LAMPAHAN SRI MULIH

KET. JEJER NGAMARTA

Tekane Baladewa & Kresna
wos : negara ngamarta ketaman pagebluk, kresna matur merga
koncatan bathari sri

SULUK PATHET 6 WANTAH

“JANTURAN”

Puntadewa :nuwun dereng sawetawis dangu sarawuh

paduko kanjeng koko prabu dworowati wonten
negari ngamarto rayi poro ngaturaken
pasegahan ponokrami. mawantu-antu
mugi konjuko sandap pepadanipun kanjeng
kokoprabu..

kresna :yayi samiaji, yayi samiaji kadangipun kakang

yayi, nuwun inggih yayi.. kulo tampi seh
prembagienipun yayi samiaji, kulo tampi
tangan kekalih, kulo kalungaken ing lungoyo,
kulo petekkaken pernojo, rumeketing wardoyo
boten langkung wangsuling salantaklimipun
rakanto ing dworowati kewolo mugi katuro
yayi…

puntadewa :kawulo nuwun inggih kanjeng kokoprabu,,

gunawelaning pamundi kulo paring pangestu
poduko kanjeng kokoprabu, kulo tampi tangan
kekalih kulo petekkaken ing pernojamewah
ono rahdaging kahyuwanan.

kresna :nuwun inggih, kasinggihan dawuh paduko yayi

puntadewa :koko prabu manduro sarawuh paduko, rayi
poro ngaturaken pasegahan ponokrami,, mugi
konjuko kokoprabu…

baladewa :nuwun inggih yayi,, kulo tampi prembagenipun

yayi prabu ngamarto ingkeng rumentah pun
kakang manduro, kulo tampi tangan kulo kalih
kulo kalungaken ing lungoyo, kulo petekaken
ing pernojo, rumeketing werdoyo amewahono
bowo leksono mboten langkung pudi awastani
pun ingkang roko manduro kewolo mugi
kunjuko yayi…

puntadewa :inggih koko prabu,,kulo tampi tangan kekalih

kulo pundi ing mestoko amewah ono
rahdaging kahyuwanan..

baladewa :kalulo nuwun, nuwun… nokno inggih,

kasinggihan paduko yayi…

werkudara :waaaahhh… durung suwe tekamu ono negoro

ngamarto kakang prabu dworowati podho
kanti karaharjan tekamu kresno jelitheng
kakangku..

kresna :kadangipun kakang yayi werkudara iyo..

pangabektiniro lan prembageniro yayi wus dak
tompo pangestuning kakang tampanono..

werkudara :iyoo… paring pangestuning kresno kakangku

tak pundi dadio jimat paribik jinadang
kakangku, sak tekamu ono ngamarto aku
ngaturake bektiku tampanono bolodewo
kakangku
baladewa :wee lhadalah…iyo, iyoo werkudara, pangabekti
-niro tak tompo pangestuning kakang diage
tampanono werkudara

werkudara :iyoo… paring pengestune jinadang kakangku

tak tampani tanganku tengen tak gegem dadio
joyo aji kawijayan

baladewo :werkudara iyoo…

janaka :semanten ugi kulo kokoprabu, sarawuh

paduko kulo ngaturaken sumungkem ing
pangabekti kulo mugi kunjuko kokoprabu
dworowati

kresna :kadangipun kakang yayi janoko iyo,,

pangabetiniro dak tompo pengestunipun
kakang diage tampanono

janaka :kapundi pareng pengestu poduko saenggo

jejimat paribik kokoprabu manduro pangabekti
kulo katur kokoprabu

baladewa :hee permadi yoo,, pangabektiniro tak tompo

pengestune pun kakang tumuri tampanono
janoko

janaka :nuwun inggih kokoprabu, gunawelaning

pamundi kulo saenggo jejimat paribik

nakulo :semanten ugi kulo kokprabu, sarawuh poduko

kulo ngaturaken sungkem pangabekti

sadewo :kulo ngaturaken pangabekti kulo kokoprabu..

kresna :iyo iyo yayi kembar, pangabekti niro wus dak
tompo

baladewa :iyoo nakulo sadewo pangabektiniro dak tompo

yayi dadekake bombong tyasipun kakang

puntadewa :kokoprabu, bingahing manah kulo tanpo

pepindan dupi kokoprabu , kepareng rawuh
sarimbit wonten ing negari ngamarto bingah
-ing manah kulo… pindo karawuhan pukulun
sahywang bathara wisnu sarimbit klawan
pukulun sanghwyang bathara brahma ingkang
nedya paring kanugrahan…

kresna :nuwuninggih… yayi samiaj,, semanten ugi pun

kakang dworowati ngaturaken bombonging
manah kulo ingkang tanpo pepindan karono,
pun kakang prapto wonten negari ngamarto
pinahargyo ngagem upocoro keprabon
ingkang
mekaten yayi,, sewu nugroho kapathet dening
kulo lan kakang nampi pakurmatan agung…

puntadewa :inggih koko prabu …

kresna :yayi,, mugi andadosno kawuningan pramilo

doyo-doyo praptanipun ingkang roko kekalih
wonten negari ngamarta menika estanipun
namung nuhoni ponang nawolo peparing
poduko yayi prabu ingkang sampun kulo
tampi sawetawis dinten,, sak sampunipun
ingkang roko buko ponang nawolo ing mriku
namung mpratelakaken, ing ri kalenggahan
menika pun kakang ingkang kedah enggal-
enggal prapto wonten negari ngamarto, duh
 yayi,, punopo to ingkang dados darunanipun
kresna :dene poduko yayi samiaji kepareng nimbali
pun kakang dwarawati tumunten paringo
dawuh yayi…

SULUK PATHET 6 JUGAG

puntadewa :kokoprabu dadosno ing kawuningan,, pramilo

kulo nyuwun menggah rawuhing poduko koko
prabu sarimbit estonipun kokoprabu,, kulo
namung ngaturaken menggah kawontenan
negari mbotono kawarso ingkang ring
kalenggahan menika ketaman pagebluk
mayangkoro, kathah poro kawulo ingkang
samyo anandang urudhating. kejawi saking
kokoprabu,, nagari ngamarta kathah poro
kawulo ingkeng samyo pasulayan, ingkang
kethelo mboten kanten lan menopo ingkang
dados perkawisipun… menopo sekintenipun
poro kawulo dasih meniko sampun mboten
saget nampi anggen kulo jumeneng noto
wonten negari ngamarto,, menawi tethelo
mekaten kokoprabu, kulo legowo lair tulusing
batin kulo lengser keprabon ing ngamarto
menawi to anggen kulo lengser badhe antuko
katentremaning poro kawulo dasih,, keparengo
poduko kanjeng kokoprabu paring dawuh,
upami ingkeng rayi meniko nandhang
kalepatan, lepat kulo wonten pundi kokoprabu,
suwawi kulo aturi paring pengendiko

kresna :adhuh yayi prabu kadangipun kakang yayi,,

esthonipun mekaten yayi, inggih leres menopo
ingkang dados pangandikanipun yayi samiaji
estonipun mboten namung nagari ngamarto
 kewolo ingkang ketaman pagebluk myangkoro
kresna :labet negari dworowati, manduro, ngastino
lan sak sanes-sanesipun sedayanipun kados
nampi bebendhu saking gusti ingkang akaryo
jagat, yayi,, monggo dinten meniko kulo
derekaken lelampahan meniko kinaryo
minongko pepenget, pepenget saking gusti
kang akaryo jagat, sagung poro kawulo dasih
lhah, ing mriki kakang mboten wantun bade
mblakhakaken sinten ingkang lepat mangke
menawi ngantos ngupadosi sinten ingkang
lepat malah mboten saget pinanggih, kirang-
kirang bejanipun malah nuwohaken bebendhu
nuwohaken pasulayan…

