Liturgi Natal Naposobulung 2022 Danohorbo
Liturgi Natal Naposobulung 2022 Danohorbo
Liturgi Natal Naposobulung 2022 Danohorbo
DESEMBER 2022
Thema Natal : Gabe Naposobulung na marhaimbaruon di bagasan Kristus (Rom 12:2)
Sub Thema : Marhitehite Pesta Natal on, tarjou do Naposobulung ni hurianta manghangoluhon haimbaruon
di bagasan Jesus Kristus Sipalua i.
JUMLAH LITURGI: 81.
1. LITURGI 1: PANOMPAON
PROLOG : Debata do na manompa jadijadianNa sian na so adong gabe adong di tongatonga ni portibion. Na so
hadodoan hita do huaso ni Debata di portibion, na so hatudosan do Ibana. Alani, tatangihon ma jolo panindangion
taringot huaso ni Debatanta i:
NO GOAR LITURGI
1 Liturgi 1 No. 1 Jadi dung sun dibahen Debata jadijadianna i di ari papituhon, maradian ma Ibana
di ari papituhon sian nasa ulaonNa, na binahenNa i”. ”Dung i dipasupasu Debata
ma ari papituhon i, jala diparbadiai, ala na maradian Ibana disi sian nasa
jadijadianNa, na tinompa ni Debata laho pasunhon”.
2 Liturgi 1 No. 2 Alani i taingot ma hata ni patik paopathon i, na mandok : Ingot hamuma
pabadiahon ari minggu i, di naonom ari ma ula hamu siulaonmu, alai anggo ari
papituhon i, ari paradianan ni Jahowa Debatam do i. Ndang jadi ho mangula
ianggo di na sadari i, manang anakmu pe, manang borum, manang naposom
lahilahi, manang naposom boruboru ro di pinahanmu ro di isi ni huta ni halak pe
na mangebati hutam.
3 Liturgi 1 No. 3 Ai dina onom ari do ditompa Debata, langit dohot tano dohot laut dohot nasa
isina, dungi maradian do Ibana di ari papituhon i. Dibahen ido umbahen na
dipasupasu Debata Jahowa ari paradiananNa i jala diparbadia i.
4 Liturgi 1 No. 4 On do ianggo lapatanna: Ingkon dihabiari rohanta Debata, jala ingkon holong
rohanta di ibana, asa unang tois rohanta di ajar na sian hata ni Debata, ingkon
badia do hata ni Debata di rohanta jala ingkon ringgas rohanta tumangihon
dohot mangguruhon.
6 Liturgi 1 No. 6 1 Musa 1 : 14, ” Dung i mangkuling muse ma Debata: Jadi ma hamu angka
panondang di hajangkajang ni langit i, bahen parsirangan ni arian sian borngin,
gabe tanda paboa ni padan dohot angka ari dohot angka taon”.
7 Liturgi 1 No. 7 1 Musa 1 : 20, ” Dung i mangkuling muse ma Debata: Dipantubuhon angka aek i
ma gulokgulok na marhosa, angka na manjirir, jala marhabangan ma angka
pidong di atas tano on martongatonga langit”.
8 Liturgi 1 No. 8 1 Musa 1 : 24, ” Dung i mangkuling muse ma Debata: Dipantubuhon tano i ma
hosa angka na mangolu masiboan mansamna: Angka dorbia dohot gulokgulok
dohot binatang masiboan mansamna, gabe manjadi ma songon i”.
9 Liturgi 1 No. 9 1 Musa 1 : 26, ” Dung i mangkuling muse ma Debata: Tole ma, itatompa ma
jolma, tumiru rupanta, tudos tu pangalahonta, asa dirajai dengke angka na di
laut, dohot pidong angka na martongatonga langit, dohot angka dorbia, ro di
sandok tano on nang sude gulokgulok, angka na manjirir di atas tano on”.
10 Liturgi 1 No. 10 1 Musa 1 : 31a,” Dung i ditilik Debata ma sude na tinompana i, jadi nunga
denggan situtu”. Holan marhite hataNa sambing do! Alai marasing do anggo tu
panompaon ni jolma. Ditompa Ibana do jolma i, marhite na sian orbuk ni tano,
dungi diullushon ma hosa hangoluan tu bungbung ni igungna, dungi manggulmit
ma tano na ginanaNa i gabe jolma situtu. Ima si Adam jolma na parjolo i. Amen.
