Assalamu alaikum wr.wb.

bismillah hirohman nirrohim,Alhamdulillah hirobbil alamin wassolatu wassalamu ala sayidina

muhammadin,waala alihi wa askhabihi aj'main ama bakdu
Dumateng poro alim soho poro ulama ingkang kawulo hormati
dumateng poro sesepuh,pinisepuh ugi adi sepuh ingkang kawulo hormati
dumateng pengiring temanten kakung miwah putri ingkan kawulo hormati
dumateng sagotrah tamu undangan ingkang berbahagia.
ingkang ongko sepindah monggo kito tansah muji syukur Alhamdulillah dumateng ngarsanipun
Alloh SWT, amargi taksih maringi Rohmat soho nikmat arupi sehat dumateng kulo lan
panjenengan sami, sahingga kulo lan panjenengan sami saget pepanggihan wonten ing majlis
puniko.mugi-mugi pepanggihan kulo lan panjenengan sami saget mbeto manfaat,fidinnii fidun
ya wal akhiroh kususipun dumateng temanten kekalih sumrambahipun dumateng kulo soho
panjenengan sami.
Ingkang kaping kalihipun monggo kito tansah ngaturaken solawat soho salam ,allohuma soli ala
sayidina Muhammad dumateng junjungan kito Nabi agung Muhammad SAW,nabi pungkasan
ingkang kito antu-antu syafaatipun benjang ing yaumul akhir. Amiin
bapak soho ibu ingkang tuhu kinormatan !
Saklajengipun wonten ing mriki kawulo minongko wakil tuan rumah,ngaturaken agunge
panuwun dumateng sagotrah tamu undangan.amargi panjenengan sami kerso angrawuhi
undangan walimatul arsy saking tuan rumah.
salajengipun kawulo atas nami tuan rumah nggeh ngaturaken sekatahing pangapunten mbok
bilih anggenipun nyepaki gupuh lungguh ugi suguh mboten nyocoki dumateng manah
panjenengan sami.gupuh ateges didalam penerimaan panjenengan sami mboten sopan,lungguh
ateges tempatipun ingkang semrawut kados mekaten,suguh ateges unjukan soho dedaharan
ingkang sederhana.sepindah malih kulo atas nami sohibul kajah ngaturaken pangapunten.
Poro rawuh ingkang minulyo
selajengipun wonten ing mriki kawulo minongko wakil saking wali temanten kakung inggih
puniko Bapak....... nampi kanti leganing penggalih pasrah temanten saking Bapak
.......,pinongko walinipun temanten putri.nggeh selama temanten kekalih dereng gadah griyo
piyambak umpami wonten griyo mriki nggeh tanggungane keluargo mriki umpami wonten mriko
nggeh tanggungane keluargo mriko.
Bapak ibu ingkang tuhu kinormatan !
saklajengipun kawulo ugi atas nami sohibul kajah nggeh namung saget ndongaakan dumateng
rombongan konco temanten bilih mangke acara sampun paripurno saget kondor tumuju
dalemipun piyambak-piyambak mboten wonten alangan setunggal punopo.amiin.

sajake wekdal nggeh sampun dalu cukup meniko ingkang kawulo aturaken,katah ature mesti
katah lupute saking kawulo pribadi ngaturan seh samudro pangaksami.
kawulo akhiri,Wabillahi taufiq walhidayah wassalamu alaikum wr wb

Assalamualaikum Warahmatullah Wabarakatuh

Para pinisepuh ingkang satuhu kinabekten. Bapak-bapak, ibu-ibu para tamu kakung
sumawana putri, kadang muda-mudi ingkang satuhu kula tresnani, maliginipun Bapak
Sukimin sakulawarga mangka duta saraya saking kadang besan sutresna, ingkang dahat
sinudarsana. Mangga kita tansah ngaturaken raos syukur dhumateng Gusti Alloh SWT,
amargi saking nikmat, taufik, hidayah, inayah, sarta ridhoning Gusti Alloh SWT ingkang
sampun rumentah dhumateng kita sedaya, satema kita sedaya saged rawuh ing ngriki
kanthi wilujeng nir ing sambekala. Mugi salam sholawatipun Gusti Alloh SWT tansah tetep
konjuk ing ngarsanipun junjungan kita Nabi Agung Muhammad SAW ingkang tansah kita
ajeng-ajeng syafangatipun benjing ing yaumul kiyamah. Saklajengipun, saking atur pasrah
penganten kakung, inggih menika Arya Sukma, saking panjenenganipun Bapak Sukimin, ing
ngriki minangka sulih kulawarga Bapak Suratman sekaliyan, kula kadhawuhan nampi
pasrahing penganten kakung menika. Pramila, keparenga amratelakaken bilih anggen
panjenengan masrahaken panganten kakung kula tampi kanthi asta kalih lan kanthi suka
renaning penggalih. Mugi-mugi kanthi menika, berkah nugrahaning Gusti Alloh SWT tansah
rumentah dhumateng panganten sekaliyan lan sumrabat dhumateng kulawarga kita sedaya.
Salajengipun panganten kakung badhe sarimbit kaliyan panganten putrinipun Sundari Ayu
dumungkup upacara candhakipun. Menika ingkang saged kula matur, mbok bilih anggen
kula ngaturaken panampi punika taksih kathah cicir cewet kuciwaning atur, saha kirang
mranani anggen kula matur. Mugiya sedaya para rawuh ngluberaken sih agunging
pangapunten.
Wassalamualaikum Warahmatullahi Wabarakatuh