puntadewa :inggih kokoprabu

kresna :yayi… menawi mboten klentu saking penggali

-hipun ingkeng roko dworowati,, esthonipun
ing jagat meniko koncatan mustiko retno
ingkang ninggal saking sasono,,, yayi, kulo
wangsuli malih, negari ngamarto dworowati
manduro meniko kecalan mustiko retno
ingkang ninggal saking sasono.. lhah, menawi
mustiko retno meniko dereng kondur, lenggah
wonten palenggahanipun,, kulo kinten ing
jagat meniko mboten badhe saget tentrem yayi
…

ket. patihan sowan mergo ono pawongan

patihan :nuwun,, amit pasang kalimantabe tinebehno

siku denaning bathara, sinuwun kulo ingkang
sowan…
puntadewa :tak wanpadakake ingkeng prapto iki, koyo
kakang patih tambak gandeng, ono wigati opo
kakang dene jeneng siro munggah marang
setinggil datan sarono ingsun timbali

patihan :sinuwun, handadosno kawuningan pramilo

kang abdi kepatihan ngabyantoro datan sarono
tinimbalan katuraken gegering jawi

puntadewa :siro ngaturake gegering njobo opo ono macan

mbadal soko kerangekng

patihan :sinuwun, mboten karono macan mbadal

saking kerangkeng, tetelo ingkang ndadosaken
gegering jawi meniko wonten satriyo anyar
katon satriyo ingkang nembe prapto kulo
piyambak dereng nate pepanggihan, estune
manah kepingin badhe sowan ing ngarso
poduko ingkeng sinuwun…

puntadewa :kakang yen pancen koyo mengkono, enggal

aturono kinen munggah marang setinggil
ngamarto

patihan :kawulo nokno inggih ngestokaken dawuh

sinuwun…

ket. prabakusumo minggah ono ing setinggil ngamarto

prabakusuma :nuwun amit pasang kalimantabe sinabetno

ing ilo-ilo tinebehno siku ing dedahing bathara
sinuwun kulo ingkang sowan

puntadewa :tejo-tejo suleksono tejaning satrio ingkang

 nembe prapto, sopo sinambating wangi raden
prabakusuma :inggih sinuwun menawi paduko ndangu jasad
kawulo,, kulo wingking saking kahyuwanan
karang kaendran, kulo wayahipun kanjeng
eyang pukulun sanghywang bathara endro
atmajanipun kanjeng ibu bethari suprobo
ingkeng sudi amastani kulo bambang
probokusumo

puntadewa :siro bambang probokusumo

prabakusuma :kawulo nuwun kaluhuran sabdo poduko

sinuwun

puntadewa :kanthi karaharjan praptaniro…

prabakusuma :inggih awit saking berkah pangestu paduko

sang prabu raharjo pisuwan kulo, mboten
langkung kulo ngaturaken sumungkeming
pangabekti kulo mawantu mugi kunjuko
sinuwun…

puntadewa :iyoo iyoo prabakusuma banget panarimaning-

sun dene siro ngaturake pangabekti,, kajobo
soko iku bocah bagus paran darunane siro
sumengko pengawak bojro prapto ono projo
ngamarto

prabakusuma :nuwun inggih sinuwun mugi handadosno ing

kawuningan,, pramilo doyo-doyo sowan kulo
ngabyantoro paduko ingkang sinuwun ingkang
sepisan,, kulo ngaturaken sumungkeming
pangabekti kulo ingkeng ongko kalih,,
karaharjaning projo dene dungkap ing triwigati
sinuwun, sowan kulo menika muhung badhe
 hangawu-awu sudarmo
puntadewa :siro bakal ngupoyo klawan wong atuwanio

prabakusuma :kawulo nuwun inggih…

puntadewa :yen koyo mengkono moro enggal maturo sopo

sudarmamu griyo siro prapto projo ngamarto

prabakusuma :nuwun inggih sang prabu, menawi miturut

pangandikanipun keng eyang pukulun hywang
bathara endra sumawono, kanjeng ibu hywang
bathari suprobo,, kulo meniko atmajanipun
kadang pamadyaning pandhawa satriyo
madukoro ingkang kekasih raden harjuna,,
milo saking menika sinuwun menwi dipun
keparengaken dinten menika kulo badhe
ngaraspadhanipun kanjeng romo arjuno

puntadewa :yo jagat dewo bathara yo jagat

pangestungkoro,, arjuno…

arjuna :wonten tinimbalan ingkang adawuh kokoprabu

puntadewa :iki lho yayi.. den upoyo dening atmajaniro yayi

Suluk ada-ada
ket. harjuno maju mengarep

arjuna :bocah bagus opo bener siro kang kekasih

bambang prabakusuma.. atmajane bathari
suprobo sarto wayahe pukulun hywang
bathara endra…

prabakusuma :nuwun inggih raden, kasinggihan dawuh

paduko, mnawi kulo menika atmajanipun
 kanjeng ibu bathari supraba miwah kanjeng
prabakusuma :kanjeng eyang pukulun hywang bathara indra

arjuna :andadeknokaruhaniro yen to siro ngupadi

klawan sudarmaniro kakung, tegese siro
ngupoyo klawan bapakmu,, sumurupo kadang
panengah pendowo ingkang kekasih raden
arjuno yo janoko kwi aku

prabakusuma :aduh kanjeng rama… ngaturaken sumungku-

ming kulo kanjeng romo mawantu-antu mugi
kunjuko sandaping pepodo poduko kanjeng
romo…

arjuna :iyoo.. prabakusumo,, banget panarimaning

pun bopo dene siro ngaturake pangabekti,,
nanging, andadekno sumurupo probokusumo
nadyan arjuno ugo ngakoni yen to siro iku
mau putro madukoro kang mijil soko kayangan
karang kaendran wayahe pukulun hywang
btr. endra sarto putro btri. suprobo. nanging,
dadi putro madukoro kwi ora gambang,, anak
janoko kwi akeh nanging, nadyan mengku
nuwoh gedhe, labuh labete ngetokake jiwo
kasatriyane lan jiwo kaprawirane.. yen to
pancen temen-temen prabakusuma kwi anak
janoko,, moro kuwe tak utus upadinen srono
minongko usadaning projo ngamarta ingkang
lagio ketaman pagebluk mayangkoro, ingkang
sinebut mustiko retno ingkang linggar soko
ing sasono. yen to pancen siro biso ngupoyo
nyoto yen to pancen prabakusumo kwi anak
janoko nanging yen to urung panjangkahem,
cetho yen to kuwe mung ngawugawar wong
ngaku-ngaku…
prabakusuma :inggih rama ngestokaken dawuh, keparengo
nyuwun pangestu rama…

“ gedog sampak “

ket. prabakusuma budhal.

baladewa :yayi kresna

kresna :kulo wonten dawuh kokoprabu..

baladewa :janaka iki ambak-ambak wong alus,, ning nk

ngajar anak nk mecut anak wah jan, kroso
tenan

kresna :lir ipun?

baladewa :pancen, janaka kwi anak e akeh,, bagus-bagus

cakrak-cakrak pinter-pinter tur mumpuni…

kresna :inggih kakaprabu

baladwa :ndi to anak janaka sng bodho lak raono

kae,, sng soko kahyangan argo dahono
wisanggeni kae,, bocah e mbeling ning pinter..
lak yo ngono…

kresna :inggih kakaprabu

baladewa :aku ki nduwe anak siji ponakanmu wisoto

whueleh… mbeling ee ra elok, jian ora keneng
dikandani ora keneng dituturi,, sng diarah-arah
sng diamuk-amuk, arep ngedoli gamelan ae…
atek nyedihke sng tuwo…
werkudara :jrabang kakangku…

baladewa :piyee…

werkudara :yen eneng anak ndugal kwi ojo nyalahne anake

baladewa :lha sing salah?

