Քեթրին Հեփբըրն

Քեթրին Հեփբըրն անգլ.՝ Katharine Hepburn
Ծնվել է	մայիսի 12, 1907(1907-05-12)[…]
Ծննդավայր	Հարթֆորդ
Մահացել է	հունիսի 29, 2003(2003-06-29)[…] (96 տարեկան)
Մահվան վայր	Օլդ Սեյբրուք
Գերեզման	Cedar Hill Cemetery
Կրթություն	Բրին Մոր քոլեջ և Kingswood-Oxford School?
Քաղաքացիություն	ԱՄՆ
Կրոն	աթեիզմ
Մասնագիտություն	կինոդերասանուհի, ինքնակենսագիր, թատրոնի դերասանուհի, հեռուստատեսային դերասանուհի և դերասանուհի
Ծնողներ	հայր՝ Թոմաս Նորվել Հեփբերն, մայր՝ Քեթրին Մարթա Հյութոն Հեփբորն
Ամուսին(ներ)	Ludlow Ogden Smith?
Համատեղ ապրող(ներ)	Սփենսեր Թրեյսի և Հովարդ Հյուզ
Պարգևներ և մրցանակներ	Կոնեկտիկուտի կանանց փառքի սրահ ԱՄՆ կինոդերասանների գիլդիայի մրցանակ կինեմատոգրաֆում ներդրման համար ԱՄՆ կինոդերասանների գիլդիայի մրցանակ Դավիդ դի Դոնաթելլո Վոլպի գավաթ կնոջ լավագույն դերակատարման համար Լավագույն դերասանուհի CFDA Lifetime Achievement Award? BAFTA մրցանակ կնոջ լավագույն դերակատարման համար Հոլիվուդյան փառքի ծառուղու աստղ Ladies' Home Journal Women of the Year? և Hasty Pudding Woman of the Year?
Անդամություն	Committee for the First Amendment?

Քեթրին Հեփբըրն (անգլ.՝ Katharine Hepburn, մայիսի 12, 1907(1907-05-12)^[…], Հարթֆորդ - հունիսի 29, 2003(2003-06-29)^[…], Օլդ Սեյբրուք), ամերիկացի դերասանուհի, 12 անգամ ներկայացվել է Օսկարի և արժանացել 4 Օսկարի Օսկար լավագույն դերասանուհու համար անվանակարգում, ինչը կինոյի պատմության մեջ ռեկորդ է, դերասան-դերասանուհիներից ամենաշատը հենց նա է ստացել Օսկար մրցանակ։

Ամերիկյան կինոակադեմիան իր կողմից հրապարակած Ամերիկյան բոլոր ժամանակների ֆիլմերի 100 մեծագույն աստղերի ցանկում նրան ընդգրկել է պատվավոր 1 տեղում։

Կենսագրություն

Քեթրին Հեփբըրնը ծնվել է 1907 թվականի մայիսի 12-ին ԱՄՆ-ում, Կոնեկտիկուտ նահանգի Հարթֆորդ քաղաքում։ Հայրը մասնագիտությանբ բժիշկ, ուրոլոգ վիրաբույժ Թոմաս Նորվալ Հեփբըրնն էր, մայրը սուֆրաժիստուհի Քեթրին Մարթա Հյութոնը։ Նա ընտանիքի 6 երեխաներից 2-րդն էր։ Ուսում ստացել է Bryn Mawr քոլեջում։ Դպրոցական տարիներին նա ամաչկոտ էր և դժվար էր ձեռք բերում նոր ընկերներ։

12 տարեկանից սկսած նա խաղում է սիրողական ներկայացումներում։ 1928 թվականին կայանում է նրա նորամուտը Բալթիմորի թատրոնում, իսկ մեկ տարի անց խաղում է արդեն Բրոդվեյում։ Հենց այդ ժամանակ էլ ամուսնանում է Ֆիլադելֆիա քաղաքի բնակիչ, մասնագիտությամբ բրոքեր Օգդեն Սմիթի հետ։ Սակայն նրանց ամուսնությունը երկար չի տևում և նրանք 1934 թվականին բաժանվում են։

