Linguas valyrian

Le linguas valyrian son un familia linguistic belletristic ex le serie de romances phantastic Canto de glacie e foco per George R. R. Martin e su adaptation televisate Joco de thronos.

In le romances le alte valyrian e su linguas descendente son frequentemente mentionate, mais non evolvite ultra un pauc de parolas. Pro le serie televisate, le linguista David J. Peterson creava le alte lingua valyrian e anque duo linguas derivate, le linguas valyrian astapori e valyrian meereenese, basate super le fragmentos date in le romances.

Del 31me de octobro 2016 un curso del alte valyrian pro parlatores del anglese ha essite disveloppate a Duolingo. Le version beta appareva le 12me de julio 2017.