werkudara :gerangane..

baladewa :huisshh… lha tek wng tuwa tek salah..

werkudara :tanggung jawabe wng anak-anak ki piye……..

hayo wangsulana. wng anak-anak ki kudu piye
mestine rak nggulowentah, minterke, yen ono
kleru dibenerake, ning op kwi anak siji,, jare
anakmu kwi ndugal, angel dikandani, sing
salah sing gerang…

baladewa :lhaiya…

kresna :lhaiya piye to, wng sng kleru kwi pejenegan

kok malah lhaiyo…

baladewa :iyoo, ning ngene yayi,, pun kakag nduweni

penenmu

kresna :kados pundi kokoprabu

baladewa :yo nadyanto prabakusuma kwi, pun kakang

percoyo yen to kwi anak janoko wis cetho…
lekering wedono jaiteng netra,, ws ra gesek,
koyo gerangane… lha janoko nom, ra ngono
to iki mau..
kresna :inggih kakaprabu

baladewa :lha mulo soko kwi yayi,, tur, yo wis mesthi

kedunungan, joyo aji kawijayan nanging, ojo
nganti ditegakake… pakaryan iki ora baen-
baen,, ora enteng lho yayi… mongko mustiko
retno kang linggar soko ing sasono kwi hurung
cetho kwi wujude opo, lak ora genah

kresna :inggih koko prabu..

baladewa :mulo soko kwi… kudu diawat-awati

kresna :inggih kakaprabu,, werkudara

werkudara :kresna kakangku opo

kresna :ojo wedi kangelan,, dhawuhno klawan poro

putro-putro brayating pandowo, ngawat-awati
lakune prabakusuma soko kadohan mbok
menowo, yen to katempuhing boyo pekewuh
sak biso-biso kudu mbiyantu werkudara

werkudara :iyoo.. yen pancen koyo mengkono aku njaluk

pamit mbarep kakangku pengestumu sing tak
jaluk…

puntadewa :iyo iyo werkudara ora lewat tak pranggo pujo

raharjo yayi…

“ gedog srepeg “
ket. werkudara budhal

puntadewa :kokoprabu dwarawti…

kresna :wonten timbalan ingkang adawuh yayi..

puntadewa :kakaprabu sak derengipun poduko jengkar

ngayahi prakaryan langngkung rumitin
kakaprabu kulo derekaken minggah wonten
sanggar pamelengan nenuwun dumateng
purbaning gusti ingkang akaryo jagat

kresna :nuwuninggih yayi ngestokaken dawuh paduko

yayi samiaji

puntadewa :kokoprabu manduro

baladewa :wonten timbalan ingkang adawuh yayi..

puntadewa :keparengo paduko njeng kokoprabu paring

sabiantu,, murih kasembadaning sedyo, sageto
enggal pinanggyo ingkang dipun upoyo inggih
mustiko retno ingkang linggar saking sasono

baladewa :nuwuninggih yayii, pun kakang engkng nedya

sabiyantu

puntadewa :arjuna…

arjuna :wonten dawuh kokoprabu…

puntadewa :bubarno poro wadyobolo ingkeng nggantung

sebo, ingsun kundur nyang kedatun

arjuna :nuwun inggih ngestokaken dawuh paduko…

ket. bedholan
KET. PASEBAN NJABA

werkudara lan baladewa ngawe poro putra pandawa

( setyaki, gatutkaca, antareja, antasena )
wos = golekki mustika retna, budhal

setyaki :tebih pisowanan kulo mboten midhangetaken

dawuh pangandikanipun poro pepunden
kokoprabu,, kulo ingkang rayi suwolo bumi
pun setyaki cumadhung dhawuh…

antareja :semanten ugi kulo wo, kulo engkang putro

sapto bumi pun ontorejo cumadhung dhawuh

gatutkaca :kulo engkang putro pringgondani pun

gatutkaca ngaturaken sumungkuming
pangabekti kulo

ontoseno :aku ngaturke pangabektiku tampanono pak

puh

baladewa :kwi sopo kwi, kok basane pak puh kwi sopo
kwi…

ontoseno :aku puhh..

baladewa :ontoseno iki…

ontoseno :he’eehm

baladewa :seng mbok tiru ki sopo

ontoseno :bapak
baladewa :lhoh, bapak piye

ontoseno :aku tiru kanjeng romo, jare bapak ninggal

ajaran, kanjeng romo kwi ra iso boso nk anake
tiru ra iso boso rak yo bener, opo anak kok tiru
tonggo lak malah ra apik

baladewa :eee iyo, ning ojo pak puh

ontoseno :lha piye

baladewa :wo prabu… baleni… boso og wagu…

ontoseno :bektiku tampanono wo prabu pak puh

baladewa :o ws panci wong rusak i ndelalah… yoo,

bektimu ws tak tompo… poro putra lungguh
o sing prayoga, ingsun jateni wigatining
pasewakan.. werkudara

werkudara :jrabang kakangku opo

baladewa :sing mprintah si adhi, opo pun kakang

werkudara :aku manut

baladewa :yoo…gatutkaca..

gatutkaca :wonten timbalan ingkang adwuh

baladewa :nadyanto akeh poro kusumaning negoro,,

dino iki sing dak wawas biso bakal ngawat-
awati lakune putro madukoro sing anyar iki
kejobo mung kowe…
gatutkaca :inggih…
baladewa :putra madukoro kang mijil soko kayangan
karang kaendran… sing jeneng bamang praba-
kususma,, iki dinuta klawan keng ramane yo
kwi yayi arjuna kinen ngupaya,, mustiko retno
ingkang linggar soko ing sasono yo kwi btr. sri
… lhah, katone gemregah atine probokusuma
ning nadyan mengkono ojo nganti ditegakake
awat-awatono gatutkaca…

gatutkaca :mekaten wo..

baladewa :iyoo.. lhah poro putra liyane, tut wuri mbok

menawa yen to iki mengko ono moganing
lelakon,, setyaki, ontorejo, ontoseno ojo nganti
keri,, sabab iki kudu tumandang bebarengan…

setyaki :inggih kokoprabu

antareja :inggih wa

baladwa :ora usah ndadak ngluputake klawan sopo wae

iki seng kleru sopo, sing kleru sng ndi ora
perlu,, wos ing wigati kowe makaryo anuto
marang kreteg ing atimu ati kang tulus,, sebab
dino iki golek tulusing ati wis kangelan…

setyaki :mekaten kokoprabu

baladewa :iyoo… prayogane piye werkudara

werkudara :aku manut

baladewa :iyoo… ayo, ora ketang sambung obor colok

sudomo budhal o wektu dino iki…
“ gedog srepeg “
SETRAT NEGARA PANJANG GRIBIK
ket. nilatatsaka lan prabu merak kasimpir

M. kasimpir :hong tete hywang kolo ludro yo manik rojo

dewaku… anakku ngger wong bagus anakku
wong sigit nilatatsaka. tak waspadakke beneh
klawan padhatan solah bawamu nganeh-ngane
-hi sandangamu ngayar-ngayari. nilatatsaka,
moro diage prasajan wae, bloko matur ono
ngersane keng romo…

nilatatsaka :kanjeng romo prabu jimat sesembahan kulo

romo, pepunden kulo ing mangke prapteng
ndelahan.. estonipun kulo mboten menopo-
menopo kok romo

