Հարակից նստեցում

Հարակից նստեցում, անլուծելի նյութի՝ կրողի առաջացման ընթացքում լուծելի նյութերի կլանվելը և նստվածքի հետլուծույթից անջատվելը։ Դա կիրառում են աղերի լուծույթները մաքրելու և լուծույթում հետքային քանակներով պարունակվող նյութերն անջատելու և խտացնելու նպատակով։ Առանձին դեպքերում նման միջոցով կարելի է անջատել և որոշել մինչև $10^{-10}-10^{-12}$ գ-իոն/լ կոնցենտրացիայի միկրոխառնուրդները։ Հատկապես լավ է ընթանում, եթե կրողը առաջանում է խիստ զարգացած մակերևույթ ունեցող նստվածքի ձևով։ Հաճախ օգտագործվող կրողներն են $Fe(OH)_{3},Al(OH)_{3},CdS,HgS,CuSPbS,BaSO_{4},Ca_{3}(PO_{4})_{2},(\beta$-նավթոլը, օքսիքինոլինը, կուպֆերոնը և այլն)։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 6, էջ 277)։