Castrum

Castrum
subclasse de: Roman military frontiers and fortifications[*], military camp[*], ancient monument[*], ancient Roman structure[*]
Commons: Ancient Roman castra

Le parola latin castrum (in le plural castra), esseva usate per le antique romanos pro denominar edificios, o areas de terreno reservate pro le utilisation del legiones roman como campamentos o positiones defensive.

Debite al existentia del parola in osco, in umbro, e in latino, il es possibile que illo es de origine indoeuropee. Le designationes campamento roman o fortalessa roman es formas que un castrum poteva assumer.

Originalmente, un castrum esseva un fortification celtic que esseva simile a un castello circumferite per un muralia circular. Generalmente illo esseva in le alto de un collina. Le romanos prendeva le termino in presto pro designar lor campos militar, que esseva rectangular. Le campos roman sempre esseva edificate secundo un modello correcte. Illos habeva duo vias primari que se intersecava: le cardus maximus, que se extendeva in direction nord-sud, e le decumanus maximus in direction est-west. Isto divideva le terreno in quatro partes equal. Le stratas finiva in quatro portales. Le foro esseva construite in le intersection del duo vias, quasi al centro.

Le remanite del stratas esseva traciate parallelmente al duo principales,e formava un patrono quadriculate que totevia es utilisate multo in le citates moderne. Alicun urbes in Europa surgeva initialmente de campos militar roman e ancora hodie illos monstra tracias de lor modellos original (per exemplo, Castres in Francia e Barcelona in Espania).

Ligamines externe

• Stefano Baccolini,Vita quotidiana nei castra: L'esempio africano, Bolonia, 2000 (in italiano)

Referentias

Nota

Iste pagina contine material traducite ab Wikipedia in portugese. Le articulo original se trova a pt:Castrum, e es usate secundo le mandatos del licentia de Wikipedia.