M. kasimpir :nilatatsaka,, kuwe ojo goroh yo ngger aku tau

ngelakoni dadi nom koyo kuwe, ning kowe
durung ngelakoni tuwo koyo bapakmu… wanci
umur koyo kowe kwi, lagi berak-berake lagi
gedhe-gedhene asmoro, ora susah mbok tutup
tutupi. blakakno yen to pancen kwe kepengin
mengku wanito, wanito ngendi.. sing dadi
memaniking atimu, pun bopo saguh
monokramakake jeneng siro ngger nilotatsoko.
dasare anakku mung siji kowe,, maturo

nilatatsaka :inggih, kanjeng romo prabu. menawi tethelo

paduko kanjeng romo prabu sampun wuningo
menggah menopo ingkang dados krenteking
manah kulo dewaji.. esthonipun, sak dangu
nipun ywang btri. sri widowati cumondok
wonten negari panjang gribik,, aduh romo,
raosing manah kulo kaprawoso dweaning
 asmoro…
nilatatsaka :bebasan kulo mboten saget supe romo, kulo
namung kepingin tansah cecaketan rinten dalu
kulo kepingin pinanggih catur netra. rama,
dasaripun menika wonten wekdal ingkang
prayogi mbok inggiho paduko kanjeng romo
prabu, kepareng menggalihaken kaliyan kulo
rama… dinten meniko sak saget-saget ywang
btri. sri widowati mugi-mugi dados
tetimbangan kulo.. kados pundi romo..

suluk
ket. merak kasimpir mlaku mlaku

M. kasimpir :anakku ngger wong bagus anakku wong sigit

nilatatsaka

nilatatsaka :wonten dawuh rama

M. kasimpir :kowe tak kandani yo ngger… bejo kemayangan

negoro panjang gribik dilenggahi hywang btri.
sri widowati kwi wis mujudake kanugrahan,,
pirang boro kuwe ngrekso katentremane
ngrekso penggalihe karben jenak, jenjem
penjenengane ywang btri. sri widowati lenggah
ono negoro panjang gribik, kuwe ojo wanuh
wani ganggu gawe kro ywang btri. sri… eling
nilatatsaka, elingo,, ywang btri. sri widowati
kwi lenggah onoeng negoro panjang gribik
mahanani subur, makmur, ayem tentrem poro
kawulo dasih, yo sabab dilenggahi dewining
boga, yo btri ning boga ywang btri. widowati..
mulo tak jaluk, ora susah ndadakkowe kpengn
mengku garwo, reksanen lan manehe kwi dudu
mesti jodomu, ngerti kuwe..
nilatatsaka :kanjeng rama prabu

M. kasimpir :piyeee..

nilatatsaka :tresna menika wuta rama

M. kasimpir :piye… balenono meneh

nilatatsaka :tresna menika wuta

M. kasimpir :kowe nduwe tembung tresno wuto kwi tegese

piye coba maturo

nilatatsaka :rama,, tresna menika mboten ningali sinten

ingkang dipun tresnani wos ipun manahipun
remen.. nadyanto meniko widodari, menopo
meniko bangsaning gandarwo, menawi manah
meniko remen lan tresno, menopo lepatipun..
milo dipun wastani tresno menika wuta rama

M. kasimpir :wooo… lha nk koyo ngono caramu, klakon

picek tenan mripatmu kowe… nilatatsaka

nilatatsaka :kulo wonten dawuh

M. kasimpir :sing diarani tresno wuto ki mengkene,, yen

kowe wis rabi ketemu jodhomu tresnanono
bojomu paribasane mpripatmu meremo
mpripatmu picekno ojo nganti kuwe nyawang
wong wadon liane, goblok… hayo wangsulono,
tresno wuto saben wong di tresnani, saben
wong ditresnani kethok gulumu kro wong liyo
kuwe… dino iki tak jaluk,, nilotatsoko ojo
nganti kuwe ganggu gawe, ywang btri. sri
 widowati,
M. kasimpir :kuwe melu o ngrekso katentremane negaramu,
melu o ngrekso kawibawane bapakmu, aku iki
dudu ratu kluwargo ning ratuning bongso ngrti
yen to nganti kuwe colowentah ganggu gawe
ngrekidhu ywang btri. widowati,, suthek aku
trimo ra nduwe anak koyo dhyapurmu luwung
kuwe minggat

nilotatsaka :sendiko ngestokaken dhawuh rama…

“ gedog sampak “
ket. nilatatsaka minggat. merak kasimpir kaget

M. kasimpir :bojleng-bojleng iblis laknat, ee bocah ra wedi

kualat tenan… rupamu kwi bagus, cakrak, ning
jebul kalah karo bapakmu, bapakmu kwi buto
blarongan koyo mengkene,, nanging nyatane
malah atimu ngungkuli buto, iyoohh,,
nilatatsaka, mugo-mugo kuwe diparingi eling
kowe diparingi pepeling kro gusti kang akaryo
jagat… hee patih detya kala wraha yaksa,
lan poro wadya bala panjang gribik, rene…

“ gedog sampak “

PATIH DETYA KALA WRAHA YAKSA, TIKUS JINADA, T. MUSIKO

GARBO, T. CONDRO WOLO

wraha yaksa :wonten tinimbalan engkang adawuh sinuwun

kulo pun abdi kepatih detya kala wraha yakso
cumadhung dawuh..

tikus jinada :kulo pun abdi tikus jinada cumadhung dawuh..

musiko garbo :kulo tumenggung musiko garbo cumadhung
dhawuh..

condro wolo :kulo inggih tumenggung condro wolo

ngaturaken tinimbalan ingkang adawuh
sinuwun..

M. kasimpir :iyoo.. poro wadyo ono ing panjang gribik..

opo to darunane kuwe adoh dak awe cedak
soyo dak raketake mergo ono bab wigati
ingkeng bakal tak aturake… mestining wae
kabeh podo ngerti lamunto wis sawetoro
wektu iki, kesuburan yo kuwi bathari sri
lenggah ono ing kedaton panjang gribik…
mulo kang soko kwi ojo nganti ono pawongan
kang mlebu ono ing tapel wates negoro
panjang gribik kang duweni sedyo arep
boyong wujude mustiko retno yo ywang
bathari sri widowati,, dimen tentrem lan ayem
opo sing dadi penggalihe ywang btri. sri
widowati mapan ono panjang gribik… mulo
dino samangko kepyakke poro wadyo bolo
segelar sepapan supoyo tansah njogo
betheng negoro panjang gribik…

wraha yaksa :inggih.. sendika ngestokaken dawuh sinuwun..