Assalamualaikum Warahmatullah Wabarakatuh

Para pinisepuh ingkang satuhu kinabekten. Bapak-bapak, ibu-ibu para tamu kakung
sumawana putri, kadang muda-mudi ingkang satuhu kula tresnani, maliginipun Bapak
Sukimin sakulawarga mangka duta saraya saking kadang besan sutresna, ingkang dahat
sinudarsana. Mangga kita tansah ngaturaken raos syukur dhumateng Gusti Alloh SWT,
amargi saking nikmat, taufik, hidayah, inayah, sarta ridhoning Gusti Alloh SWT ingkang
sampun rumentah dhumateng kita sedaya, satema kita sedaya saged rawuh ing ngriki
kanthi wilujeng nir ing sambekala. Mugi salam sholawatipun Gusti Alloh SWT tansah tetep
konjuk ing ngarsanipun junjungan kita Nabi Agung Muhammad SAW ingkang tansah kita
ajeng-ajeng syafangatipun benjing ing yaumul kiyamah. Saklajengipun, saking atur pasrah
penganten kakung, inggih menika Arya Sukma, saking panjenenganipun Bapak Sukimin, ing
ngriki minangka sulih kulawarga Bapak Suratman sekaliyan, kula kadhawuhan nampi
pasrahing penganten kakung menika. Pramila, keparenga amratelakaken bilih anggen
panjenengan masrahaken panganten kakung kula tampi kanthi asta kalih lan kanthi suka
renaning penggalih. Mugi-mugi kanthi menika, berkah nugrahaning Gusti Alloh SWT tansah
rumentah dhumateng panganten sekaliyan lan sumrabat dhumateng kulawarga kita sedaya.
Salajengipun panganten kakung badhe sarimbit kaliyan panganten putrinipun Sundari Ayu
dumungkup upacara candhakipun. Menika ingkang saged kula matur, mbok bilih anggen
kula ngaturaken panampi punika taksih kathah cicir cewet kuciwaning atur, saha kirang
mranani anggen kula matur. Mugiya sedaya para rawuh ngluberaken sih agunging
pangapunten.
Wassalamualaikum Warahmatullahi Wabarakatuh

Nuwun,
Para rawuh ingkang minulya, langkung-langkung dhumateng rombongan Bapak
Ibu Harjono saking tlatah Bantul Ngayogyakarta. Minangka sesulihipun kadang kula
Bapak Ibu Abdullah kula nanggapi dhawuh pangandikan panjenengan sarombongan.
Ingkang sepisan kula ngaturaken Agunging Panuwun dhumateng Gusti Ingkang
Maha Wikan dene ing kalodhangan menika kula sakaluwarga saged pepanggihan
kaliyan rombongan saking keluarga Bapak Ibu Harjono, kanthi seger waras, diayomi
diayemi.
Kaping kalihipun atur pangandika panjenengan sampun kula tampi kanthi
bombonging panggalih dene Bapak Ibu Harjono sampun paring kapitadosan
dhumateng kadang kula Bapak Ibu Abdullah saperlu kadhaupaken kaliyan Rara
Surthikanthi. Dene uba rampe kangge sarana upacara adat sampun katampi kanthi
jangkep.
Ing pungkasaning atur kula pribadi nyuwun agunging pangapunten manawai
wonten klenta-klentuning atur ingkang kasengaja utawi mboten kasengaja. Bapak Ibu
Abdullah ugi ngaturaken maturnuwun dene panjenengan sarombongan saged rawuh
kanthi bombong saha kersa ngrahapi dhedhaharan sawontenipun.
Maturnuwun

Assalamu'alaikum Wr. Wb.

Dhumateng panjenenganipun Bp. Hadi Sumarto ingkang ngemban wajib luhur wonten
madyaning pawiwahan ingkang pantes sinudarsana.
Nun inggih !
Kula minangka sulih sarira saking Bp. Rusli saking Gresik saderengipun kula matur
menggah wosing gati, wonten ngarsa panjenengan, langkung rumiyin kula ngaturaken puji
syukur wonten ngarsa dalem Gusti Ingkang Maha Agung, inggih awit saking panjenengan kula
tansah dipun keparengaken kempal manunggal saperlu hanetepi darmaning agesang wonten
madyaning bebrayan ing kalenggahan punika kanthi pinayungan karaharjan tebih ing sambikala.
Wondhene wosing gati perlu kula aturaken wonten ngarsa panjenengan.
Nun inggih !
Awit saking kula piniji minangka dhuta saraya, chundaka kinen hanglarapaken miwah
nyowanaken putra temanten kakung inggih sekar cepaka mulya sasele, karana putra temanten
kakung Nopiadi sampun samekta badhe netepi upacara panggih, ingkang punika sumangga sekar
cepaka mulya sasele inggih temanten kakung, kula aturaken dhumateng panjenengan Bapak Hadi
Sumarto bebasan sawergung asirah janma mangsa borong kaleksananning sedya.
Amung hambok bilih sowan kula sakadang temanten kakung, wonten kirang susilaning
akrama miwah kirang suba sita saha tuna dungkaping basa kula ingkang mboten hanuju prana,
kula hanglenggana. Kula kawula sawantah ingkang boten kalis saking kalepatan, mugi
panjenenganipun Bapak Hadi Sumarto kersoa paring agenging samodra pangaksami.
Ing wasana rahayuning sedya kaleksananing panggayuh kula ndherek asesanti Jaya Jaya, wijayanti rahayu ingkang sami tinemu.
Nuwun
Wassalamu'alaikum Wr. Wb.