გურია ლანჩხუთი (საფეხბურთო კლუბი)

„გურია“ ლანჩხუთი
სრული სახელი	საფეხბურთო კლუბი „გურია“ ლანჩხუთი
დაარსდა	1924; 100 წლის წინ
სტადიონი	ევგრაფი შევარდნაძის სტადიონი; ლანჩხუთი, საქართველო; ; (ტევადობა: 25 000)
პრეზიდენტი	კახაბერ ებრალიძე
მწვრთნელი	გიგლა იმნაძე
კაპიტანი	დიმიტრი ვირუბოვი
ლიგა	ლიგა 3
2023	მე-9

„გურია“ — ქართული საფეხბურთო კლუბი ქალაქ ლანჩხუთიდან. საქართველოს თასის მფლობელი, ასპარეზობს უმაღლეს ლიგაში. საშინაო მატჩებს ატარებს ევგრაფი შევარდნაძის სახელობის სტადიონზე.

ისტორია

გუნდის პირველი სახელი იყო „კიმი“. ის 1924 წელს თბილისის „დინამოს“ მაშინდელმა მწვრთნელმა ანდრო ჟორდანიამ ჩამოაყალიბა. მეორე მსოფლიო ომის განმავლობაში გუნდმა შეწყვიტა ასპარეზობა და აღდგა მხოლოდ 1952 წელს „კოლმეურნეს“ სახელით. გუნდს „გურია“ 1960 წლიდან ეწოდა.

პირველ დიდ წარმატებას 1961 წელს მიაღწია, როცა იგი რესპუბლიკის ჩემპიონი გახდა. ეს მიღწევა გაიმეორა 1966 და 1971 წლებშიც. 1965, 1966 და 1971 წლებში საქართველოს თასიც მოიპოვა, 1973, 1974 და 1977 წლებში ფლობდა შოთა შავგულიძის სახელობის თასს. 1967 წელს „გურიამ“ პირველად იასპარეზა საკავშირო არენაზე B ლიგაში.

1970 წელს B ლიგის დაშლის გამო „გურიამ“ საქართველოს პირველობაზე იასპარეზა, სადაც პირველი ადგილი დაიკავა და მეორე ლიგაში თამაშის უფლება მოიპოვა. „გურია“ მეორე ლიგაში 8 სეზონის განმავლობაში გამოდიოდა. საუკეთესოს შედეგი 1979 წელს ჰქონდა, როდესაც პირველ ლიგაში თამაშის უფლება მოიპოვა. 1986 წელს გუნდმა პირველ ლიგაში პირველი ადგილი დაიკავა და საბჭოთა კავშირის უმაღლეს ლიგაში გადავიდა. 1988 და 1989 წლებში ის ისევ საბჭოთა კავშირის 1 ლიგაში თამაშობდა.

1990 წლიდან „გურია“ საქართველოს უმაღლეს ლიგაში ასპარეზობდა. „გურია“ პირველი გუნდი გახდა, რომელმაც ახლად დაარსებული საქართველოს საფეხბურთო თასი მოიპოვა 1990 წლის სეზონში. გურია სტაბილურად ასპარეზობდა საქართველოს ჩემპიონატის უმაღლეს ლიგაში 1999 წლამდე. ამის შემდეგ გუნდის დაღმასვლა დაიწყო 2000-01 წლებში კლუბი შეუერთდა თბილისი ლოკომოტივის "ბ" გუნდს და დაერქვა სახელით "გურია-ლოკომოტივი ბ".

1999 წლიდან გუნდი საქართველოს ჩემპიონატის პირველი ლიგის მონაწილეა. 2008 წლიდან მას „გურია-2000“ ლანჩხუთი ეწოდება. ბოლო პერიოდის საუკეთესო სეზონი 2001-2002 წლები იყო, როცა გუნდი უმაღლეს ლიგაში თამაშობდა, ხოლო საქართველოს თასის გათამაშებაში 1/4 ფინალს მიაღწია.

2013 წლიდან „გურია“ დაბრუნდა უმაღლეს ლიგაში, ბათუმის „დინამოს“ ნაცვლად.

სტადიონი

მთავარი სტატია: ევგრაფი შევარდნაძის სტადიონი.

გუნდი საშინაო შეხვედრებს მართავს ქალაქ ლანჩხუთში, ევგრაფი შევარდნაძის სახელობის სტადიონზე.

1986-2012 წლებში ეს სტადიონი ტევადობის მიხედვით საქართველოში მესამე იყო და ძველი სტანდარტით 22 000 მაყურებელს იტევდა. 2012 წელს დაიწყო სტადიონის რეკონსტრუქცია. მოინგრა დასავლეთის და ჩრდილოეთის ტრიბუნები, რის გამოც სტადიონის ტევადობა 10 000-მდე შემცირდა.

