Վաչե Ումր-Շատ

Վաչե Ումր-Շատ
Ի ծնե անուն	Վաչե Վահանի Ումր-Շատյան
Ծնվել է	մարտի 13, 1922; Թիֆլիս, ԱԽՖՍՀ
Երկիր	ԽՍՀՄ և Հայաստան
Մահացել է	ապրիլի 1, 1998 (76 տարեկան); Երևան, Հայաստան
Գերեզման	Թոխմախի գերեզմանատուն
Մասնագիտություն	դաշնակահար և երաժշտության ուսուցիչ
Գործիքներ	դաշնամուր
Աշխատավայր	Ռոմանոս Մելիքյանի անվան պետական երաժշտական քոլեջ և Երևանի Կոմիտասի անվան պետական կոնսերվատորիա
Կրթություն	Թբիլիսիի Վանո Սարաջիշվիլիի անվան պետական կոնսերվատորիա (1948)

Վաչե Վահանի Ումր-Շատ (Ումր-Շատյան, մարտի 13, 1922(1922-03-13)^[1], Թիֆլիս, ԱԽՖՍՀ - ապրիլի 1, 1998(1998-04-01)^[1], Երևան, Հայաստան), հայ դաշնակահար, պրոֆեսոր։ ՀԽՍՀ վաստակավոր ուսուցիչ (1962)։

Կենսագրություն

Վաչե Ումր-Շատը ծնվել է 1922 թվականին Թիֆլիսում մանկավարժ-երաժիշտ Վահան Ումր-Շատի ընտանիքում։ 1948 թվականին ավարտել է Թբիլիսիի կոնսերվատորիան, ապա կատարելագործվել է Մոսկվայում։ 1949-1952 թվականներին դասավանդել է Լենինականի երաժշտական ուսումնարանում, 1952-1998 թվականներին՝ Երևանի Ռոմանոս Մելիքյանի անվան երաժշտական ուսումնարանում։ 1963-1998 թվականներին աշխատել է Երևանի Կոմիտասի անվան պետական կոնսերվատորիայում (1992 թվականից՝ պրոֆեսոր)։ 1960 թվականից եղել է ՀԽՍՀ մշակույթի նախարարության մեթոդկաբինետի դաշնամուրի բաժնի ղեկավարը։ Ստեղծել է դաշնամուրի դասավանդման դպրոց^[2]։ Մահացել է Երևանում։

Վաչե Ումր-Շատի հոբելյանական տարեդարձներին նրա սան, ՀԽՍՀ ժողովրդական արտիստ Սվետլանա Նավասարդյանը ավանդաբար հանդես է գալիս ուսուցչի հիշատակին նվիրված մենահամերգներով։