Beriht/ Statistik HKBP Wahidin Baru Medan 2023

HKBP Wahidin Baru Ressort Wahidin Baru Maringanan di Distrik X Medan Aceh.
Sekretariat Jl. Pukat VII Gg. Gereja No. 23 Kelurahan Bantan Timur Kecamatan Medan
Tembung. Jongjong huriaon 64 taon naung salpu tongon na diari 13 I, jala denggan
do dipatupa parningotan i. Pandaraman ni ruas ni huria on gumodang do digoar
angka natuatua. Ndang apala gumodang na menengah tu ginjang. Atik pe songon i
nihalashon do angka na masa ditongatonga ni hurianta ala dilehon do ngolu dohot
rohana tu huria i. Torop do angka parminggu Manogot na marhata Indonesia dohot
jala Arian na marhata Batak laos songon I ma nang parminggu botari dung Covid laos
denggan do mardalan sahat tu saonari. Atik pe ndang haru maksimal, alai tarida do
nang di angka ari Pesta huria tamba do torop ni na ro.
Sikola Minggu.
Denggan do mardalan Sikola Minggu nihobasan ni angka guruguru Sikola
Minggu torop ni manghobasi 10 halak na tiniroan ni amang St. Dertien Pakpahan,
angka Remaja dohot Naposo na tiniroan ni amang St. Gormasi Simarmata denggan
do mardalan di angka parguruanna dohot partangiangan na pinatupa sahali sabulan.
Horong parhalado dipatupa do partangiangan Parhalado sa Ressort sisahali sabulan.
Sihalashononhon do disude parsaoran ni angka ianakhonta sikola minggu songon i
nang angka guru pangajari.
Remaja dohot Naposobulung.
Na sataon on denggan do parguru na manghajongjonghon haporseaon. Las do
roha ala ringgas do nasida ro marguru. Lam magodang jala matoras ma Hata ni
Debata na ginuruhonna asa lam tu tangna mangadopi hamajuon jaman on. Dihirim
roha tu taon 2024 lam tu ringgasna ma angka ianakhonta laho tu parguruan i. Aktif
do angka paniroi remaja naposobulung songon i nang pengurus harian. Sipareahan
do parmulak ni angka parguru ala ndang pintor mulak dung simpul parguruan
manang latihan Koor. Tarlumobi angka parompuan sai songon na manjaga
renteng ni manuk do angka natuatua. Ala ni i, diparohahon angka ianakhonta ma i
songon i nang angka paniroi Seksi Remaja dohot Naposobulung.
Ama dohot ina.
Sihalashononhon do angka ina na sai ro jala mangharinggashon parguruan. Tu
angka ina na sai mangharinghothon marguru dijabu, tu taon na ro dihirim roha
tapasada jala tapahibul ma parguruanta digareja. Pos do roha disi. Songon i nang
angka ama ditongatonga ni huria. Adong do na ringgas tu parguruan, alai gabe
termotifasi tu angka ama na so ringgas tu parguruan. Ujungna gabe tu surutna ma
parguruan ama. Ala ni i sipareahan ma angka ama tarlumobi angka parhalado naung
targoar di punguan i asa gabe tiruan tu angka ruas ni punguan ama.
Angka Punguan Koor.
Denggan do mardalan angka punguan Koor ditonga ni hurianta, asing Punguan
Koor Ama, Punguan Koor Ina, songon i Punguan Koor Naposobulung dohot remaja
Gabungan Koor Maranatha, Ina Debora dohot angka seksi. Ditaon 2024 dihirim roha
ingkon lam tu dengganna ma nasida patubegehon ma soarana marhite angka ende
na sai marsorinsorin hombar tu goar ni minggu nang parbagianan Koor Gabungan
ganup sektor. Angka sihalashononhon do punguan dohot angka parguruanna, ima na
marguru dung simpu partangiangan sektor. Sipareahan ma taringot angka pangajari
dohot dideba parguruan ala adong do na so haru singkop jala renta diangka
parguruan, gabe gale ma nang angka pangajari songon i angka punguan.
Haparhaladoon.
Mardalan do tongtong punguan dohot partangiangan keluarga parhalado
sisahali sabulan, laos dipatubegehon do koor naung diguruhon uju partangiangan
Parhalado dohot keluarga. Di minggu paduahon ganup bulan, markoor keluarga
parhalado digareja ima minggu arian. Ala ni i, sitangianghononhon do punguan i asa
lam tu sadana tu angka ari na mangihut anggiat gabe tiruan tu angka na
hinobasanna. Separeahan tu angka na sumurut sian punguan i. Ai sada sian ulaon
panghobasion do na mandohoti punguan i. Isarana, beha ma angka na so dohot tu
punguan i, manguruhon angka ende na naeng patubegehononna ai so dohot
marguru tarlumobi tu angka ulaonna ai disi do disagi namanghobasi minggu.
Taparohahon mai.