მშენებლობა

ომამდე სტადიონის ტერიტორიაზე მხოლოდ კომისარიატის შენობა იდგა. 1946 წელს ამჟამინდელი სტადიონის ტერიტორიაზე პირველად მოეწყო შესაფერისი მოედანი. მოგვიანებით ხის ნაგებობა კაპიტალური შენობებით შეიცვალა და ამასთან ერთდ იცვლებოდა სტადიონის ტევადობაც. თავიდან 5000 მაყურებელს იტევდა,შემდეგ 7000-მდე გაიზარდა და ბოლოს 10 000-ს გადააჭარბა. ნათელი გახდა, რომ რაიონი ფეხბურთით სუნთქავდა.

მას შემდეგ რაც გურია უმაღლეს ლიგაში აღზევდა, ცხადია არსებული ნაგებობები მოთხოვნებს ვერ აკმაყოფილებდა. საქართველოს მთავრობამ მიიღო დადგენილება ლანჩხუთის გურიას ფეხბურთელთა გუნდის მატერიალურ-ტექნიკური ბაზის გასაახლებლად დამატებითი ღონისძიებების შესახებ. ამ დადგენილებებით გათვალისწინებული იყო ფეხბურთის ცენტრალური სტადიონის სპორტული კომპლექსის, სოფ. გრიგოლეთის სასწავლო-საწვრთვნელი ბაზის რეკონსტრუქცია და კეთილმოწყობა.

კომპლექსის მშენებლობა დაიწყო 1987 წლის 1 იანვარს და დამთავრდა იმავე წლის 2 მარტს. სტადიონის ტევადობა საგრძნობლად იქნა გაზრდილი და ახლა იგი 22,000 მაყურებელს იტევდა.

რეკონსტრუქცია

გაკეთდა აღმოსავლეთის ტრიბუნის კოსმეტიკური რემონტი. შეიცვალა მინდვრის დრენაჟი და საფარი, რომელიც გუნდს საქართველოს ფეხბურთის ფედერაციამ გადასცა. გაკეთდა ბორდიურები, შეიღება ღობე. ასევე რეკონსტრუქცია ჩაუტარდა სათადარიგო მოედანს და იქ განლაგებულ კლუბის ინფრასტრუქტურას. სტადიონის რეაბილიტაციის მეორე ეტაპი ამჟამად უსახსრობის გამო შეჩერებულია.

კლუბის მიღწევები

საქართველოს საბჭოთა ჩემპიონატი:
- პირველი ადგილი: 1961, 1966, 1971
- მეორე ადგილი:1960
საქართველოს უმაღლესი ლიგა:
- მეორე ადგილი:1990, 1991,
საქართველოს თასი:
- პირველი ადგილი: 1990
საქართველოს საბჭოთა თასი:
- პირველი ადგილი: 1965, 1966, 1971,
შოთა შავგულიძის სახელობის თასი:
- პირველი ადგილი: 1973, 1974, 1977
კოლმეურნეობის მთავარი საბჭოს თასი:
- პირველი ადგილი: 1958
საბჭოთა პირველი ლიგა:
- მეორე ადგილი: 1986, 1989
საბჭოთა მეორე ლიგა:
- ჩემპიონი: 1976, 1979
- მეორეადგილოსანი: 1968, 1969, 1978
პირველი ლიგა:
- ჩემპიონი: 2001, 2013
- მესამე ადგილი: 2012
მეორე ლიგა:
- მეორე ადგილი: 2008

შემადგენლობა 2014/2015

მონაცემები ზამთრის სატრანსფერო ფანჯრისას.

შენიშვნა: დროშა აღნიშნავს ეროვნულ ნაკრებს რომელიც განსაზღვრულია ფიფა-ს წესებით. მოთამაშეები შესაძლოა რამდენიმე ფიფა-ს არაწევრ ქვეყანას/ტერიტორიას მიეკუთვნებოდნენ.


№	პოზიცია	ქვეყანა	მოთამაშე
1	მეკარე	საქართველო	მიხეილ გოგუაძე
4	მცველი	საქართველო	ბიძინა ცინცაძე
5	მცველი	საქართველო	ჯემალ გოგიაშვილი
7	ნახევარმცველი	საქართველო	ალექსანდრე კოშკაძე (კაპიტანი)
8	ნახევარმცველი	საქართველო	ალექსანდრე რეხვიაშვილი
9	ნახევარმცველი	საქართველო	ვანო წილოსანი
10	ნახევარმცველი	საქართველო	ტარიელ კუკულაძე
12	მეკარე	საქართველო	ვლადიმერ ზუხბაია
13	ნახევარმცველი	საქართველო	კობა შალამბერიძე
17	მცველი	საქართველო	ნიკოლოზ ხარაბაძე
19	თავდამსხმელი	საქართველო	ვაჟა მათიაშვილი
21	ნახევარმცველი	საქართველო	ალექსი ბენაშვილი
22	ნახევარმცველი	საქართველო	ერეკლე კილაძე
23	ნახევარმცველი	საქართველო	გიგა ჭეიშვილი
24	თავდამსხმელი	საქართველო	ვილი ისიანი


