Gunung Sorik Marapi
 | Artikel iki lagi ingowahan gedhèn-gedhèn 28 Pebruari 2013 suwéné. Saperlu ngéndhani cengkah ing pambesut, panjenengan aja mbesut kaca iki nalika layang iki isih kapajang. Kaca iki pungkasan ingowahan nalika 12:34, 14 Maret 2013 (UTC) (11 taun kapungkur). Panjenengan katuran mbusek cithakan iki yèn kaca iki wis ora kabesut ing dalem sawatara jam. Manawa panjenengan juru pambesut kang ngetrapaké cithakan iki, pesthèkaké panjenengan mbusek cithakan iki utawa nggantèni nganggo {{Lagi kagarap}} antarané mangsa anggoné panjenengan mbesut. |
| Gunung Sorik Marapi | |
|---|---|
| Èlevasi | 2,145 metres (7,037 ft) |
Sorik Marapi inggih salah satunggaling gunung ingkang kalebet dhaérah Taman Nasional Batang Gadis. Miterat cathetan administratip ipun, Gunung Sorik Marapi dumunung ing Desa Sibanggor Julu, Kecamatan Puncak Sorik Marapi, Kabupaten Mandailing Natal, Sumatra Utara,Indonésia. Sorik Marapi inggih kalebet gunung geni ingkang taksih aktif. Dhuwuripun gunung Sorik Marapi inggih kirang langkung 2.145 meter. Titik Koordinat ing pucuk gununginggih punika 0°41' 11" LS lan 99° 32' 13" BT.
Gunung Sorik Marapi punika kalebet wonten ing wilayah Taman Nasional Batang Gadis, ingkang miturut cathetan administratipipun mapan wonten ing Desa Sibanggor Julu, kecamatan Puncak Sorik Marapi. Ing pucukipun gunung Sorik Marapi wonten setunggal dano vulkanik.
Sujarah
Gunung Sorik Marapi punika menawi dipun tingali saking sujarahipun sampun nate njeblug kaping pitu, ing taun 1830, 1879, 1892, 1893, 1917, 1970, 1986 saha ingkang kaping pungkasan ing taun 1987. Ananging ing wekdal sak punika ing taun 2013, Gunung Sorik Marapi ugi nembe aktip malih lan para pendaki sampun boten dipun keparengaken minggah gunung kangge wekdal punika. Nalika ing jeblugan kaping pungkasan, Gunung Sorik Marapi medalaken debu saha lahar panas ingkang ngalir dumugi Kabupaten Pasaman ing Sumatra Barat. Gunung Sorik Marapi punika kalebet gunung ingkang gadhah kategori aktip normal, pramila aktivitas ing gunung punika dipun tingali terus. Pos pengamatan Gunung Sorik Marapi mapan wonten ing Desa Sibanggor Tonga Kecamatan Puncak Sorik Marapi.[1]
Transportasi
Menawi badhe dhateng Gunung Sorik Marapi punika saged dipun wiwiti saking Medan kanthi jalur dharat ingkang betahaken wekdal dangunipun 12 jam kangge nempuh jarak 480 kilometer saking jalur Medan - Panyabungan, ingkang minangka ibu kita Kabupaten Madailing Natal.[2] Saking Panyabungan kedah nitih angkutan pedesaan tumuju Desa Sibanggor Julu, kanthi dangunipun wekdal kirang langkung 20 menit. Desa Sibanggor Julu mapan wonten ing sisih wetan Gunung Sorik Marapi. Ing desa punika saged dipun tumbas sedaya perlengkapan perbekalan ,akdos ta air mineral ngantos biskuit amargi punika desa ingkang kaping pungkasan nyamektakaken sedaya kabetahanipun paendaki. Titik awalipun ndhki saged dipun panggihaken sasampunipun ngliwati perumahan penduduk ingkang dalemipun kanthi atap ijuk kanthi material dinding saha jobin saking kayu. Lan ugi wonten dalemipun warga ingkang boten ngginakaken paku kangge perekat lan namung ngginakaken tali rotan kangge perekatipun.
