Betri samgöngur

Betri samgöngur er opinbert hlutafélag í eigu íslenska ríkisins og sex sveitarfélaga á höfuðborgarsvæðinu, Reykjavíkur, Kópavogs, Hafnarfjarðar, Garðabæjar, Mosfellsbæjar og Seltjarnarness. Fyrirtækið var stofnað 2. október, 2020 með það hlutverk að hrinda í framkvæmd uppbyggingu samgönguinnviða í samræmi við Samgöngusáttmála höfuðborgarsvæðisins sem felur í sér sameiginlega framtíðarsýn og fjárfestingar í samgönguframkvæmdum til fimmtán ára. Stjórnarformaður félagsins er Árni M. Mathiesen, frv. fjármálaráðherra og framkvæmdastjóri er Davíð Þorláksson.