Bison
| Bison |
|---|
| genere de Bovinae |
 .jpg)
|
|
|
| Identificatores e ligamines |
| ID NCBI: 9900 |
| ID ITIS: 180705 |
| ID MSW: 14200668 |
| ID Dyntaxa: 6011542 |
| Commons: Bison |
Bison es un genere controversate de Mammiferos ruminante appertinente al tribo Bovini.
Studios de phylogenia molecular monstra que le genere Bison non forma un clado e non pote esser distinguite del genere Bos.[1][2]
Description
[modificar | modificar fonte]Le Bisonte o Bison es un ruminante ungulate del familia Bovidae, in le actualitate il ha sol duo species: Le Bisonte american (Bison bison), que vive in le grande planessas de Statos Unite e Canada, e le Bisonte europee (Bison bonasus), que vive in alicun areas boscose protegite de Europa del Est.
Le genere plus proxime es le Bos, con ille pote generar hybrida in cautivitate como le beeffalo (Bison sp. x Bos tauros) e le yakalo (Bison bison x Bos gruniens). Le duo species del genere Bison etiam pote accopular se inter si, generante normalmente hybrida fertile.
Ora ben, on considera in biologia que un specie se defini como un ensemble de animales que pote naturalmente haber descendentia fertile. Il sembla que le fertilitate del hybridas sia le mesme que illo del animales non hybrida (il existe greges de hybrida que vive in libertate in le Caucaso russe desde le annos 1950).
Il habera alora que considerar le Bison bison e le Bison bonasus como duo subspecies, e non como duo species differente. Certe biologistas defende iste position, sed le majoritate de autores non obstante considera que le duo gruppos es species distinctas.
Le genere sembla haber origine in le sud de Asia durante le Plioceno, ubi surgeva un serie de formas gracile de patas longe, capite parve e gibbo pauc pronunciate que post se expandiva per le reste del continente et Europa.
Le arrivo de formas robuste similar al actuales se produceva in Asia central durante le glaciationes del Pleistoceno, que al final de iste epocha sortirea de Euroasia pro colonisar America del Nord.
Le cambios climatic posterior terminava pro extinger le bisontes in Asia (con le exception del Caucaso, ubi superviveva un subspecie endemic usque le initio del seculo XX) et individualizava un specie forestal in Europa que puta le brancas del arboles et altere specie que pastura in le planessas de America.
Le qualitate physica characteristic del bisonte, le ha permittite trovar avantanges et usos, como quando se incontra rodeate de nive et utilisa su voluminose capite pro mover lo et assi trovar pastura o aperir passo. Tamben es uno del pauc animales, o forsan le unic, que afronta le tempestas, in loco de fugir.
Isto esseva ancora plus frequente in le passate quando, illos migrava longe distantias, sed ora su desplaciamento es multe plus limitate.
Classification
[modificar | modificar fonte]Subtaxones
[modificar | modificar fonte]Referentias
[modificar fonte]- ↑ "Molecular and morphological phylogenies of Ruminantia and the alternative position of the Moschidae" (2003). Systematic Biology 52 (2): 206–28. doi:. PMID 12746147.
- ↑ Calamari, Zachary T. (June 2021). "Total Evidence Phylogenetic Analysis Supports New Morphological Synapomorphies for Bovidae (Mammalia, Artiodactyla)". American Museum Novitates (3970): 1–38. doi:. ISSN 0003-0082.