TATA IBADAH MINGGU KE V BAHASA MANADO TGL 29 Mei 2022
TATA IBADAH MINGGU KE V BAHASA MANADO TGL 29 Mei 2022
TATA IBADAH MINGGU KE V BAHASA MANADO TGL 29 Mei 2022
MO TAHBISKAN TU IBADA
P Deng nama Tuhan Allah tu torang pe Bapa, torang basemba, deng
nama Yesus Kristus torang tinggikan Dia pe nama, deng Roh Kudus
pe tuntunan torang balayani deng bakarja for Dia.
J Amin, ya Amin.
Menyanyi KJ No. 64 BILA KULIHAT BINTANG GEMERLAPAN
Bila kulihat bintang gemerlapan, dan bunyi guruh riuh kudengar
Ya Tuhanku, tak putus aku heran, melihat ciptaanMu yang besar
Maka jiwaku pun memujiMu: “Sungguh besar, Kau Allahku!”
Maka jiwaku pun memujiMu: “Sungguh besar, Kau Allahku!”
MO MANGAKU TU TORANG PE DOSA (jemaat dudu)
P Torang hidop di dunia yang beking torang bole ada hubungan deng orang
laeng. Mar tu hubungan itu, bole beking torang baku sala, baku mara sampe
ada yang saki hati. Kong beking torang lei bole baku ambe pendapat sampe
jadi baku pisa. Samua itu banya kali jadi pa torang pe hidop di dunia ini,
kong de pe laste torang jadi berdosa. So lantaran itu, mari jo torang minta
ampung pa torang pe Tuhan Yesus deng cara manyanyi tu lagu ini …
Menyanyi BAKU BAE (Versi OH DUA KAPAL)
Oh Basudara baku-baku bae, sudah jo baku-baku marah
Oh Basudara baku-baku bae, sudah jo baku-baku marah
So nyanda lama itu Tuhan somo datang, baku-baku bae jo tare
So nyanda lama itu Tuhan somo datang, baku-baku bae jo tare
PUJI-PUJIAN :
KHOTBAH
PUJI-PUJIAN :
NASIHAT
P Sudara-sudara, kita ini Yesus Kristus pe playan, so itu kita kase nasehat pa
ngoni bagini: “Kase tau jo tu Kabar Bae tiap waktu, kase tau mana yang sala,
kong togor deng kase nasehat, kuasai ngoni pe diri di samua hal deng sabar
jo waktu mangada tu penderitaan.”
BERKAT
P Smoga jo Tuhan Allah, tu tampa torang baharap akang, mo beking torang pe
hati punung deng sukacita deng rasa tenang, deng beking torang pe iman
tamba lebe kuat. Deng smoga jo tu Roh Kudus beking torang trus baharap.