Sabun
Sabun nya champur detergen ti dikena ungkup diri empu. Iya mega dikena nyadi detergen dobi sebedau iya diganti enggau sintetik ti tegap sereta efektif agi.
Tebal champur sabun ngundan sebatian garam natrium tauka kalium ti ulih diasilka ari asid lemak nengah chara bereaksi enggau larutan alkali (baka natrium hidroksida tauka kalium hidroksida) ba suhu 80°–100 °C dalam proses ti dikelala enggau nama saponifikasyen. Lemak nya dihidrolisis ngena zat asas, ngasilka gliserol enggau sabun kasar (garam asid lemak alkali).
Sabun digaga ari minyak tauka lemak. Sodium Tallowate, ramu ti suah dikena ba tebal agi sabun, kebendar iya lemak jelu. Sabun ti digaga ari minyak sayur, baka minyak zaitun, suah agi disebut sabun castile.