Պրահայի ազգային պատկերասրահ

Պրահայի ազգային պատկերասրահ
Տեսակ	պատկերասրահ, Czech research institution? և ազգային թանգարան
Երկիր	Չեխիա
Տեղագրություն	Պրահա
Կազմված է	Ցուցադրությունների պալատ, Կինսկիների ամրոց, Waldstein Riding School?, Անեժի մենաստան, Սալմովսկի ամրոց, Շվարցենբերգյան ամրոց և Շտենբերկի ամրոց
Ղեկավարության նստավայր	Պրահա, Պրահա 1
Հիմնադրվել է	փետրվարի 5, 1796
Այցելուներ	712 619 մարդ (2016) և 282 800 մարդ (2020)
Հավաքածուի չափս	398 528, 399 621, 2670 և 3512
Կայք	ngprague.cz/en(անգլ.) և ngprague.cz(չեխ.)

Պրահայի ազգային պատկերասրահ (չեխ․՝ Národní galerie v Praze), Չեխիայի պետական պատկերասրահ, որտեղ հավաքված են չեխական կերպարվեստի և կիրառական արվեստի լավագույն նմուշները։

Ստեղծվել է 1949 թվականին՝ մի քանի պատկերասրահների միավորման արդյունքում։ Ազգային պատկերասրահի ցուցանմուշները տեղակայված են Պրահայի պատմական մի քանի կառույցներում, որոնցից ամենախոշորը Ցուցադրությունների պալատն է (չեխ․՝ Veletržní Palác):

Թանգարանի պատմությունը սկսվել է 1796 թվականի փետրվարի 5-ին^[4], երբ չեխ արիստոկրատների և մտավորականների խումբը ստեղծեց բնակչության լուսավորման և արվեստին հաղորդակցելու հայրենասեր ընկերների միությունը։ Միությունը ձեռնամուխ եղավ ստեղծելու Արվեստների ակադեմիան և Պատկերասրահ, որը հասանելի կլինի բնակչությանը։ Վերջինիս հիմքի վրա էլ ստեղծվեց Պրահայի ազգային պատկերասրահը։

1949 թվականին չեխական կառավարության որոշմամբ ստեղծվեց Պրահայի ազգային պատկերասրահը։

Հավաքածու

Պատկերասրահի հավաքածուն ներկայացված է մի քանի շենքերում.

Անեժի մենաստան (չեխ․՝ Klášter sv. Anežky České)՝ Բոհեմիայի և Կենտրոնական Եվրոպայի միջնադարյան մշակույթ
Շվարցենբերգյան ամրոց (չեխ․՝ Schwarzenberský palác)՝ բարոկկո ոճի չեխական գեղանկարչություն
Սալմովսկի ամրոց (չեխ․՝ Salmovský palác)՝19-րդ դարի արվեստ
Շտենբերկի ամրոց (չեխ․՝ Šternberský palác)՝ անտիկ ժամանակաշրջանից մինչև բարոկկո ոճի եվրոպական մշակույթ
Ցուցադրությունների պալատ (չեխ․՝ Veletržní Palác)՝ 19-րդ դարի երկրորդ կեսի մշակույթ
Կինսկիխ ամրոց (չեխ․՝ Palác Kinských)՝ արվեստի հավաքածու (Չինաստան, Ճապոնիա, Հնդկաստան, Հարավարևելյան Ասիա, Տիբեթ, Մերձավոր Արևելք, Մոնղոլիա)