Westminster Central Hall

Methodist Central Hall, Westminster

Methodist Central Hall, Westminster iku yasan sing dumunung ing Victoria Street ing kutha London, ing sisihing Parliament Square, lan Queen Elizabeth II Conference Centre lan ngadhep Westminster Abbey. Iki wujud yasan multiguna—minangka gréja Methodis, pusat konferènsi lan pamèran, gladri seni, yasan kantor, lan atraksi turis. Ruang utama yasan iki amot 2,352 kursi.

Sajarah

Central Hall diadegaké kanggo mèngeti sédané John Wesley. Wangunan iki diadegaké ing taun 1912 ing panggonan Royal Aquarium, Music Hall lan Imperial Theatre, sawijining komplèks hiburan wiwit taun 1876 nganti taun 1903. Central Hall naté dianggo patemon pisanan Sidang Umum PBB ing taun 1946. Minangka tandha maturnuwun, Sidang Umum mutusaké mbiayani pangecètan manèh témbok gréja kanthi warna biru enom - cèt mau isih ana, sanadyan wis rada nglothok.

Pranala njaba

• Conference Centre Website
• Methodist Central Hall, Westminster Archived 2016-02-05 at the Wayback Machine.
• The Sanctuary Westminster