PRANATACARA SRIPAH

Assalamu’alaikum Wr. Wb.

Bismillaahir-rohmanir-rohiim. Alhamdulillaahi robbil allaamiin, wabiihii nasta’iinu alaa um-muurid-
dun-yaa wad-diin. Asyhadu allaa illaaha illallooh wa asyhadu an-na Muham–madar-rasuullullooh.
Alloohummaa sholli’alaa Muhammad wa alaa aali Muhammad.
In-naa lillaahi wa in-naa ilaihi rooji’uun. Sedaya tumitah ing madyo padho puniko saking
Ngarsanipun Allaah Ingkang Maha Amiseso, tentu bade kundur kasedan jati wonten ing Ngarso
Dalem Allaah SWT. Sampun kundur kasedan jati, sowan Ngabyantoro Dalem Allaah SWT :
Asma : _______________________
Kolo dinten : _______________________
Suryo kaping : _______________________
Tabuh : _______________________
Wonten ing : _______________________
Panjenenganipun para sepuh, para pepundhen ingkang tuhu kinabekten. Panjenenganipun poro
ulama, poro pangarso, poro satriyaning nagari ingkang pantes sinudharsono. Poro takziah, kakung
sumowono putri ingkang dahad kinurmatan.
Keparengo kulo munggel pangandikan panjenengan , sakperlu mundi dawuhipun poro ahli waris
Alm/Almh........ minongko Pranoto Paniti Loyo.
Purwakaning atur, monggo kita sami ngunjukhaken pujo puji pudyastowo kunjuk Ngarso Dalem
Allaah SWT, ingkang sampun paring kanugrahan dumateng kito sedoyo, sahinggo kito tasih
pinaringan kesehatan, kekiatan saha kasempatan saget nindakhaken takziah, paring pakurmatan
ingkang pungkasan awit sedanipun Alm/Almh..................................... Ing saklajengipun, nadyan
sampun keporo radat , kulo ngaturaken pambagyo sugeng rawuh panjenengan sedoyo winantu
agenging panuwun awit saking rawuhipun takziah panjenengan.
Poro takziah kakung soho putri ingkang kinurmatan, sakderengipun upocoro kito wiwiti, langkung
rumiyen bade kulo aturaken menggah urut-urutaning pranatan :
1. Pambuko
2. Atur Pambagyo soho Atur Panuwun saking keluargo ahli waris.
3. Atur Belo Sungkowo saking :
- Pangarsaning Wilayah RW. 06 Suryowijayan
- .....................................................................
4. Do’a pambidaling layon
5. Panutup
Ngancik pranatan ingkang sepisan, sumonggo kito sami ngunjukhaken panyuwun wonten Ngarso
Dalem Allaah SWT, mugi purwo – madyo dumugi paripurnaning Upocoro Pranoto Loyo swargi
Alm/Almh ................................. pinaringan wilujeng nir ing sambikolo. Kito purwakani kanti amalan
Basmallaah sesarengan, kulo derekhaken....................................
Poro pambelo sungkowo, kakung miwah putri ingkang kinurmatan.
Injih awit saking rawuh takziah penjenengan sedoyo, poro ahli waris saestu rumaos pikantuk
panglipur nampi pacobaning Allaah SWT. Ingkang puniko, poro ahli waris amiji dumateng
panjenenganipun Bpk. .................................................. , sakperlu ngaturaken atur pambagyo soho
atur panuwun. Dumateng panjenenganipun Bpk. ................................... kulo sumanggahaken.
Tumuntun ngancik pranatan angko 3, injih puniko, atur belosungkowo :
Ingkang sepisan, saking Pangarsaning wilayah RW. 06 Suryowijayan. Ingkang puniko, dumateng
Ketua RW. 06 Suryowijayan, panjenenganipun Bp. H. Hardi Prawoto, SPd, kulo sumanggahaken.
Matur nuwun dumateng panjenenganipun Ketua RW. 06 Suryowijayan.
Atur belosungkowo ingkang saklajengipun, injih puniko saking ..........................................................
Dumateng panjenenganipun Bp. ............................................ kulo sumanggahaken.
Matur sembah nuwun dumateng panjenenganipun Bp. ...............................................
Poro takziah ingkang minulyo.
Nadyan rawuh panjenengan wonten dalem dukito meniko sampun ngatingalaken cihnaning
belosungkowo, ewo semanten poro ahli waris tasih ngersoyo, manawi panjenengan wonten
keparengipun, kersoho nyampurnahaken ibadah takziah kanti nguntabhaken pangruktining layon
dumugi papan pasareyan. Wondene panjenengan ingkang tasih kagungan kewajiban sanes,
sahinggo cekap rawuh takziah wonten dalem dukito mriki , poro ahli waris ngaturaken sugeng
kundur. Dateng sedayanipun, poro ahli waris ngaturaken agenging panuwun.
Perlu kawuningan, jenazah bade kasarehaken wonten Pasareyan ....................................................
Adicoro saklajengipun, injih puniko ( upocoro adat Susupan kairing kanti ) Doa Pambidaling Layon,
ingkang bade dipun pangarsani panjenenganipun Bp. Muhammad Faridul Anshor. Kasuwun poro
wiro enem sumadyo nyamektahaken layon lan dumateng poro takziah kulo sumanggahaken
anggenipun paring pakurmatan. Dumateng Bp. Muhammad Faridul Anshor, wedal kulo aturaken.
Poro Takziah ingkang kinurmatan, adicoro pangruktining layon wontening dalem dukito puniko
sampun dungkap paripurno. Kulo ingkang nderehaken adicoro, bilih wonten tlesohing atur, kithal
kapanggalih kirang trep ing kasusilan anggen kulo matur, kulo nyuwun agenging samudro
pangaksomo. Sumonggo adicoro ing dalem dukito puniko kito pungkasi kanti amalan Hamdallaah.

Wassalamu’alaikum Wr. Wb.