“ gedog cempolo “

KET. BUDHAAN PORO WADYO BOLO PANJANG GRIBIK

PERANG GAGAL
ket. setyaki lan sabrang

condro wolo :durung suwe nggonku pacak baris,,

keprengguh bebarisan tumbakke koyo jati
ngarang, songsonge megar koyo jamur barat
he.. he.. hee.. kisanak aku arep takon karo
kowe… perjurit soko ngendi sopo jenengmu,
soko ngendi pinangkamu

setyaki :genti takon iki perjurit soko ngendi

condro wolo :lhoh… parratt… lumuh keseser basamu, mburi

soko negoro panjang gribik, kekesete gustiku
prabu merak kasimpir, yo prabu gembung
tanpo sirah.. kang dadi tetunggule poro wadyo
bolo iki tumenggung condro wolo jenengku..

setyaki :tumenggung condrowolo

condro wolo :iyoo.. genti takon sopo kuwe hemm…

setyaki :satriyo suwelo bumi raden haryo setyaki..

condro wolo :setyaki..

setyaki :singo mulanjoyo

condro wolo :singo mulangjoyo…

setyaki :rapet barisanmu,, opo sing mbok tindakke

condro wolo :ora perlu kuwe takon sedyaku,, rapet opo ora
barisanku kwi butuhku, mundurr…
setyaki :ora gelem myak barisan, ojo takon doso tak
babati

condro wolo :lhohh…keparat,, sugeh kendel bondo wani

kuwe hemm… kw dedekmu mung sekilan
wong cebol kepalang, awakmu kwi aking
kwe lagi tak pithing, tak tingkas pedhyot
gulumu

setyaki :cangkemu… ( setyaki jotos )

ket. perang setyaki,, sabrang kalah… ganti sabrang liyane

sabrang :whueee.. menungso sisik, sopo kuwe ki

ontorejo :ontorejo…

sabrang :ontorejo…

ontorejo :iyoo.. ayoo wong panjang gribik, ojo maju ijen

majuo bareng leganing atiku..

ket. prajurit panjang gribik kalah, mundur. matur nikatatsaka,

nilatatsaka mateg aji howo panas

pendawa kualahan namani aji howo panas, mundur…

patih :ngaturaken ketiwasan, dinten samangke semu-

nipun poro wadyo bolo saking ujung gribik
mboten saget nandingi kridanepun wadyo
bolo saking negoro ngamarto…

nilatatsaka :banjur piye..

patih :monggo kulo aturi kundur kemawon raden..
mbangane niki mengke malah salah gawe,,
tan wurungo kulo lan penjenengan malah
mbelaeni raden

nilatatsaka :ora isoo… poro pandawa kae mesti bakal

golekki ngendi dununge bathari sri..

patih :lajeng samangke menopo ingkang badhe

poduko tindakaken..

nilatatsaka :mengkene.. poro wadyo ujung gribik podo

munduro.. poro pandawa kae tak tandangane
dewe,,, coba, tak tamakke aji howo panas,
mbuh dadine…

“ gedog sampak “

SETRAT BATHARA INDRA

ket. bathara indra & kogoendra ngerti prabakusuma sungkawa

btr. indra :astungkoro sidam sekaring bawono langgeng

wayah ulun ngger prabakusuma, ojo kaget,
ulun ingkang prapto ngger…

prabakusuma :eyang, sarawuh paduko kanjeng eyang,, kulo

ngaturaken sumungkuming pangabekti kulo
mugi kunjuk kanjeng eyang

btr. indra :iyo prabakusuma banget panarimo ulun, dene

kito ngaturake pangabekti
prabakusuma :kawulo nuwun inggih kanjeng eyang

btr. indra :kajobo soko iku ngger,, wruhanono, ulun doyo-

doyo prapto lan mprepeki klawan jeneng siro,,
yektine, pun kaki banget ngungun siro
anandang sungkowo prabakusuma.. boyo ono
wigati opo ngger…

prabakusuma :duh kanjeng eyang pukulun,, mugi andadosno

ing kawuningan, esthonipun dinten menika
kulo dinuto klawan kanjeng romo raden arjuno

btr. indra :siro wus tinompo klawan wng tuaniro raden

raden janaka…

prabakusuma :nuwun inggih,, esthonipun sampun eyang…

btr. indra :emm… lha teros?

prabakusuma :dinten menika,, kulo dipun tampi putra

madukoro putranipun raden arjuno menawi
kulo saget ngupadi mustiko retno ingkang
oncat saking palenggahan, duh kanjeng eyang,
kepareng o dinten meniko paduko kanjeng
eyang paring dawuh.. mustiko retno ingkang
mendro saking palenggahan meniko menopo
eyang…

btr. indra :hong wilahing astunama sidam sekaring

bawono langgeng, prabakusuma… andadekno
wruhaniro ngger, mustiko retno ingkang oncat
soko palenggahan yoiku mustikaning jagad,
bathari sri widowati ingkang tehtelo mustika-
ning tanah jowo ingkang kepareng lenggah
ono negoro ngamarto murca soko ing paleng-
 gahan… kwi tethelo bakal dadi penguripane
sadengah titah mongko oncat soko paleng-
gahan,, bener yen to siro dinuto klawan pun
romo raden janoko.. prabakusuma..

prabakusuma :wonten dawuh eyang…

btr. indra :kwi ojo mbok anggep yen to pancen kwi duka-
ne keng romo, kwi pamecuthing diri supoyo
siro luwih dewoso, roso pangrasamu. pancen
dadi putro madukoro kuwi ora gampang…

prabakusuma :nuwun inggih kanjeng eyang…

btr. indra :mulo kang soko kwi golekkana,, mengko sak

durung e siro jumangkah, kwi sowan ono karo
poro punokawan, ki lurah semar nolo gareng
petruk bagong kwi kanthinen… kwi bakal biso
momong klawan jeneng siro lan siro bakal
btr. indra :kinayoman deneng kaki bodronoyo

prabakusuma :kawulo nuwun inggih kanjeng eyang

btr. indra :kajobo soko iku, siro dak kantheni klangenan

ulun, wujud garudha kang aran garudha
winantyo… garudho winantyo..

G. winantyo :wonten dawuh pukulun

btr. indra :awat-awatono gustimu prabakusumo, mbok
menowo yen ono rubedaning laku

G. winantyo :nuwun inggih, nedya ngestokaken dawuh

poduko pukulun…
btr. indra :wis ngger,, kuwe tumuli budhalo, iki mengko
siro bakal tak paringi ancer-ancer. pun kaki
mengko bakal nglepasake wujud e teken kang
aran teken wuluk gadhing, endi, tibane teken
wuluk gadhing kwi mau yo kuwi papan
dununge mustiko retno, yo bathari sri..

prabakusuma :kawulo nuwun inggih mnawi tethelo mekaten

eyang… kulo nyuwun tambahing berkah
pangestu

btr. indra :yoo.. tak awat-awati soko gegono, mengko

bakal tak lepasake yen to wis tumeko kolo
mangsane teken wuluk gadhing

prabakusumo :inggih kulo esthokaken dhawuh paduko eyang

btr. indra :garuda winantyo,, mongso butuho, mongen

prabakusumo…
G. winantyo :inggih pukulun, ngestokaken dhawuh paduko
pukulun

“ gedog cempolo “

“SETRAT. GORO GORO”

omongan terakhir.
petruk :lhoh, kae sopo kae,, kae kyaine semar kok
nderekke cah bagus kok bedhomen sopo kae.
cobo reng munduro sek kene..

