MBANUA NALAWӦ

1. Prolog & Pencuri : Fransisca W. Zebua

Sanutuno : Me hari Migu, bazi fitu ngaluo wa’ara ba mbanua Nalawӧ, terongo li garamba
waohita ni fadoro famӧzi.

Ina Dohia : Alai naguuu…. Alai ndrao… no taya gama gama gu le matedo da’a sae. Lo sa’ae
goma bӧra, asio, merica, kulkas, awe laptop. Ahori la tago…!! Alaii nagu… alai
nagu..!!

Ama Laizu : Hadia zalua khӧmӧ ba ina dohia. Hana wa hulӧ gelewazi si gӧna sino yaugӧ.
Ӧ’rӧrӧ’ӧ ba zilo karuamo. Ae ohalowo woi, aine moi ita ba laza. Silo karua sa
lagu lagu da’o khou!

Ina Dohia : Hadia we Ama Laizu? Moi ba laza? We’amoi ba gereja mano nai ba areu do.
Tora tora sae wa’amoi ba laza. Ahori lecet guli gu safusi da’a dania. Ofano woi!
Boi gadugadu do.

Tefa’o : He tato! Hana yaugo? Hadia zabu dodomo? Aine wo’I fabola ita.

Ina Dohia : He tafa’o! boi omaikodo he! Udobi darizimo dania. Lo’o’ila wa ya’odo andre si
so bakha ba wa’abula dodo!!

Tefa’o : Lau bat ate, EGP aefa dao! Moido fabola woi daripada pucing pala dede…

Ina Dohia : Hesoaya, tolodo maifu bale tutura haniha ia zanago andro. Be khonia maifu
wa’aboto ba dodo. Hana wa’omasi ia wanago olo nawonia!!!

Sanutuno : Simanosa zalua ba mbanua Nalawo andro. Ha samosa darau ziso famati ba
tano bo’o nia oi auri ba harato gulidano. Lo la’ila saw a nialura andro fefu oi
silo omasi Lowalangi. So ba goroisa lawa’o : Ofona’o wangalui mbanua
Lowalangi awo wa’atulo todo.

Ina Dohia : Ae simane wo’i, lo ahono dodogu nalo ifuli ia gama – gama gu dao. Moido kho
zama’eleo sa
(Manoko mbawa ndruho)

Ina Dohia : Ya’ahowu tua. Hadia so niha yomo?

Samaele’o : Hadia da’o ba ina? Hadia gabula dodomu, u’ila fefu penyelesaian dao. Yaodo
andre sama’eleo. Sama’eleo sipade, le sipade baero ndrao.

Ina Dohia : Oho, lau baa ma. Hiza ia ngaro – ngaro dodogu andre. No taya gama – gama gu
me hari migu. Lo’u’ila haniha zanago. Tuturu khogu lala maifu ama.

Samaele’o : HAHA.. aoha dao we ina. Yang penting be’e fonagu manu safusi ya’I amoi gefe
ya’I te mato 15 nga’oro . Garate soyo he tenga si balau. Ba tesondra sa dania
haniha zanago bara bara mo andro.

Ina Dohia : Sindruhu ba ama!

Samaele’o : Aee hana mane niha si lo pade mano itu kheu

Ina Dohia : AHA..lau baa ma da moido ua uhalo. Sabata he

(30 menit aefa dao)

Ina Dohia : (manoko mbawa ndroho) ya’e tua niwa’omo ba tuturu khogu ia da’a

Samaele’o : Lau iza he (ritual)

Bayakomo – bayakomo

Utu zokha – utu zokha

Ate zikho – ate zikho

Sohalo gama – gama mo ande Ina Dohia ya’ia dao Ama Gabute si so ba sifa. So
bobozi si’oli. Ae khonia ia da’a!!

(Imane bakha ba dodo nia samaele’o)

Samaele’o : HAHAHA!! Mirasoi, yakha faudu ami sa. Moloi dra’o wo’I uohe manu safusi awe
gefe da’a. Cukup buat makan – makan gitu loh….

Sanutuno : Hiza sa niha silo fa’aboto ba dodo, moi ia kho samaele’o. I’arou’o dodo nia
kho YESU. Lo’I’ila sa fefu gabula dodo te’olohesi fona gahe YESU, ha yaia
zanuturu lala, silo faroi khoda bongi maokho. Alai sa khonia Ina Dohia andre.

Ina Dohia : He Ama Gabute! Ae baero. Hana no pade galagala mo sa’e. Razo nemali yaugo
andro! Ae baero…ae baero!!

Ama Gabute : Hadia zalua khomo ba ina gu talu. Hadia horo zalagu khomo!
Ina Dohia : Boi oya’o mbewemo sae Ama Gabute! U’ila wosa wa inau talu yaodo. Ba fuli goi
gama – gama gu. Uboto nomou he!

