Turpuk Ende 2:8-13 memberikan tiga pesan utama:
1. Tuhan memberikan kasih sayang-Nya kepada kita tanpa memandang status sosial atau ekonomi. Kasih sayang Tuhan adalah untuk semua orang.
2. Turpuk ini menggambarkan kasih sayang Tuhan kepada umat-Nya secara metaforis seperti sepasang kekasih yang saling mencintai. Tuhan ingin berhubungan dan berdampingan den
0 penilaian0% menganggap dokumen ini bermanfaat (0 suara)
175 tayangan5 halaman
Turpuk Ende 2:8-13 memberikan tiga pesan utama:
1. Tuhan memberikan kasih sayang-Nya kepada kita tanpa memandang status sosial atau ekonomi. Kasih sayang Tuhan adalah untuk semua orang.
2. Turpuk ini menggambarkan kasih sayang Tuhan kepada umat-Nya secara metaforis seperti sepasang kekasih yang saling mencintai. Tuhan ingin berhubungan dan berdampingan den
Turpuk Ende 2:8-13 memberikan tiga pesan utama:
1. Tuhan memberikan kasih sayang-Nya kepada kita tanpa memandang status sosial atau ekonomi. Kasih sayang Tuhan adalah untuk semua orang.
2. Turpuk ini menggambarkan kasih sayang Tuhan kepada umat-Nya secara metaforis seperti sepasang kekasih yang saling mencintai. Tuhan ingin berhubungan dan berdampingan den
Turpuk Ende 2:8-13 memberikan tiga pesan utama:
1. Tuhan memberikan kasih sayang-Nya kepada kita tanpa memandang status sosial atau ekonomi. Kasih sayang Tuhan adalah untuk semua orang.
2. Turpuk ini menggambarkan kasih sayang Tuhan kepada umat-Nya secara metaforis seperti sepasang kekasih yang saling mencintai. Tuhan ingin berhubungan dan berdampingan den
Unduh sebagai DOCX, PDF, TXT atau baca online dari Scribd
Unduh sebagai docx, pdf, atau txt
Anda di halaman 1dari 5
JAMITA PARTANGIANGAN HKBP BETANIA RESORT BATANG
TORU
05 JULI 2023
V DUNG TRINITATIS
MANGHALOMOHON PATIK NI DEBATA
Pembuka:
Horas ma di hita saluhutna…
Dihita, amang, inang, nang Remaja-Naposo Bulung. Na gabe turpuk ni
jamita ta di parpunguanta di partangiangan sadarion, ima na tersurat di Ende 2:8-13. Songon on ma hata ni debata, rap mandohoti ma hita dibagasan Rohanta be. BACALAH FIRMAN TUHAN…..
Olat ni I do sahatna…..
Jamita: Ende 2:8-13
Dihita, amang, inang nang Remaja-Naposo Bulung na hinaholongan
dibagasan goarni Kristus Jesus. Adong do sada istila na mandok, “Dunia serasa milik berdua, yang lain nompang" ima na jotjot dihilala ni dua halak naposo na sedang jatuh cinta (fall in love). Paduadua manghatahatai, sipata mengkel jala margait, jala deba Adong na so parduli na adong halak na asing bahkan sundut na tumua di lambungna Pe dang diterge. Jala di tingki sinuaeng on Dipatuduhon angka sundut naposo do kemesraan di loloan na torop Manang di ranah publik. Hurang lobi songon i ma na ginombarhon ni turpuk jamita partangianganta sadarion.
Sian 66 buku na adong di Bibelta, 39 Padan na Robi jala 27 Padan na Imbaru,
buku Ende ni angka Ende manang na jotjot digoari Ende sian si Salomo on, hampir so hea gabe turpuk jamita minggu. Boasa? Ala buku Ende ni angka Ende on, marisihon ende holong na mamangke hata dohot gombaran romantis bahkan erotis. Adong dua ragam taringot tu pangantusion ni buku on. Na parjolo, ia buku Ende ni angka Ende on manggombarhon holong ni Debata tu jolma manang holong ni Kristus tu huria; Na paduahon, ima pandapot ni angka pande bisuk di zaman modern, buku Ende on manggombarhon holong ni jolma ima baoa tu parompuan. Sasintongna dang maralo na dua pangantusion on jala masitumpahan doi tu ngolu ni na porsea. Alani tauhal ma turpuktaon mangihuthon na dua pandapot i.