3 Liturgi 2 No. 3 Angka dakdanak pe nunga malo mangalo tu natorasna. Alani kecanggihan
zaman dohot kemajuan ni teknologi nuaeng on, manghorhon do tu kenakalan ni
dakdanak dohot remaja, na so boi mangorom diri. Alani ringkot situtu poda ni
angka natoras tu sundut naumposo.
4 Liturgi 2 No. 4 Taida ma angka na masa nuaeng on: Angka dakdanak dohot remaja nunga be
mangulahon gabus maradophon natorasna. Dipangido hepeng tu natoras hape tu
angka na so denggan do halaoanna. Hape tung mansai loja natorasna mangalului
angka na ringkot di ngolu siganup ari.
5 Liturgi 2 No. 5 Nang angka remaja ndang dihaburjuhon be marsiajar, na marmeami ido na di
halomohon. Marisuang angka tingki holan na marmeami. Hape sasintongna
binsan poso do naeng tapangke tingkinta on marsiajar dohot denggan asa dapot
na pinarsita, jala boi palashos roha ni natorasta.
6 Liturgi 2 No. 6 Nang angka naposo pe, ndang diparhaseang be tingkina dohot denggan. Di
angka na karejo, boi do suda angka na sinari ndang tarida holan dipasuasaehon
songon i. Habis tingki ni angka naposo di haposoonna, ndang diingot be
manimpan nango saotik tu masa depanna. Sai dilului do sirongkap ni tondina,
alai sian dia ma boi dapot? Molo ndang adong dope pangaradeon diri?
7 Liturgi 2 No. 7 Angka Ina naeng ma nian gabe Ina Soripada Sitiruan di keluargana be, tarlumobi
di angka anakhonna. Naeng ma nian dipodahon hata ni Debata, jala diajari angka
anakhonna. Ala di keluargana ganup do angka sundut naumposo jumpangan
poda dohot sipaingot.
8 Liturgi 2 No. 8 Angka Ama naeng ma gabe Ama na marsahala di tongatonga ni keluargana,
huria nang humaliang pe. Ai Ama do na gabe Uluan manang malim di ganup
keluarga. Hami sundut naumposo pe manghasiholi jumpang ma nian angka Ama
na marsahala na rade mangalehon tiruan na denggan tu hami naumposo on.
9 Liturgi 2 No. 9 Angka sundut na tumua naeng ma nian silehon poda. Ai didok angka na bisuk
do: Naposo ima pangalapon gogo jala na tumua pangalapon poda. Asa
marhitehite Hata nang parange ni angka na tumua sian hami, hami angka naposo
boi mangulahon angka na denggan.
10 Liturgi 2 No. 10 Alai tatap ma hami nuaeng ale Debata! Tung marlaok dosa do hami saluhutna!
Sai manumpak ma Ho ale Jahowa! Ai nunga lam moru angka na daulat marroha,
lam otik do manisia na burju marroha. Alani, asi ma rohaM ale Debata di hami
angka pardosa on. Amen.
2 Liturgi 3 No. 2 Psalm 24:8 Ise ulaning Raja ni hamuliaon i? I ma Jahowa, na gogo jala
ulubalang, Jahowa ulubalang di hamusuon.
3 Liturgi 3 No. 3 Psalm 24:9 Patuginjang ma tohangmuna, hamu ale angka harbangan, jala
patuginjang ma hamu ale angka pintu sian na robi asa bongot Raja ni
hamuliaon i.
4 Liturgi 3 No. 4 Psalm 24:10 Ise ulaning Ibana, Raja ni hamuliaon i? Ima Jahowa Zebaot,
Ibana do Raja ni hamuliaon i.
5 Liturgi 3 No. 5 Mika 5:1 Alai anggo ho ale Betlehem Eprata, mametmethu do ho nian anggo
tung pola jujuron tu angka huta marriburibu di Juda; hape sian ho do
haroroan ni na gabe panggomgomi Israel, jala angka haroroanna sian na
hinan, sian angka ari na robi salelenglelengna.
6 Liturgi 3 No. 6 Sakaria 9:9 Mariaria situtu ma ho ale boru Sion, marolopolop ma ho ale boru
Jerusalem! Ida ma, na ro ma rajam tumopot ho, partigor ibana jala
siparmonang; na serep do rohana jala marsihundul di halode dohot di anak ni
halode inaina.
7 Liturgi 3 No. 7 Johannes 3:16 Ai songon on do holong ni roha ni Debata di portibi on, pola
do AnakNa na sasada i dilehon, asa unang mago ganup na porsea di Ibana,
asa hangoluan na salelenglelengna di ibana.