1942 թվականին «Տարվա կինը» ֆիլմի նկարահումների ժամանակ ծանոթանում է դերասան Սփենսեր Թրեյսիի հետ, ում հետ ունենում է երկարատև սիրավեպ՝ գրեթե 30 տարի և միասին նկարահանվում են ևս 9 ֆիլմում։ 1962-ից 1967 թվականներին Քեթրին Հեփբըրնը չի նկարահանվում ֆիլմերում և խնամում է անկողնային հիվանդ Սփենսեր Թրեյսիին, ով իր օրինական կնոջից (ում հետ ամուսնացած էր 1928 թվականից) առանձին էր ապրում։ Նրանց վերջին համատեղ աշխատանքը Սթենլի Կրամերի «Գուշակիր, ով է գալու ճաշին» ֆիլմն էր։ Միայն Թրեյսիի մահից հետո Քեթրին Հեփբըրնը վերադառնում է կինո և թատրոն։ Սփենսեր Թրեյսի-Քեթրին Հեփբըրն զույգը համարվում է Հոլիվուդյան ամենանշանավոր դերասանական աստղային զույգերից մեկը։

Քեթին Հեփբըրնը մահացել է 2003 թվականի հունիսի 29-ին 96 տարեկան հասակում Կոնեկտիկուտ նահանգի Օլդ-Սեյբրուկ քաղաքում գտնվող իր առանձնատանը։

Դերասանական կարիերա

Քեթրին Հեփբըրնի նորամուտը կինոյում կայացել է 1932 թվականին «Բիլլին ամուսնալուծության մասին» ֆիլմում։ Դերասանուհին փայլում է դերասանական խաղով 1933 թվականին նկարահանված իր հաջորդ երկու «Վաղ փառք» և «Փոքրիկ կանայք» ֆիլմերում։ 1938 թվականին Քերի Գրանտի հետ նկարահանվում է «Փոքրիկի դաստիարակությունը» ֆիլմում, որը սակայն հաջողություն չի ունենում և այդ ֆիլմի տապալումից հետո Հեփբըրնը 2 տարի չի նկարահանվում կինոյում հրաժարվելով բոլոր առաջարկներից։ Դերասանուհին կինո վերադառնում է միայն 1943 թվականին խաղալով «Ֆիլադելֆյան պատմություն» ֆիլմում։ Դրանից հետո նկարահանվում է կինոյում խաղալով իր ժամանակի ամերիկացի նշանավոր ռեժիսորների ֆիլմերում ընկերակցելով մյուս հայտնի դերասաններին։

Ֆիլմագրություն

Խաղացել է ընդհանուր թվով 50-ից ավելի ֆիլմերում
Առավել նշանավոր ֆիլմերն են։

տարեթիվ	ֆիլմի անվանում	օրիգինալ անվանում	ռեժիսոր	խաղընկերներ
1933	Վաղ փառք	Morning Glory	Լոուել Շերման	Դուգլաս Ֆերբենքս
1933	Փոքրիկ կանայք	Little Women	Ջորջ Կյուկոր
1935	Էլիս Ադամս	Alice Adams	Ջորջ Սթիվենս
1938	Փոքրիկի դաստիարակություն	Bringing Up Baby	Հովարդ Հոուքս	Քերի Գրանտ
1940	Ֆիլադելֆյան պատմություն	The Philadelphia Story	Ջորջ Կյուկոր	Ջեյմս Ստյուարտ Քերի Գրանտ
1942	Տարվա կինը	Woman of the Year	Ջորջ Սթիվենս	Սփենսեր Թրեյսի
1944	Վիշապի սերունդները	Dragon Seed	Հարոլդ Բուկե Ջեք Կոնուեյ	Ակիմ Թամիրով
1945	Առանց սիրո	Without Love	Հարոլդ Բուկե	Սփենսեր Թրեյսի
1947	Խոտի ծով	The Sea of Grass	Էլիա Կազան	Սփենսեր Թրեյսի
1947	Սիրո երգը	Song of Love	Ժան Ժենե
1949	Ադամի կողը	Adam's Rib	Ջորջ Կյուկոր	Սփենսեր Թրեյսի
1951	Աֆրիկական թագուհին	The African Queen	Ջոն Հյուսթոն	Համֆրի Բոգարտ
1952	Փիթը և Մայքը	Pat And Mike	Ջորջ Կյուկոր
1956	Ամառ	Summertime	Դևիդ Լին
1956	Անձրևի վաճառողը	The Rainmaker	Ջոզեֆ Էնթոնի	Բերտ Լանկաստեր
1962	Երկար օրը գնում է գիշեր	Long Day's Journey into Night	Սիդնի Լյումետ	Ռալֆ Ռիչարդսոն Ջեյսոն Ռոբարդս
1967	Գուշակիր, ով է գալու ճաշին	Guess Who's Coming to Dinner	Սթենլի Կրամեր	Սփենսեր Թրեյսի Սիդնի Պուատյե
1968	Առյուծը ձմռանը	The Lion In Winter	Էնթոնի Հարվի	Պիտեր Օ'Թուլ Էնթոնի Հոփքինս Թիմոթի Դալտոն
1981	Ոսկե լճի վրա	On Golden Pond	Մարկ Ռայդելլ	Հենրի Ֆոնդա Ջեյն Ֆոնդա