Na parjolo
Hita Hasudungan ni Roha ni Debata
Amang-inang, Boi do talapati turpuk on secara metaforis ima
manggombarhon holong ni Debata tu bangsoNa. Lapatanna, romantisme na digurithon di turpuk on manggombarhon hinabalga ni holong ni Debata tu hita, bangsoNa. Sahalak parompuan do na manghatai di turpuktaon jala digoari ibana do dongan na i "hasudungan ni rohana" (ayat 8-10, 13). Talapati mai nadigoari Debata hita hasudungan ni rohaNa. Marhite pandohan on, ndang adong halak na porsea na merasa so berharga; dang jadi be hita mandok na so adong parduli tu hita, dang adong na mamparrohahon hita. Marhite turpuk jala pandohan on tangkas ma taauhon: Debata mamparrohahon hita, Debata manghaholongi hita. Hasudungan ni rohaNa do hita tanpa membedakan status ekonomi dohot sosial ta. Pogos manang mora hita, hasudungan ni roha ni Debata do hita. Marpangkat manang so marpangkat hita, hasudungan ni roha ni Debata do hita. Pangantusion na sisongon on gabe semangat tu hita ala gabe taantusi na arga do hita di Debata. Tung so adong pe na parduli tu hita, tung lupa pe angka dongan tubu tu hita, tung so diparetonghon pe hita di punguanta di huta manang di keluarga besar, alai ianggo Debata diparetonghon do hita; ndada holan diparetonghon tahe, hasudungan ni rohaNa do hita. Hataridaan na hasudungan ni roha, ima masihol pajumpang, naeng masipaidaan jala naeng rap marsirarion. Ido na digombarhon di ayat 9 marhite pandohan, "Ida ma, jongjong do ibana di balik ni dorpi, mandulo sian jandela, marlinanglinang ibana mandulo sian tarali." Masihol do Debata pajumpang dohot hita nang pe mardosa hita ido umbahen disuru AnakNa Tuhan Jesus tu portibi on asa boi hita pajumpang, jala mardame tu Debata. Dosa manirang hita sian Debata alai Tuhan Jesus padomuhon marhite mudarNa, Songon halak na masihaholongan, na sedang jatuh cinta, sai naeng pajumpang do torus, songon I do nang Debata tu hita. Boha, olo do hita dijumpangi Debata? Dijumpangi Debata do hita marhite hataNa, alani, ringgas ma hita manjaha Hata ni Debata ganup ari. Pajumpang do hita dohot Debata di parmingguon/ peribadahan ta, alani ringgas ma hita marminggu manang tu ragam ulaon di huria. Unang ma hita gabe ruas na holan marminggu di tingki ari pesta manang di perayaan- perayaan besar, isarani Natal, Jumat Agung, Paskah.
Dihita, amang, inang, nang remaja-Naposo na hinaholongan dibagasan goar
ni Kristus Jesus, Sihol ni roha laho pajumpang tu debata di turpuk on, ndada digurihon holan di ayat 9(sia) alai dohot do nang di ayat 10 na diulanghon muse di ayat 12 marhite pandohan, "Hehe ma ho, ale hasoloan ni rohangku, na mauliutus, jala ruar ma ho!" Tangkas digombarhon sihol ni roha dohot joujou naeng pajumpang. Tinggil ma hita tutu songon halak na porsea umbege joujou ni Debata laho pajumpang dohot hita hasoloan ni rohaNa.
Na paduahon
Ringkot ni hasatioan di halak na berpasangan
Songon naung ni dok turpuk ta on, asing ni metaforis Manang holan
panggombaron sajo. Turpuk on boi do dilapati secara literal (harfiah). Digombarhon do hasatiaon ni halak na berpasangan di turpuk on, marhite na saling memuji jala masihol pajumpang. Di partingkian na lam maju tung ringkot do ajarhonon hasatiaon tu angka na mardongan asa arga pardonganon i. Ndang hea diorai di Bibelta mardongan angka naposo, alai naeng ma nian pardonganon i hombar tu Hata ni Debata. Ingkon jamot do huria manjamitahon asa unang neang-neang angka na mardongan manang naung marrumatangga.