“suluk SEMAREKO DEN PRAYITNO… “

gareng :mo.. yaine…

semar :hehh.. opo thole..
gareng :sing diderekke ki sopo mo?

semar :haae…lak hurung ngerti ta kowe,, gareng

petruk bagong lak rung ngerti ta… iki putrane
ndaramu janoko sing mijil ono kahyangan
karang kaendran, putune btr. indro anake
bathari suprobo jeneng e bambang
prabakusuma

petruk :ooo ndoro bambang prabakusumo

semar :ee iyo…

prabakusuma :iyo ki lurah, sejatine aku putrane kanjeng romo

madukoro putro kanjeng romo raden arjuno,,
kekasih ku bambang prabakusuma

bagong :truk…( petruk nyauri “hemm..” ).. ndoro

bambang prabakusuma kok sajakke nggowo
manuk garudha…

petruk :kuwe ki nk omong seru mesti kleru…

bagong :kleru piye..

petruk :manuk ki yo garudha, garudha ki yo manuk,

ngono…

bagong :lhohh.. oo garudha ki yo manuk

petruk :lhaiyo…

bagong :ahh.. ning meso eneng bedhane truk manuk

karo garudho
petruk :ngene,, nk manuk kwi cilik nk garudho kwi
gedhe

bagong :oo.. nk manuk kwi cilik nk garudho kwi gedhe

petruk :ho’oo

bagong :wah, nk ngnono ndekmu kwi garudho yo truk

petruk :tuthuk watu lambemu kw ngkoo,, mrono-

mrono ra

prabakusumo :kyai semar…

semar :eee.. kulo gus..

prabakusumo :iyoo.. kyai, dawuh pangandikane kanjeng eyng

yen to dino iki aku kinen ngupadi mustiko
retno ingkeng murco soko ing palenggahan…
manut soko panemu ne kyai bodronoyo kwi
sopo wo

semar :ngaten… menawi mboten klentu mustiko retno

engkang ical soko palenggahan, meniko inggih
widodari, namung,, widodari saking kaswargan
ingkang sesilih bathari sri widowati, niku dewa
ning rejeki yo dewaning pangan, saget dipun
westani dewaning pari… namung kemawon
papan dunungipun dinten meniko cumondok
wonten pundi, meniko engkang dereng cetho

prabakusuma :kyai semar…

semar :ee kulo…
prabakusuma :wanti-wanti dawuh pengendikane kanjeng
eyang bakal nglepasake pusoko teken wuluk
gading… iki mengko tekan wuluk gading kwi
ono ngendi temancepe mbok menowo iki
papan dununge

semar :ooo ngaten

prabakusuma :iyoo…

semar :e ha inggih.. menawi mekaten dienthosi mwon,

mugi-mugi tumunten dipun lepasaken pusaka-
ne keng eyang btr. indra

“Pocapan”

“ KEBAT KOYO KILAT, KESIT KOYO THATIT LUMARAPING

TEKEN WULUK GADING. SAK NGINGGILING BAMBANG
PRABAKUSUMA SMLET SUARANE AKARYO KAGYAT
JRONING PENGGALIH “

“ gedog sampak “

G. winantyo :raden prabakusumo…

prabakusuma :opo garudho winantyo

G. winantyo :kulo mboten pangkling lan kulo mboten supe,

sumiyet swanten meniko wau, lhainggih
meniko lumaraping teken wuluk gading
sampun ngantos ketebihen,, tumunten dipun
lacak kemawon wonten pundi dhawahipun..
prabakusuma :iyoo yen to pancen koyo ngono ayo, poro
punokawan tut no laku jantraku…

semar :hahh.. inggih, inggih,, monggo gus…

“ gedog srepeg “

“ PERANG KEMBANG “
KET. PRABAKUSUMA LAN CAKIL

cakil :hooitt.. ladhalah.. mandek mandek ono satriyo

bagus ngaglah lakuku sopo jenengmu ono
ngndi pinangkamu mumpung durung mati
tanpo aran guss…

prabakusuma :tambuh klawan aku probokusumo kang dadi

aranku.. balik sopo aranmu

cakil :wadyo ing ujung gribik, jenengku detyo kolo

sangkirno janggi

prabakusuma :sangkirno janggi..

cakil :iyoo… sumadyo lumaku menyang ngndi guss..

prabakusuma :ngetutake krenteg ing ati jumangkahing

sukudeping netra

cakil :ora keno mbacut, kudu balii.. kudu balii..

prabakusuma :entuk mbacut, ora entuk rudo pekso

cakil :wani karo aku

prabakusuma :apamu sing tak wedeni..

cakil :oiiitt.. ladhalah.. ora keno digawe bacik, leno

pangendamu sabetke kupudo rangsang
kuwandamu guss….

“ gedog cempolo “

STRAT NILATATSAKA GANDRUNG BATHARI SRI

ket. nilatatsaka gandrung, arp diruda paripekso diantem
prabakusuma

nilatatsaka :nimas pendoro wong ayu sing koyo godong

tunjung netrane. nadyanto jagat iki ginelar,
sumebar wong ayu ingkang prasasat koyo
widodari ndarat..
nanging nyatane sing biso ngegem jantungku
yo mung kowe bathari sri hm… kowe nolak
katresnane nilatatsaka arep golek sing rego
piro.. yen kowe gelem ngladeni klawan aku,
bakal e nyokrowati mbau dendo mukti wibowo
ra tibo ono ing padascuri, nanging bakale tibo
empuk ono ing kasur babut… mergo nadyan
koyo ngopo lan kepiye panjenenganingsun
mbesuk sing bakal gumanti noto,, lenggah ono
ing dampar keraton ujung gribik kene… mulo
kang mangkono wong ayu,, moro gage
sawangen pun kakang, yen ndok tamatake
wiwit pucuk rambut nganti jempol sikil.. kuwe
mengko mesthi bakal kedanan kro nilatatsaka

“ gedog sampak “
bathari sri :nilatatsaka wong kang koyo kowe. cetho
lamunto kowe anak ratu ingkang ora keno
ginawe becik… anggonku mapan ono ing
negoro ujung gribik kene, dadi lantaran subu
ring bumi… kowe ora ngaturake panuwun
marang aku parandene malah murang toto
ninggal totokromo,, gawe kiduhing batenku,
sepisan jiwe tak elikkake wis dadi sumpahing
bathari sri… yen nganti kowe nyenggol
busanaku bakal tak obong, kowe nyenggol
kulitku bakal tak beset. tinimbang leladi
klawan dedhapuranmu luwih becik tak
enthengke patimu…

nilatatsaka :yen ngono kowe ora keno ginaryo becik. wong

sabar ki ono watese, panodya krubyuk kabotan
tinjung. nyandi parang tetbangan tak gendong
kowe…. “ gedog sampak “
ket. nilatatsaka gudak btri. sri… ngoyak btri. sri
diantem prabakusuma

nilatatsaka :setan alas… wani nglemah bengkah nyelo-

nyelo nyaru-nyauwus… bocah wingi sore
sopo kuwe..

prabakusuma :tambuh marang aku, atmajane kanjeng romo

arjuno ing madukoro jenengku bambang
prabakusuma.

nilatatsaka :aku ora nduwe perkoro karo dhapurmu..

prabakusuma :nadyan ora nduwe perkoro klawan aku,,

pakartimu anggen mu nggunjak klawan piyayi
putri, cetho lamunto nuduhake kanisthaning
 batinmu..

nilatatsaka :kuwi dudu perkaramu,, kowe nyingkiro, kowe

balio, mumpung nilotatska isih gedhe
pangemanku klawan kowe

prabakusuma :janji kowe ora leren anggen mu ngganggu

gawe sang bathari sri,, ono anak ratu sing tak
gawe pengewan-ewan

nilatatsaka :gibeng, dengkleh-dengkleh prabakusuma…

“ gedog sampak “

KET. NILATATSAKA KLAWAN PRABAKUSUMA PERANG KERIS

NILATATSAKA KALAH, NILATATSAKA MALIK DADI NAGA

“ Pocapan “

NADYANTO LAMBUNGE KABRABAT DENING CURIGO,

PARANDENE DERENG MUNDUR NENGGIH SANG
NILATATSAKA. SADAKEP SALUKU TUNGGAL NUTUPI
BABAHAN HOWO SONGO.. MANGKONO ONO KAELOKAN
ILANG SIPATE SATRIYO NENGGIH SANG NILATATSAKA, JLEK
DADI WUJUDE NOGO SAK GLUGU GEDHENE..
“ gedog sampak “

ket. prabakusuma kalah karo ulo. garudho maju ulo kalah, mundur..

