Wikipédia:Wiki Mrebawani

edit 

Kaca Utama • Ayahan • Panumpukan • Pambiji • Pitakon • Besutan

Wiki Mrebawani kuwi cekakan saka Wikipédia Mangreksa basa Jawa lan Mumpuni. Wiki Mrebawani iki sawijining kridha (aktivitas) tetandhingan sing mangku ancas mangreksa lan nguri-uri basa Jawa sarana tulisan lan rupamadya (multimedia) jroning kaca Wikipédia basa Jawa. Cara Jawané, mangreksa mangku teges 'miara' lan mumpuni mangku teges ‘linuwih’.

Kridha iki digawé kanthi rupa tetandhingan jroring (online) awujud tataran. Kajaba mangreksa basa Jawa, kabèh panyarta uga bakal sinau urip guyub, mbangun pasrawungan, lan nyambut gawé bebarengan ing Wikipédia iki. Saben tataran mengko ana bebungahé kanggo panyarta. Kayata dolanan jroring liyané, saben panyarta bisa lulus bisa ora. Yèn ana kadadèn panyarta ora lulus, panyarta kuwi kudu mbalèni manèh saka tataran nalika dhèwèké wurung lulus. Cara mangkéné dianggo supaya akèh panyarta bisa kalebu. Kanthi mangkono, kridha iki bisa langgeng. Tetandhingan Wiki Mrebawani iki bakal wiwit surya 01 Oktober 2015 nganti surya 31 Maret 2017.

Tetandhingan Wiki Mrebawani kabèh lumaku kanthi jroring ana ing kaca Wikipédia basa Jawa. Kabèh kagiyatané panyarta tetandhingan iki diwasi déning panitya. Tetandhingan iki ancasé nggawé lan mbangun pasrawungan srana paguyuban panganggit lan pangrembaka tulisan-tulisan ènsiklopédhis basa Jawa. Jalaran Wikipédia jembar cakupané sing bisa ditulis, mula kanthi nulis topik apa waé nganggo basa Jawa panyarta kridha iki wis padha karo ngrembakakaké basa Jawa. Cara mangkéné ateges basa Jawa diuri-uri. Wusana, akèhé topik sing bisa dirembug nganggo basa Jawa mracihnani basa Jawa sangsaya mèmper ing jaman modèren.

Paugeran

• Jangka wektuning dolanan Wiki Mrebawani iki 18 wulan (1,5 taun) kawit surya 1 Oktober 2015 tekan Maret 2017.
• Dolanan Wiki Mrebawani bisa dièloni sapa waé, kalebu Sampéyan.
• Saben panyarta kudu nduwé akun Wikipédia basa Jawa. Kaca profilé kudu ana isiné (paling ora ana jeneng dawa, surasa cindhek ngenani pawongané lan citra). Manawa durung nduwé akun Wikipédia, bisa nggawé akun ndhisik nyang kéné
• Saliyané kuwi, panyarta kudu nduwé layang èlèktronik (email) lan nduwé nomer tilpun sing urip (aktif) lan panggah.
• Yèn kuwi kabèh ana, lagi bisa ndhaptar dadi panyarta Wiki Mrebawani nyang kaca pandhaptaran iki, banjur entèni paneteping (konfirmasi) panitya.
• Sajroning Wiki Mrebawani, kabèh panyarta kudu nggarap ayahan (tugas) sing ana ing saben tataran. Saben tataran béda-béda ayahané.
• Garapan sing wis dadi banjur ditumpuk nyang kaca panumpukan kanggo dipriksa panitya.
• Anggoné numpuk garapan bisa mbaka sithik, bisa nggarap nyicil disimpen kanggo ditumpuk nyang tataran sing dikarepaké.
• Nanging élinga, garapan sing wis ditumpuk nyang satataran ora bisa ditumpuk manèh nyang tataran liya.
• Aja kawatir, kabèh panyarta sing wis lulus saka saben tataran, bakal langsung éntuk bebungah.
• Sapa waé sing bisa wisudha saka 10 tataran, duwé hak bebungah utama, yakuwi laptop.
• Sampéyan kudu dhisik-dhisikan kanggo ngéntokaké bebungah utama iki, jalaran bebungah utama iki dicumpi (terbatas).
• Saya gelis olèhé wisudha, saya gelis olèhé bebungah utama.
• Yèn Sampéyan telat olèhé ngerti kridha iki, aja kawatir, ora ana sing ora mungkin. Endang mélu waé.
• Wusana, aja wedi klèru.

Panityané

• 
  Vincentius