Fide
| Fide |
|---|
| instantia de: mental state[*] |
| subclasse de: credentia |
| parte de: theological virtue[*] |
 .jpg)  
|
|
|
| Commons: Faith |
Fide[1] ha duo interpretationes que poterea esser insimul o separate:
- Fider o confider
- Creder sin un ration
In le duo casos, le fide es basate in le interpretation de alique intangibile (un sentimento o un emotion) e non de alique tangibile.
Comocunque, le parola 'fide' in le tempore moderne es usualmente relatate con religion.
Fide in le christianismo
[modificar | modificar fonte]Le legitime recognoscimento que le creatura human rende a Deo como Creator e Senior, secundo lo que Ille revelava de Se mesme e de Su voluntate. Illo significa un relation personal con Deo facite de fiducia e de obedientia. In particular il esseva le Senior Jesus Christo que se manifestava como medio supreme de reconciliation inter humanos e Deo. Recognoscer le obra de Jesus Christo, applicar lo al proprie vita con fiducia e obedientia, equivale al fide in Deo, nam il es in Christo que le humanos incontra Deo.
Articuli fidei fundamentalis, ab le latino pro "articulos fundamental del fide", es le doctrinas essential del fide.
Le pistologia es le studio del origine e del characteristicas del phenomeno "fide religiose" (in greco "pistis").
Typos de fide in le theologia christian
[modificar | modificar fonte]Fide cec
[modificar | modificar fonte]Doctrina catholic roman que concipe in un persona un fide non consciente in Christo. Creder sin comprehender. Notion aberrante, proque le ration es anque un dono de Deo. Deo non require del humanos un fide cec, ma un fide que comprehende le multe cosas que Ille revelava de Se mesme a nos. Le mesmo que: Fide implicite. Contrasta con: Fide salvific.
Fide implicite
[modificar | modificar fonte]Doctrina catholic roman que concipe in un persona un fide non consciente in Christo. Le mesmo que: Fide cec. Contrasta con: Fide salvific.
Fide in miraculos
[modificar | modificar fonte]Le fide que require e depende del experientia de un action miraculose de Deo in le proprie vita. Miraculos es possibile, ma illos es exceptiones, non le regula. Jesus proclama beate illes que ha fide in Ille mesmo sin haber vidite physicamente Su Persona o haber assistite a miraculos. Compara: Fide salvific, Fide dicite, Fide morte, Fide temporari, Fide historic, Fide explicite, Fide implicite, Fide cec.
Fide dicite
[modificar | modificar fonte]Fide pretense, false, que non es salvific. Compara: Fide morte, Fide temporari, Fide in miraculos, Fide historic, Fide cec. Contrasta con: Fide salvific.
Fide historic
[modificar | modificar fonte]Simple acceptation del veritate de un facto que eveniva in le historia, ma sin esser personalmente influentiate per illo.
Fide morte
[modificar | modificar fonte]Fide non authentic, e ergo non salvific, fide pretendite que non se manifesta in actiones correspondente in harmonia con le character e voluntate de Deo. Compara con: Fide dicite, Fide temporari, Fide in miraculos, Fide historic, Fide implicite. Contrasta con: Fide salvific.
Fide temporari
[modificar | modificar fonte]Fide sincer ma superficial, que non dura, de facto non fundate super le regeneration del Spirito Sancte que produce cambios permanente in le vita de un persona. Vide Mattheo 13:20,21. Compara Fide historic, Fide dicite, Fide implicite, Fide in miraculos, Fide cec. Contrasta con: Fide salvific.
Fide vicari
[modificar | modificar fonte]Fide in favor de alicun altere, p. ex. del parentes pro lor infantes. Le message biblic semper voca a un fide personal, fundate super experientias e reactiones personal. On pote precar pro un altere persona, ma non substituer se a su proprie fide e pensar de ganiar con isto benedictiones o mesmo le salvation pro ille.
Parola del fide
[modificar | modificar fonte]Parola del fide (A. "Word of Faith") es un movimento characterisate per credentias heretic e superstitiose como fide in le fide (A. Name-It-and-Claim-It), cura per fide (A. faith healing), Evangelio del sanitate e del ricchessa (A. Health ands Wealth Gospel), e confession positive.
Fide-in-le-fide es le christianismo como medio de sanitate, ricchessa e felicitate. Connectite con un vaste radio de heresias e false credentias, le fide-in-le-fide glorifica le fide human (e su poteres supponite) supra Deo.
Name-It-and-Claim-It (A.), litt. "nomina lo e reclama lo" es le credentia que qualcunque cosa que uno demanda in precaria con un fide authentic certemente essera concedite.
Le confession positive es le credentia que qualcunque cosa se dice con fide va certo occurrer.
Le cura per fide es un conception prevalente in alcun circulos evangelic, super toto pentecostal e charismatic que Deo es dependente del grado de fide que un persona possede pro esser resanate.