WOS prabakusuma bakal boyong bathari sri

prabakusuma :sembah pangabekti kulo kunjuk sang bathari

sri widowati…
bathari sri :iyo wis dak tompo gawe bombonging roso,
pangestu ku moro gage tampanono

prabakusuma :inggih,, gurawelan anggen kulo mundi mugi

andhadosaken jimat..

bathari sri :jeneng siro kwi sopo lan soko ngendi..

prabakusuma :inggih, dipun wanuhaken kulo meniko atmaja

nipun kanjeng romo arjuno saking madukoro
nami kulo pun prabakusuma..

bathari sri :banget panarimaku dene kuwe dadi lantaran

aku luar soko beboyo kanisthaning nilatatsaka.

prabakusuma :inggih.. kulo sowan wonten ngarso paduko

meniko yektosipun dipun utus dening kanjeng
romo arjuno supados amboyong dumateng
paduko kondur dateng negari ngamarta…

bathari sri :mbok menawa pancen negoro ngamarta

ingkang trap dak lenggahi mergo sak wuse
bumi iki tak ubengi, kabeh hawane panas yo
mung ngamarta ingkang biso nentremake
batin… mulo kang mangkono bambang
prabakusuma, kowe ndisikono laku bali mring
ngamarta,, maturo karo pepunden mu poro
pandowo ora suwe maneh, ulun bakale bali
ono negoro ngamarto nanging sarate,, kabeh
poro wargo ngamarto kudu bali marang jati
diri, ora keno ngiwakake kinen jeneng e
budoyo lan adat… kabeh kudu ngrangkul,
kabeh kudu nindakake minongko tondo sukure
 marang hywang agung,, mengko lamunto ono
tengoro udan riwis-riwis, angin ambandhang
mowo gondo ingkang wangi,, kuwi minongko
pertondo lamunto, aku wis bali ono projo
ngamarto prabakusuma

“ gedog sampak “

STRAT NILATATSAKA LAN MERAK KASIMPIR.

nilatatsaka :whoo romo… kanjeng romo, pejah kulo romo

mboten nyono kados ngaten lelampahan kulo
romo…

M. kasimpir :nilatatsaka… kowe bola bali lak wis tak

kandani kuwe oj cluthangan ojo colowentah
karo bathari sri widoati,, tiwas negoro panjang
gribik kelangan mustiko mergo soko patrapmu

nilatatsaka :hahduh… kulo nyuwun biantu romo…

M. kasimpir :ora sudi,, kowe ki anak ning mulang sarak…

opo paedahe aku mbiantu kro kowe

nilatatsaka :haduhh.. mnopo kulo mboten saget bali kados

wingiuni…

M. kasimpir :kui kudu mbok trimakake nilatatsaka,, kowe

diparingi urip, kowe bejo… ora pedhot pethit
mu kwi kowe wis bejo…

nilatatsaka :lajeng kulo kados pundi pukulun.. romo, romo

pukulun poduko menika sesembahan kulo
romo
M. kasimpir :ora usah aku mbok dewak-dewakke… arepo
dikoyo ngopo lan kepiye kowe sing doso, kowe
kudu njaluk pangapuro klawan bathari sri…
aku yo ora bakal biso pisah karo bathari sri,,
nanging jroning atiku aku ora kepingin bakal
garwo, ning aku kepingin melu ngrekso kro
ywang bathari sri widowati mbuh piye
rekodayaku…

“ gedog sampak “

nilatatsaka :wuhh.. ora ngiro babar pisan ntek-ntekane

koyo ngene lelakonku, wuhh.. pancen abot
sanggane… yooo,, nadyan aku ora klakon
garwo bathari sri, nanging aku tetep biso
caket kro ywang bathari sri,, ngiras pantes
kanggo ngetokake darmo bektiku supoyo
nebus doso kaluputanku… mbuh piye rekada-
yaku supoyo aku biso sesandhingan karo
ywang bathari sri widowati…

“ gedog sampak “

WADYA BALA HAMA TIKUS JINADA LAN DETYA KALA

WRAHA LAN CELENG DEMALU

tikus jinada :hee celeng demalu..

celeng :wonten timbalan ingkang adawuh

jihmaga :wonten timbalan engkang adawuh…

tikus :kowe krungu kabar opo krung reto sing kepiye,
sak jroning gunung cumbri kadipaten gunung
cumbri.. paribasan koyo wis kelangan kiblat
adipati tikus jinada yo panjenenganingsun,,
poro wadyo balaku bangsaning homo ora
entuk pangan.. endi sing kiro-kiro dino iki
ono pari lemu..

celeng :haduh sinuwun… miturut kabar kang sumebar

pawarto kang waroto,, bathari sri sampun
kundur wonten negari ngamarto

tikus :yen to pancen koyo mangkono, celeng demalu

lan kabeh poro wadyabala tikus lan bangsane
hama,, kirapno,, kerit lampit brungkat kimpul
tikus :gajaglar singo barong, ditebon negoro ngmrto,
yen perlu tandurane dirusak..

celeng :suwawi kulo derekaken…

STRAT KRESNA WEKUDARA HARJUNA KETEMU

PRABAKUSUMA.
KET. BUTO GEDHE NGAMUK

kresna :yen ora kleru iki prabakusuma..

prabakusuma :inggih, wo prabu dworowati sembah kulo katur

wo…

kresna :iyoo, wus dak tompo,, kepiye kabul wusanane

naliko semono kowe netepi darmo
kekudhangane wong tuamu panengah
pandawa.. piye prabakusuma…
prabakusuma :inggih.. awit saking panjurung pangestunipun
poro pepunden kulo klampahan manggehaken
sang bathari sri ingkang lenggah mapan
wonten ing taman sari negari panjang gribik..
nanging kawontenanipun meniko sanget
prehatosaken kareno dipun rudo paripekso
dening nilatatsaka putra ratu saking panjang
gribik… kulo mbudidoyo nderek nentremaken
wasono andhadosaken renaning penggalih
sang bathari sri…
panjenenganipun badhe kondur dateng negari
ngamarto,, ewodene saratipun sedoyo poro
wargo ngamarto kedah wangsul dateng jati
diri, ampun ngantos nilaraken dumateng
budayanipun…

semar :haaa.. kulo condong kulo rumojong,, yen

bathari sri kepingin krasan mapan wonten
bumi ngamarto ojo nganti ninggalake adat
lan budoyo… malah sing luweh apek meneh
niki adate niku sampean le nganakake sukur-
an deso niku rong taun pisan, wiwit niki kudu
apik e setaun pisan… men bathari sri niku
jenak pinarak tentrem krasan wonten ing mriki
dadi lantaran saking gusti akaryo jagat, subure
bumi ngamarto mriki

prabakusuma :dene engkang minongko pertondo kunduripun

ywang bathari sri,, menawi wonten udan
riwis-riwis, sarto angin ingkang anggondo
arum meniko pertondo kunduripun sang
hapsari kolowau..
“ gedog sampak “
kresna :kok yo koyo diperintah kakang semar, ketitik
udan riwis-riwis.. angin mbandang anggondo
arum..

semar :nggeh.. tegesipun sri mpun mulih, mpun

mboten MINGGAT malih…

kresna :ngono yo kakang

semar :nggih… kulo sawang niko tumuju wonten

negari ngamarto lan sak nuswantoro,
jumujuk wonten ing dusun …

kresna :mugo-mugo tetep jenjeng permanem lenggah

ono kene ndayani poro kawulo gemah ripah
loh jinawi kerto toto lan raharjo… lhoh,
werkudara…

werkudara :opoo..

krena :buto gedhene sak gunung sopo kae,, ndang

dibarke werkudara…

“ gedog sampak “

M. kasimpir :hehehe… ono pawongan gedhe duwur ngaglah

lakuku sopo iki…

werkudara :waahh… satriyo njodipati raden werkudara

balik takon kowe sopo
M. kasimpir :aku ratu negoro panjang gribik jenengku
prabu gembung tanpo sirah yo prabu merak
kasimpir…

werkudara :ono wigati opo mlebu wewengkon ngamarto

M. kasimpir :aku duwe sedyo kepingin sisane uripku bakal

tak sramakake marang bathari sri mergo
wis setaun mapan ono prajaku dadi lantaran
suburing bumiku… moro gage aku larapno
sowan ono ngarsane sang bathari sri aku tak
ngaturke panuwun kro bathari sri…

werkudara :buto betah buteng aniyoyo watakmu mesthi

angkoro murko,, ojo ganggu gawe tentreming
ngamarto, kowe minggato..