Ina Gabute : He! Hana wa kaliru yaugo fona newali nomo niha! Ba hana wa’ogarogoi khogu
Ama Gabute ba inagu talu. Hadia sala nia khomo.

Ina Dohia : Ndrongamo da’o. No itago gama gama gu

Ina Gabute : He ina gu talu! Boi tudu tudu mano niha he, hewa’ae numana ndra’aga da’a
balo erai mahalo si tenga golo ma. Goma ero maokho ni amualago Lowalangi ba
halowo dangama. Jadi boi tema tudu ga si’ai ndra’a ba wanago olomo!

Ina Dohia : Hadia niwa’omo le Ina Gabute? Uboto dania nomo me da’a he!

Ina Gabute : Hana hadia si’a zi taya khou!

Ina Dohia : Ahori taya gama – gama gu, kulkas 5 pintu naha naha nukha gu, awo leketop gu
na la tekan ba kalua gambara no baga baga nai gambara nia so filem korea. Lo
hadoi khomi da’o!

Ama Gabute : Noa da’o ina gu talu! Sindruhu uboto bakha ngingiu dania we he! Hewa’ae
tenga niha si kayo ya’aga andre ba le erai ma tago bara bara nawoma. Masi tola
nasa manga ya’aga telu kali maokho!!

Sanutuno : Bakha ba faudusara si lo mano aetu andro, lo ara aefa dao itoro Pendeta fona
noma Ama Gabute ifaigi waudusa si datolu niha andro ba moi ia khora. Ba
imane Pendeta dao khora :

Pendeta : HE… HE… HE…

Hadia da’o khomi, tabu woi moi ita ba P.A Sektor. Le’eluaha da’a khomi fefu.
Hadia zi kaliru ami andre?

Ina Gabute : Ya’e we ina gu talu andre pa Pendeta, ibobogo silo duhu khomo. Itudu ndronga
gu manago bara – bara nia ba nomo.

Ina Dohia : Tenga utudu ami he! No usofu kho sama’eleo hania ia sanago gama gama
gu,ba’iwao zanago andro ndronga mo Ama Gabute andro!! Mifuli ia da’a gama
gama gu woi!!

Pendeta : He noa dao. Aila mano ita khomi, larongo ami niha sifatambai omo.

Ama Gabute : Noa dao Ina Gabute…

Pendeta : He.. yaugo andre Ina Dohia, no sa’ae urongo ba niha turiamo. U’ila wa niha si
kayo sa ya’ugo oya gokhotamo. Ba lo eluaha da’o dania nalo hadoi khou
fa’aLowalangi. Hiza nasa yaugo moi’o kho zama’eleo. Yakha aboto ba dodou Ina
Dohia, samaele’o da’o niha gulidano. Simate fefu ita andre. Boi tema angaro –
 ngaro si’ai khonia. Fefu gabula dodo da’o ta’osa’o fona Lowalangi. I’ila sa dania
si sokhi ba wa’aurida. A’aro’o wamati ba kho Zoaya,ba daromali nia sanuturu
lala khoda ba gamozua.

(hening)

Pendeta : Hawisa Ina Dohia? Fatema ba dodu hadia niawo gu andre?

Ina Dohia : Lau pa Pendeta. Fatema ba dodo gu. Uakui sala gu boro no’u’arouo ndrao
moroi kho Lowalangi, ba no goi ufabobogo siloduhu kho tana nono gu andre.

Pendeta : Harazaki na simane. Iada’a omasido fatabe ami, ba boi faudu udu ami sae.

Ina Dohia : He Ama Gabute ba yaugo Ina Gabute mibologo dodo mi khogu ba lagu lagu gu
mege andro. No ogomi dodo gu ba harato gu. Mibologo dodo mi khogu

Ama Gabute : Lau ba ina gu talu, no ma bologo dodo ma.

Ina Gabute : Lau ina gu talu. Boi busi dodo mo, sonasa dania harazaki ni be’e Lowalangi
khomo ebua moroi nihalo niha dao. Ba tobali horo niha da’o boro wanago
oloonawonia niha.

Pendeta : Lau nasimane. Tabu moi ita ba P.A Sektor, no aefa 15 menit da’a sae.

(mofano ira fefu)

Prolog : Simane niha na so wa’aboto ba dodo nia halowo wa’a Lowalangi lo alawo ia
wangandro fa’ebolo dodo kho nawe nia na so zala nia ba naso zifalasa khonia
ba ibologo dodo nia. Yasimano goi ita si so banahia andre. Yasi owua owua
todo ita bakho Zoaya.