8 Liturgi 3 No. 8 Jesaya 9:1 Bangso na mardalani di bagasan haholomon marnida sada
panondang di angka na mangingani tano linggoman ni hamatean.
9 Liturgi 3 No. 9 Jesaya 9:2 Nunga dipatorop ho bangso i. Nunga dipadiri ho di ibana halalas
ni roha na bolon: Marlas ni roha nasida di jolo ni bohiM, songon las ni roha
di gotilon, songon parolopolopon di na marbagi tabantaban.
10 Liturgi 3 No. 10 Jesaya 9:3 Ai nunga diponggoli ho auga na ampe tu ibana, dohot batahi ni
abarana dohot linsinglinsing ni na mangadu ibana, songon uju di ari Midian.
2 Liturgi 4 No. 2 Josep ima ama ni Tuhan Jesus di pardagingon. Sahalak tukang hau sian
Nasaret. Na daulat roha do ibana. Rade do ibana manjalo jala mangalap
Maria gabe donganna saripe. Satia do si Josep mandongani Maria sahat tu
tingki hasosorang ni Jesus Kristus di Betlehem.
3 Liturgi 4 No. 3 Borhat ma tutu si Maria dohot si Josep tu Betlehem laho pasurathon
dirinasida hombar tu Patik ni Kesar uju i. Hape ndang sadia lelengnai naeng
sorang ma dakdanak di nasida. Sai dinunuti do mardalani mangalului inganan
na boi gabe parbornginan di nasida.
4 Liturgi 4 No. 4 Dituktuhi do angka jabu mangido inganan parmianan nasida, ai ndang sadia
lelengna i sorang nama dakdanak di nasida. Hape ndang adong na
mangalehon, ala nunga gok be angka jabu di Betlehem. Gabe borhat ma muse
mangalului inganan na asing.
5 Liturgi 4 No. 5 Holan bara ni pinahan do na adong ujui, na boi gabe parmianan nasida di
borngin i. Ima tutu tingki sorang ma Jesus Kristus, Sipalua i. Tarbege do ende
ni surusuruan ni Debata marlas niroha di hatutubu ni Sipalua i. Hasangapon
ma di Debata jala dame ma di jolma angka halomoanNa i.
6 Liturgi 4 No. 6 Nunga tubu be Jesus Kristus, di borngin na badia i. Nunga modom angka
jolma alai dungo do si Maria dohot si Josep umpuji Debata. Nunga
dibasabasahon Debata Sipalua di hita jolma pardosa.
7 Liturgi 4 No. 7 O hamuna ale angka jolma manisia, pujima Sipalua naung tubu di Betlehem i.
Jangkon ma haluaon na pinatupaNa i. Ai tung mansai balga do holong ni roha
ni Debata di hita angka na porsea di Ibana, asa unang mago hita, alai asa
malua ma hita sian uhuman ni dosa i.
8 Liturgi 4 No. 8 Unang ma tatiru parrohaon ni si Herodes, hira na burju idaon. Naeng
pajumpang ibana dohot Sipalua naung tubu i. Hape na mabiar do Ibana ndang
gabe raja be, ala naung tubu Raja di ginjang ni saluhut raja di portibion.
Hosom, Teal dohot Late ni roha mian dope di rohana. Tapaholang ma dirinta
sian parange angka sisongon i.
9 Liturgi 4 No. 9 Tatiru ma angka halak Parroha sian Purba, na mangalului bintang ni Sipalua
i. Sai dihaburjuhon nasida do mardalan, mangalului didia do Jesus Kristus
Sipalua naimbaru tubu i. Diboan do huhut angka pelean na hushus na
dumenggan sian angka na denggan.
10 Liturgi 4 No. 10 Marolopolop ma hita angka jolma manisia, nunga tubu be Sipalua di hita
jolma. PaluaonNa ma hita sian uhuman ni dosa ala ni holongNa na balga i.
Unang be sai tadatdati mardosa, alai naeng ma tapauba rohanta dohot
parangenta. Tajangkon ma Raja Sipalua naung tubu i. Tubu ma tutu Ibana di
Betlehem, tubu ma nang Ibana di rohanta be. Amen.
2 Liturgi 5 No. 2 Handphone Alai, unang tarlalap hita ale dongan, godang do
panghorhonna, sipata olo dipangke tu na so denggan, gabe boi
madabu tu bagasan dosa. Dipangke angka parsingkola nang
hita ganup laho manimpan angka data na so tama idaon.