M. kasimpir :aku mung jaluk wektu sedelo wae kanggo

sowan bathari sri he werkudara..

werkudara :ora keno, kudu minggat

M. kasimpir :wahh.. gigit siung pengapit pedyot gulumu

parat…

“ gedog sampak “

KET. MERAK KAKSIMPIR MATI DADI KAYU TOWO

kresna :werkudara..

werkudara :jlitheng kakangku opo

kresna :mungsuhmu ki mau sopo.

wekudara :ratu panjang gribik prabu merak kasimpir

kresna :mbok kapakke ki mau

werkudara :tak sabetke ening bumi ilang wujude buto,,

dadi kayu glundhungan semono gedhene..

kresna :ngertio kwi jenenge kayu towo, nadyanto kayu,

nanging ugo ono gandan arum… mau karepe
arep opo..

werkudara :kepengen ngaturke panuwun karo bathari sri

kwi jarene bathari sri wis mapan ening negara
ne panjang gribik,,

kresna :ooo ngono

werkudara :iyoo

kresna :yowiss,, saiki ngene, kayu towo sing gandane

arum iki gawanen pasrahno karo wong karang
pradesan… kanggo ganjel lumbung wadah pari

werkudara :pamrihe

kresna :pamrihe pari kui mau yen to ono lumbung

diganjel kayu towo, watekke omo ora gelem
nyedhak..

werkudara :oo mengkono

kresna :iyoo…

werkudara :yoo, yen pancen koyo mengkono tak pasrahke

 karo poro kawulo.. “ gedog sampak “
KET. TEKANE NILATATSAKA ( ULO )

kresna :iki ono wujude ulo ingkeng prapto siro iku

mau sopo..

nilatatsaka :sinuwun,, kulo menika putranipun kanjeng

romo prabu merak kasimpir ingkang sudi
amastani kulo pun nilatatsaka…

kresna :nilatatsaka..

nilatatsaka :inggih..

kresna :karepmu..
nilatatsaka :rikolo semanten kulo meniko gandrung klian
ywang bathari sri… eng pengangkah badhe
kulo wengku garwo nanging ketingalipun kulo
kesiku kalian gusti murbeng dumadi.. milo
kulo badhe nyuwun pangapunten,, kulo
kepingin sanget ngaturaken pangapunten,
nyuwun pangapunten kalian ywang bathari sri
widowati.. lan kulo dipun printah menopo
kemawon kulo nderek.

kresna :oo mengkono

nilatatsaka :inggih sinuwun…

kresna :yowis,, kuwe kepingin caket karo bathari sri

ta…

nilatatsaka :kawulo nuwun inggih…

kresna :dino iki kuwe tak pasrahi prakaryan, hayo..
omo kae ntekno, kabeh omo sing gawe rusak
ing tanduran, sng bakal gawe rusak tanduran
pari-pari lan sak panunggalane,, bangsaning
tikus bangsaning celeng kae rampungono..

nilatatsaka :sendika ngestokaken dawuh

“ gedog sampak “

PERANG ULO KLAWAN BANGSANING OMO

tikus jinada :keparat.. eneng ulo ngadang dalan sopo kuwe

nilatatsaka :takon karo aku nilatatsaka..

tikus jinada :lhohh… raden nilatatsaka…

nilatatsaka :iyo jinada kuwe arep ngopo..

tikus jinada :whloh.. lhakok malah kowe ngewangi pendowo

nilatatsaka :soko gedhene katresnanku klawan bathari sri..

aku diwenangake ngrekso marang
katentremane ywang bathari sri.. aku kudu
mapan ono tengahing sawah, mulo becik kowe
balio…

tikus jinada :lhohh.. kok gampang men hmm… timbang

ndedelen pripat gae wirang, luwung nyingkiro
kowe nilatatsaka…

nilatatsaka :ora keno, kudu bali

tikus jinada :keparat…
PERANG ULO LAN OMO,, OMO KALAH, MUNDUR

SUKUR DONGA PENDAWA, KRESNA, BALADEWA,

PRABAKUSUMA, LAN KYAI SEMAR

kresna :yayi samiaji…

puntadewa :wonten timbalan ingkang adawuh kokoprabu

kresna :awit saking sihieng gusti, matedhakaken

inggih menika sawung ingkang mithayani
putra madukara.. ingkang naminipun
prabakususma putranipun bathari supraba
wayahipun pukulun sang hyang bathara indra..

puntadewa :mekaten kakaprabu…

kresna :inggih, kados sampun sak trepipun karono,

prabakusuma meniko putranipun bathari
supraba menika inggih mantasaning widodari
.. tethelo mustiko kolo wau mboten wonten
malih kejawi namung bathari sri dewaning
rejeki inggih dewaning pangan.. ingkang kolo
semanten oncat saking negari ngamarto… yayi
namung awit saking keparenging gusti dinten
menika sampun kepareng kondur dumateng
negari ngamarto…

puntadewa :aduh kanjeng kokoprabu sukur mangayu

bagyo, putraku ngger prabakusuma..

prabakusuma :wonten dawuh kanjeng wo prabu

puntadewa :puji sukur ono ngarsaning gusti ingkang
akaryo jagat,, gedhe labuh labetmu ono
pepundenmu poro pandawa..

prabakusuma :inggih kanjeng wo prabu.. kasinggihan dawuh

paduko

puntadewa :yayi semar..

semar :eeehh.. kulo..

puntadewa :panjenenganingsun ngaturake panuwun kang

tanpo pepindan arepo dikoyo ngopo lan kepiye
momonganmu bambang prabakusuma biso
ngentasi karyo..

semar :eee inggih, inggih sinuwun.. sinugroho ing

gusti awit soko tigen mugening panembah, lan
poro wargo anggen ngaturaken sujud sukur
manunggaling raos lan batos anggenipun
ngawontenaken, wilujengan ingkeng
kaprahipun sinebat bersih dusun utawi merti
deso, utawi sedekah bumi… samangke sang
bathari sri sampun mapan wonten ing nagari
ngamarta, jenak pinarak wonten ing ( … )
tegesipun mugi handayani rampunging
pahargyan ing sonten meniko,, sedoyo poro
wargo ingkeng lenggah wonten ing ( … )
tansah manggih hayu lan rahayu turah browah
lan berkah ingkang dados rejeki nipun.. dene
kulo semar ingkang ngayahi wajib, rumaosi
kathah ing reh kalepatanipun, milo nyuwun
gungging samudra pangaksami.. wasono
akhirul khalam, wassalamualaikum
 warahmatullahi wabarokatuh…
“ gedog sampak “

KET. SEMAR BUBAR ANGGONE DEDONGA. WERKUDARA

METU, TAYUNGAN…

TANCEP KAYON