Angka dewan dohot seksina.

Denggan do mardalan angka Dewan dohot Seksina ditonga ni hurianta. Atik
ndang haru singkop dohot maksimal diulahon na deba. Tu angka ari na mangihut
sipareahan ma i anggiat lam tu dengganna jala lam tu dasipna sude panghobasionta
disude ulaon naung jinalo. Marsangap ma Tuhanta disude panggulmiton ni ngolunta
jala lam tu sadana hita dohot ruas ni hurianta lao mangulahon angka i sude.

Pandidion Na badia.
Dipatupa do Pandidion na Badia tu angka posoposa dua hali sataon.
Ulaon na Badia.
Dipatupa do Ulaon na badia dua hali sataon ima di Ari Parningotaqn Hamamate ni
Tuhan Jesus (Jumat Agung dohot di Ari Pesta Parningotan Ari Hatutubu ni Tuhanta
(Natal). Dihalashon huria on do angka na mandohoti Ulaon Na Badia jala torop do na
mandohoti.

Jeremia 33 : 6. Sesungguhnya, Aku akan mendatangkan kepada mereka kesehatan

dan kesembuhan, dan Aku akan menyembuhkan mereka dan akan menyingkapkan
kepada mereka kesejahteraan dan keamanan yang berlimpah-limpah. Ida ma, ahu
sandiri pahehehon tu nasida hahisaron dohot hamalumon, jala pamalumonku
nasida, jala ahu papatarhon tu nasida hadameon dohot habonaron
mardapotdapot.

Torop ni Parhalado HKBP Wahdin Baru

Pandita : 1 Halak
Bibelvrow : 1 Halak
Sintua Ama : 9 Halak
Sintua Ina : 2 Halak
Calon Sintua Ama : 4 Halak
Pungu : 17 Halak
Angka Guru Sikola Minggu: 10 Halak
- Baoa : 3 Halak
- Boru : 7 Halak

Angka Dewan : Dewan Koinonia = St. Ir. JF. Sidabariba

Dewan Marturia = …………………
Dewan Diakonia = St. Drs. H. Siregar

Seksi Sikola Minggu : St. D. Pakpahan

Seksi NHKBP : St. G. Simarmata
Seksi Ina/ Parompuan : St. S. br. Sibarani
Seksi Ama : St. J. Siahaan, SPd
Ketua Parhalado : St. D. br. Sitorus
Ketua Parhalado Parartaon: St. F. Nainggolan
Bendahara Huria : St. Ir. K. Naibaho

Statistik HKBP Wahidin Baru

Ripe ; Ama ; Ina ; Naposo baoa ; Naposo boru ; SM. Baoa ; SM. Boru ; Pungu
202 108 202 94 30 98 59 793

Statistik HKBP Maranatha

Ripe ; Ama ; Ina ; Naposo baoa ; Naposo boru ; SM. Baoa ; SM. Boru ; Pungu
51 43 47 29 30 26 20 195

Uluan : St. Wilson Manalu

Bendahara : St. Raden Napitupulu
Sekretaris : St. Drs. Nelson Siregar
Parartaon : St. M. Silaen
Guru Sikola Minggu : Marlina Silaen, Monika br. Siregar, Anggi br. Lumban Gaol.

Torop Ni parhalado HKBP Maranatha

Sintua Ama : 8 Halak
Sintua Ina : - Halak
Pungu : 8 Halak

Medan, 31 Desember 2023

Pendeta HKBP
Ress. Wahidin Baru

Pdt. Jarnata Sirait, STh