Dipangke sundut naposo marjudi Online dohot lan na asing
dope.
3 Liturgi 5 No. 3 Apala i dope angka dongan, ndang sadia dope i. Humebat
Facebook dope Facebook on, alias FB!!!Gari anak TK nuaeng nunga di
boto marFB-sahat tu na matua pe nunga terpengaruh di
perkembangan zaman on. Marhite FB do boi saut sahalak
baoa tu sahalak anak boru, marhite FB do botoan kabar ni
dongan. E…e….e…tabo ma nian!
5 Liturgi 5 No. 5 Internet Otik so sadia dope Facebook i di ahu. Marhite angka napistar
di ciptahon jaringan Internet. Saluhutna halak na di portibion
boi mamangke, sahat tu pelosok pe, songon di Parinsoran on,
huhilala ndang adong be angka naposo na so umboto aha do
Internet. Marhite Internet boi dapotta angka ragam informasi
ekonomi, politik, sosial nang hiburanpe.
2 Liturgi 6 No. 2 Poda 1:8 Sai tangihon ma ale Anaha, pangajaran ni amangmu, jala unang
tulakhon poda ni inangmu.
3 Liturgi 6 No. 3 Poda 3:1 Ale Anaha, sai unang halupahon poda na sian ahu, sai diradoti
roham ma angka tonangku.
4 Liturgi 6 No. 4 Poda 3:11 Ale Anaha, sai unang toishon pangajaran ni Jahowa, jala unang
hagitikhon pinsangpinsangNa.
5 Liturgi 6 No. 5 Poda 3:21 Ale Anaha, unang tung loas malua sian matam, sai tiopi ma
tagonan roha haholomon dohot hapantason.
6 Liturgi 6 No. 6 Poda 5:1 Ale Anaha, sai parateatehon ma habisuhon na huajarhon i, tarehon
ma pinggolmu tumangihon poda na sian ahu.
7 Liturgi 6 No. 7 Poda 6:20 Ale Anaha, sai radoti ma tona ni amangmu, jala unang tulakhon
poda ni inangmu.
8 Liturgi 6 No. 8 Poda 7:1 Ale Anaha, sai radoti ma angka hatangki, jala pajop tu bagasan
roham angka tonangki.
9 Liturgi 6 No. 9 Poda 10:22 Pasupasu ni Jahowa do mambahen mamora, jala ndang
mardongan hangaluton dibahen.
10 Liturgi 6 No. 10 Poda 23:26 Sai lehon ma, ale Anaha, rohami tu Ahu, sai dihalomohon matam
ma angka dalanHu. Amen.
2 Liturgi 7 No. 2 Jala tung sura panurirangon di ahu, gabe huboto hasimoon sasudena ro di
sandok parbinotoan, jala tung sura parhaporseaon situtu ahu, pola tarpaunsat
ahu dolok, doshon na soada ma ahu, anggo so parholong ni roha ahu.
3 Liturgi 7 No. 3 Jala tung sura hubasabasahon saluhut artangku jala hupasahat dagingku, asa
ditutung, tung na so marguna i di ahu, anggo so parholong ni roha ahu.
5 Liturgi 7 No. 5 Maradat situtu do haholongon i, ndang na ahut, ndang olo pangarimason, ndang
dipajujurjujur na jahat.
6 Liturgi 7 No. 6 Ndang las rohana mida hageduhon; alai tongtong do dihalashon hasintongan i.
Saluhut do ditanom rohana, saluhut do dihaporseai, dihirimi jala ditaon.
7 Liturgi 7 No. 7 Ndang na olo salpu haholongon i. Ia panurirangon pasohotonna do, mansadi do
nang angka parhataan, parbinotoan pe mansohot do.
9 Liturgi 7 No. 9 Asa tolu do na hot: I ma haporseaon, pangkirimon dohot haholongon; alai
haholongon do na umbalga i.
10 Liturgi 7 No. 10 Alani, taulahon ma holong ni roha songon naung pinatikhon ni Debata Jahowa
tu hita dohot na nidok ni Tuhan Jesus Kristus: Ingkon sihaholonganmu do
donganmu jolma doshon dirim sandiri. Amen.
2 Liturgi 8 No. 2 Pengusaha: Eh…tahe, ginjang ni roha ni dongan on. Baru partigatiga,
gari iba Pengusaha ndang pola songon i ginjang ni rohaniba. Pengusaha do
au, manang aha pe huusahahon do. 100 juta, 1 M dohot Triliyun, saotik do
di au i. Satongkin do dapothu nasa i. Holan dungo au, nunga marMilyard
hepenghu ro. Jadi ahu do na humebat sian hamu.