Hira na sungka tahilala manghatai taringot tu holong ni angka na mardongan
ala budaya ketimuran, alai mau tidak mau ingkon hataanta namai asa unang lam merosot kualitas ni pardonganon di angka naposo Kristen. Huria rap dohot keluarga ringkot mangajarhon etika mardongan asa unang tarsulandit mangulahon na so gabeak. Ai molo nunga sanga tarsulandit gabe maol ma paturehon. Penyesalan selalu datang terlambat, alani unang nian sanga tarsulandit asa unang adong sisolsolan. Poda dohot sipaingot ido sipasahaton ni huria nang natuatua tu angka naposo. Ndada holan angka naposo na mardongan, alai dohot do tu naung marrumatangga tarlumobi keluarga muda. Hira gabe trend do di partingkianta saonari, holan so cocok saotik, pintor mangido sirang. Huria dohot keluarga ringkot mangajarhon holong na polin di na marrumatangga tu angka sundut na umposo, asa unang sasaotik mangido sirang. Buku Ende na marisihon ende holong, marhite pandohan romantisme on gabe sada sian buku na badia, asa gabe parsiajaran di angka na marsihaholongan. Komunikasi, pajumpang, hasatioan, ido na boi taputihi sian turpukta on asa dihangoluhon angka na berpasangan, ai ido na dihalomohon Debata. Kemesraan harus terus dipelihara dalam rumahtangga agar cinta kasih tidak menjadi kering dan layu. Tanda na dihaholongi Debata hita, dibahen Debata do komunikasi tu hita, dijumpangi do hita jala satia do Debata tu hita. Ta tiru ma on, gabe sibaheononta di hubunganta dohot pasanganta. Dohot hata na asing, holong tu pasangan ima sada sian parbue ni holong tu Debata.
Dihita, amang, inang nang Remaja-Naposo Bulung na hinaholongan
dibagasan goarni Kristus Jesus. Halak na saling mencintai i, ima na selalu merindu. Perasaan rindu juga merupakan bagian dari iman. Orang beriman rindu kepada Tuhan. Didok di Psalm 42:2, Songon panghalungunhon ni ursa di angka guluan, songoni do panghalunghon ni tondingku tu Ho, ale Debata (Seperti rusa yang merindukan sungai…demikianlah jiwaku merindukan Engkau ya Allah). Jala halak na masihaholongan i, tongtong doi sai marnida na imbaru. Na nidokna di ay.11-13 i, ima pergantian musim laos seiring dohot i masa angka perubahan di angka suansuanan, ima gombaran ni ngolu na lam tu dengganna. Lapatanna, diida nasida ngolu na segar, na imbaru jala na menghasilkan angka na uli.
Halak na masihaholongan, ima halak na terbuka tu pasanganna. Adong
keterbukaan. Terbuka si baoa i tu anak boru i. Terbuka suami tu istrina. Ndang adong na buni. Laos songoni do nang hita maradophon Tuhanta i. Adong keterbukaan di hita diadopan ni Tuhan i. Ndang maila ibana paboa hahuranganna di adopan ni Debata. Dia ma hadomuan ni turpuk on tu topik ni Minggunta na mandok: Manghalomohon Patik ni Debata (Mencintai Hukum Allah).
Sungkun-sungkunta ima: Dia do na nidokna Patik ni Debata (Hukum Allah)?
Patik ni Debata ima Patik na sampulu i. Alai Patik na sampulu on nunga di rimpun i di Mateus 22:37-40 : “Gurunami, dia do patik raja sian angka patik i? Jadi didok Jesus ma: Sihaholonganmu do Tuhan Debatam sian nasa ateatem, sian nasa hosam dohot sian nasa roham! I do patik raja jala parjolo. Alai dos do arga ni na paduahon on: Sihaholonganmu do donganmi doshon dirim! Patik na dua on do mangkangkam nasa patik dohot hata ni panurirang”.
On ma na nidokna Hukum Kasih (Patik Holong). Jala on ma
sihalomohononta. Jadi molo didok, manghalomohon Patik ni Debata, berarti manghalomohon (mencintai) Hukum Kasih (Patik Holong).Cintailah cinta. Amen.