Industria
| Industria |
|---|
| instantia de: economic activity[*], system lifecycle phase[*] |
| subclasse de: economic activity[*], production[*] |
| parte de: section in classification of productive activities[*], secondary sector of the economy[*] |
|
|
|
| Commons: Manufacturing |
Un industria[1] (ab latino industrius, "diligente, industriose") es le manufacturation de un ben o servicio in un categoria specific. Ben que le parola "industria" es un termino large que pote significar ulle typo de production economic, in economia e planification urban, "industria" es un synonymo pro le sector secundari, ubi occurre le manufacturation de materiales basic a benes e servicios.
Il ha quatro principal sectores industrial economic: le sector prime, que extrahe materiales basic (como mination e pisca); le sector secunde, que coperi raffinamento, construction, e manufacturation; le sector tertie, que tracta de servicios (como lege e medicina) e le distribution de benes manufacturate; e le sector quarte, un disveloppamento recente cuje foco es le recerca technologic, designo, e disveloppamento como programmation e bioingenieria. Un quinte sector ha essite proponite, que coperi industrias non lucrative. Le economia etiam es dividite in sectores public e private, con le vocabulo industria generalmente restringite al sectores private.
Industria, in le senso de manufacturation, deveniva un sector principal del production e labor de paises europee e nordamerican in le revolution industrial, que reimplaciava le previe economias mercantil e feudal per plure successive avantias in technologia, como aciero e le production de carbon. Il esseva adjutate per le avantiamentos technologic, e seque disveloppar se al nove typos e sectores ancora hodie. Trainos e naves de vapor rapidemente creava ligamines a mercatos que previemente non esseva disponibile, e habilitava que firmas private poteva attinger opulentia e grandor que tunc non esseva credibile. Depost le revolution industrial, circa un tertio del resultatos economic del mundo se deriva del industrias de manufacturar -- reimplaciante le activitate economic que esseva principal ante le revolution industrial, agricultura.
Le majoritate de paises disveloppate (per exemplo, le Regno Unite, le SUA, e Canada) e plure paises disveloppante (como China e India) depende significantemente in le industria. Industrias, le paises in que illos reside, e le economias del paises es interligate in un tela complexe de interdependentia.
Referentias
[modificar fonte]- ↑ Derivation: Entitates: 1. (it) Attività manifatturiera || 2. (es) Manufactura || (pt) Indústria manufatureira || 3. (fr) Industrie manufacturière || 4. (en) Manufacturing || Controlo: (de) Verarbeitendes Gewerbe || (ru) Материальное производство || - (Extra): (la) Fabrica (ratio)
