João Pessoa
| João Pessoa | ||
| ||
| Kelk imaji pri João Pessoa. | ||
|
| |
| Standardo | Blazono | |
| Lando: |  Brazilia
| |
| Stato: | Paraíba | |
Informo:
| ||
| Fondita ye: | 5ma di agosto 1585 | |
| Latitudo: | 7°09'28"S | |
| Longitudo: | 34°45'54"W | |
| Altitudo: | 40 m | |
| Surfaco: | 210 km² | |
| Habitanti: | 825 796[1] (2021) | |
| Denseso di habitantaro: | 3931,5 hab./km² | |
| Disto de Brasília: | 2 230 km | |
| Horala zono: | UTC-3 | |
| Urbestro: | Cícero Lucena (PP, 2021 – 2024) | |
Mapo:
| ||
| ||
Oficala retosituo:
| ||
| www.joaopessoa.pb.gov.br | ||
João Pessoa esas chef-urbo e maxim populoza urbo de Braziliana stato Paraíba. Ol esas la 8ma maxim populoza urbo de la Nord-estala regiono e la 23ma maxim populoza de Brazilia. Lua metropolala regiono havis 1.253.930 habitanti en 2016. Ol anke konocesas quale "la urbo ube la suno levas unesme", pro la maxim orientala punto de Sud-Amerika, Ponta do Seixas, jacar en ol.
Nun, la maxim importanta ekonomial agadi di João Pessoa esas turismo - nome en lua plaji -, komerco e servadi. Lua portuo jacas an vicina urbo Cabedelo. Ol judikesas kom un ek la urbi de la Nord-estala regiono di Brazilia kun la maxim bona vivo-qualeso.[2] L'internaciona organizuro International Living judikis ol kom un ek la maxim bona urbi por vivar pos profesionala retreto.[3]
Historio
João Pessoa esas la 3ma maxim anciena urbo di Brazilia. Ol fondesis ye la 5ma di agosto 1585, kun la nomo Cidade Real de Nossa Senhora das Neves, pose ribaptita Filipeia de Nossa Senhora das Neves en 1888, homaje rejulo Felipe la 2ma di Hispania, qua lor ank esis rejulo di Portugal. Ante ke la urbo fondesis, Portugalani konstruktis fuorto São Filipe en la nuna urbo Santa Rita probante defensar la regiono, ma pos ataki da indijeni Tabajara e da Franci, la fuorto abandonesis.
Katolika ordeni - Franciskani, Benediktani, Karmeliti - arivis al urbo poke pos lua fondo e konstruktis kirki e monakeyi. En decembro 1631, [[Nederlando|Nederlandani probis konquestar la urbo, sensucese. Li itere atakis sensucese en februaro 1634. Erste dum lua triesma atako, ye la 24ma di decembro 1634, li sucesis kaptar la urbo. Lua habitanti migris a la vicina ruro. Nederlandani ribaptis ol Frederikstad.
Kande l'invado eventis, l'urbo havis cirkume 1500 habitanti e 19 fabrikerii di sukro, la maxim multa ek li konfiskesis dal Nederlandani. Franciskani ekpulsesis de lua monakeyo, qua transformesis en fuorto. Erste en 1637 Portugalani agnoskis Nederlandana dominaco en la regiono, tamen en 1645 komencis revolto kontre Nederlandana dominaco. L'unesma milito Angla-Nederlandana, eventinta en Europa de 1652 til 1655, desfaciligis Nederlandani sendar trupi a la Nord-estala regiono di Brazilia e febleskis lua dominaco ibe. Nederlandani kapitulacis ye la 26ma di januaro 1654, ed abandonis Frederikstad en ruini.
En 1817 ol rinomizesis Parahyba. Pos 1930, ol recevis la nomo di João Pessoa, ex-guvernisto di Paraíba, asasinita en 1930.
Referi
- ↑ João Pessoa - Autoro: IBGE. Publikigita da ibge.gov.br. Dato di publikigo: 1ma di julio 2021. URL vidita ye 28ma di agosto 2021. Idiomo: Portugalana.
- ↑ João Pessoa é uma das cidades mais arborizadas do mundo - Publikigita da Jornal do SBT. Dato di publikigo: 29ma di decembro 2016. URL vidita ye 29ma di decembro 2016. Idiomo: Portugalana.
- ↑ João Pessoa está entre as melhores cidades do mundo para se aposentar - Idiomo: Portugalana.