Պատկերներ

• 
  1928 թ. ընտանեկան լուսանկար
• 
  1938 թ. ստուդիական լուսանկար
• 
  Համֆրի Բոգարտի հետ «Աֆրիկական թագուհին» ֆիլմում
• 
  Սփենսեր Թրեյսիի հետ «Տարվա կինը» ֆիլմում
• 
  Ջեյմս Ստյուարտի հետ «Ֆիլադելֆյան պատմություն» ֆիլմում
• 
  Թուրհան Բեյի հետ «Վիշապի ընտանիքը» ֆիլմում

Գրականություն

• Bacall, Lauren (2005). By Myself and Then Some. London: Headline. ISBN 0-7553-1350-X.
• Berg, Scott A. (2004 edition [First published 2003]). Kate Remembered: Katharine Hepburn, a Personal Biography. London: Pocket. ISBN 0-7434-1563-9.
• Britton, Andrew (2003 edition [First published 1984]). Katharine Hepburn: Star as Feminist. New York City, NY: Columbia University Press. ISBN 0-231-13277-8.
• Chandler, Charlotte (2011 edition [First published 2010]). I Know Where I'm Going: Katharine Hepburn, a Personal Biography. Milwaukee, WI: Applause. ISBN 1-907532-01-3.
• Curtis, James (2011). Spencer Tracy: A Biography. London: Hutchinson. ISBN 0-09-178524-3.
• Dickens, Homer (1990 edition [First published 1971]). The Films of Katharine Hepburn. New York City, NY: Carol Publishing Group. ISBN 0-8065-1175-3.
• DiEdwardo, Maryann Pasda (2006). The Legacy of Katharine Hepburn: Fine Art as a Way of Life: A Memoir. Bloomington, IN: AuthorHouse. ISBN 1-4259-6089-8.
• Edwards, Anne (1985). A Remarkable Woman: A Biography of Katharine Hepburn. New York City, NY: William Morrow & Company, Inc. ISBN 0-688-04528-6.
• Haver, Ronald (1980). David O. Selznick's Hollywood. London: Martin Secker & Warburg Ltd. ISBN 0-394-42595-2.
• Hepburn, Katharine (1991). Me: Stories of My Life. New York City, NY: Alfred A. Knopf. ISBN 0-679-40051-6.
• Higham, Charles (2004 edition [First published 1975]). Kate: The Life of Katharine Hepburn. New York City, NY: W. W. Norton. ISBN 0-393-32598-9.
• Horton, Ros and Sally Simmons (2007). Women Who Changed the World. London: Quercus Publishing Plc. ISBN 1-84724-026-7.
• Kanin, Garson (1971). Tracy and Hepburn: An Intimate Memoir. New York City, NY: Viking. ISBN 0-670-72293-6.
• Mann, William J. (2007). Kate: The Woman Who Was Hepburn. New York City, NY: Picador. ISBN 0-312-42740-9.
• Dickstein, Morris (2002). "Bringing Up Baby (1938)", in The A List: The National Society of Film Critics' 100 Essential Films, ed. Jay Carr. Cambridge, MA: Da Capo. ISBN 0-306-81096-4.
• Prideaux, James (1996). Knowing Hepburn and Other Curious Experiences. Boston, MA: Faber and Faber. ISBN 0-571-19892-9.
• Verlhac, Pierre-Henri (2009). Katharine Hepburn: A Life in Pictures. San Francisco, CA: Chronicle Books. ISBN 0-8118-6947-4.

Արտաքին հղումներ

• Internet Movie Database կայքում
• kinopoisk.ru կայքում
• Internet Broadway Database կայքում

Վիքիպահեստն ունի նյութեր, որոնք վերաբերում են «Քեթրին Հեփբըրն» հոդվածին։