3 Liturgi 8 No. 3 Supir: Au do na humebat sian hamu. Supir…molo ndang adong supir,
ndang adong mamboan Pengusaha tu parkarejoanna, ndang adong na
mamboan angka parsingkola, inanta maronan, angka rombongan parpesta
dohot na asing dope. Unang pola ajari hamu au, belok kanan, kiri,
manang rem dohot na asing. Nunga ummalo au sian hamu. Holan
mamboan tu Surgo i dope ndang tolaphu. Jadi unang pola ginjang
rohamuna.
4 Liturgi 8 No. 4 Tukang Becak: Pangaribuan, Sipahutar, Tarutung boi do hebecahi. Mura
do di au i. Tu kota, tu desa sahat tu pelosok-pelosok boi do hutaruhon.
Tukang becak zaman now do au, adong do GPS, unang pola mabiar hamu
lilu bahenonhu. Murah pe ongkos bahenonhu, manang songon dia pe
godang ni barang muna. Jadi, ahu dope na humebat sian hamu.
5 Liturgi 8 No. 5 Tukang Salon: Model aha do bahenonhu obukmuna i? Sasak songon dia
pe timbona boi do bahenonhu, bohi songon dia pe boi do Make-Up on hu.
Apalagi pesta-pesta ni halak batak sai na dilului do au. Sahat tu na dungo
jam 1 pagi pe huulahon do, alani na mancari on. Molo ndang adong ahu,
roa do hamu sude, tarlumobi angka namarbaju dohot angka inanta. Jadi
mandok mauliate ma hamu tu ahu, naung mambahen hamu bagak borngin
on.
6 Liturgi 8 No. 6 Penjahit: 1 Kebaya: 400.000, 1 Stel rap dohot sarungna boi do murah
manang arga tergantung jenis ni mandarna do. Ganup natal songon on,
padat do au. Jadi uang coba hamu ro tu au di bulan Nopember, pasti ndang
sanga be tingkingku manjahit angka bajumuna sude, ai nunga gok
pesanan. Model na songon dia pe boi do hubahem. Jadi au dope na
humebat sian hamu na dison.
7 Liturgi 8 No. 7 Parmusik: Amang tahe ginjang ni roha ni itoan on. Ahu parmusik, goar ni
musik nami: Parinsoran music nauli. Ganup adong pesta sai dilului do
hami. Molo ndang adong hami, lungun hian do, ndang tabo. Jadi au dope
na humebat sian hamu. Manang music songon dia pe boi do bahenonhu.
Musik Jadul sahat tu music Zaman Now on, Boru Toba, Sayur Kol
manang na dia pe i murah do di au. Jadi, ahu dope na humebat sian hamu.
9 Liturgi 8 No. 9 Fhotografer: Ya….tu kiri saotik, tu kanan saotik, tunduk saotik. Ahu ma
fhotografer. Lomolomongku do mangatur na naeng sipotoonhu. Ndang
gabe nasida mangatur au. Di Pesta-pesta sai dijou do au laho
mendokumentasihon ulaon i. Manang songon dia pe gaya ni na naeng
fotoonki, boi do huatur i. Jadi unang pola mabiar hamu, hufoto pe hamu
sude da!
10 Liturgi 8 No. 10 Sibolis/Siboto Listrik: Molo mate lampu, au do di jou. Molo sega
meteran listrik au do di jou, molo naeng mangganti lampu au do dijou.
Sandok au ma Sibolis: Alias Siboto Listrik. Apalagi molo musim Natal
songon on, sai dilului do au. Unang sanga mate Listrik, terganggu angka
Natal-Natal. Jadi molo ndang adong ahu, ndang binoto be aha na masa.
Jadi ahu dope na humebat sian hamu na dison on.
11 Liturgi 8 No. 11 Bidan: Dia jo hutensi hamu sada-sada. Apalagi alani na manonton angka
Natal sahat tu na borngin olo do ra masuk angin hamu. Hupareso jo. Ahu
ma Bidan, na sai dilului masyarakat laho marubat. Ise naeng husuntik, ro
ma tuson. Asa malum hamu. Jadi ahu dope na humebat sian hamu, molo
ndang adong ahu tudia ma hamu marubat? Tong do susah hamu kan? Jadi
unan ma ginjang rohamuna be