագրել | խմբագրել կոդը]- ↑ 1,0 1,1 1,2 «ԼՈՒՅՍ Է ՄԱՏԵՆԱԴԱՐԱՆԻ ԳԻՏԱԿԱՆ ԳԾՈՎ ՓՈԽՏՆՕՐԵՆ ԿԱՐԵՆ ՄԱԹԵՎՈՍՅԱՆԻ «ԱՆԻՆ ԵՎ ԱՆԵՑԻՆԵՐԸ» ԱՇԽԱՏՈՒԹՅՈՒՆԸ». Մատենադարան. 24.12.2021. Վերցված է 2022 թ․ հունիսի 22-ին.
{{cite web}}:|first=missing|last=(օգնություն) - ↑ «Նոր գիրք. Անին և անեցիները». Շողակաթ հեռուստաալիք. 21.01.2022. Վերցված է 2022 թ․ հունիսի 22-ին.
{{cite web}}:|first=missing|last=(օգնություն) - ↑ «ԱՆԻՆ ԵՒ ԱՆԵՑԻՆԵՐԸ». Ժամանակ օրաթերթ. 27.12.2021. Վերցված է 2022 թ․ հունիսի 22-ին.
{{cite web}}:|first=missing|last=(օգնություն) - ↑ Կարեն Մաթևոսյան, Անին և Անեցիները (Մատենադարան) (խմբ. Վահան Տեր-Ղևոնդյան), Երևան էջ 432 — 464 էջ, ISBN 978-9939-897-01-1։