№	პოზიცია	ქვეყანა	მოთამაშე
25	მცველი	საქართველო	კონსტანტინე ღაღანიძე
26	მცველი	საქართველო	გიორგი მჭედლიშვილი
29	მეკარე	საქართველო	გაბრიელ თებიძე
49	ნახევარმცველი	საქართველო	თორნიკე მოსიაშვილი
88	თავდამსხმელი	უკრაინა	ნიკიტა კონოვალოვი
77	ნახევარმცველი	საქართველო	ლევან ინგოროყვა
99	მცველი	საქართველო	გიგა ჟვანია
-	ნახევარმცველი	საქართველო	შოთა გაბრიჭიძე
-	ნახევარმცველი	საქართველო	ვლადიმერ ჯოჯუა
-	მეკარე	საქართველო	რობერტ იმერლიშვილი
-	მცველი	საქართველო	კონსტანტინე ზარნაძე
-	თავდამსხმელი	საქართველო	შალვა კვანტალიანი
-	თავდამსხმელი	უკრაინა	იური შეველი
-	მცველი	უკრაინა	დიმიტრი ბელოვი

2015/2016 წლის ტრანსფერები

მოვიდნენ

პოზ.	ფეხბურთელი	ყოფილი კლუბი
პოზიცია	ფეხბურთელი	კლუბი

* — იჯარით
** — იჯარიდან

წავიდნენ

პოზ.	ფეხბურთელი	ახალი კლუბი
პოზიცია	ფეხბურთელი	კლუბი

* — იჯარით
** — იჯარიდან

გამოჩენილი მოთამაშეები

პერსონალური მიღწევები

ოთარ კორღალიძე — ბომბარდირი: 1990–91 (14 გოლი)
ოთარ კორღალიძე — ბომბარდირი: 1991–92 (40 გოლი)
ზვიად ენდელაძე — ევროპის ოქროს ბუცი: 1996 (40 გოლი)^[1]

გამოჩენილი მწვრთნელები

ბომბარდირები სეზონის მიხედვით

სეზონი	სახელი	გოლი
1966/67	ომარ პართენავა	16
1967/68	ვახტანგ ძიძიგური	23
1968/69	ვახტანგ ძიძიგური	17
1969/70	ვახტანგ ძიძიგური	18
1970/71	ვახტანგ ძიძიგური	39
1971/72	ვახტანგ ძიძიგური	13
1972/73	ჯონი აბაიშვილი	19
1973/74	ვახტანგ ძიძიგური	15
1974/75	რევაზ სანაია	25
1975/76	ბესიკ მჭედლიშვილი	20
1976/77	ვასილ ტროიანი	18
1977/78	ვასილ ტროიანი	15
1978/79	მერაბ მეგრელაძე	26
1979/80	მერაბ მეგრელაძე	20
1980/81	მერაბ მეგრელაძე	11
1981/82	თემურ ებანოიძე	9
1982/83	მურთაზ აკოფიანი	14
1983/84	ვახტანგ კოპალეიშვილი	13
1984/85	გია ტყებუჩავა	11
1985/86	ბესიკ ფრიდონაშვილი	27
1986/87	ვიქტორ ხლუსი	5
1987/88	ვიქტორ ხლუსი	21
1988/89	მერაბ ჟორდანია	25
1989/90	ოთარ კორღალიძე	21
1990/91	ოთარ კორღალიძე	14
1991/92	ოთარ კორღალიძე	40

სეზონები

სეზონი	ლიგა	ადგ.	თ.	მ	ფ	წ	გტ	გშ	ქ	თასი	შენიშვნები	მწვრთნელი
1987	სსრკ ლიგა	16	30	5	8	17	18	38	18		დაქვეითდა
1988	სსრკ პირვ. ლიგა	4	42	23	7	12	71	44	53
1989	სსრკ პირვ. ლიგა	2	42	27	9	6	78	39	63
1990	უმაღლესი ლიგა	2	34	22	6	6	73	20	72	გამარჯვებული
1991	უმაღლესი ლიგა	2	19	14	4	1	38	15	46
1991-92	უმაღლესი ლიგა	4	38	22	3	13	89	56	69	1/8 ფინალი
1992-93	უმაღლესი ლიგა	12	32	12	2	18	37	57	38	1/8 ფინალი
1993-94	უმაღლესი ლიგა	7								1/4 ფინალი
1994-95	უმაღლესი ლიგა	13	30	8	6	16	36	81	30	1/4 ფინალი
1995-96	უმაღლესი ლიგა	13	30	9	0	21	35	74	27	1/16 ფინალი
1996-97	უმაღლესი ლიგა	13	30	10	3	17	33	63	33
1997-98	უმაღლესი ლიგა	14	30	6	9	15	30	58	27	1/8 ფინალი
1998-99	უმაღლესი ლიგა	16	30	3	4	23	34	87	13		დაქვეითდა
1999-00	რეგიონული ლიგა									1/8 ფინალი
2000-01	პირველი ლიგა									1/8 ფინალი
2001-02	უმაღლესი ლიგა	14								1/4 ფინალი	დაქვეითდა
2002-03	პირველი ლიგა									მეორე რაუნდი
2003-04	პირველი ლიგა	10	30	13	6	11	38	37	45	პირველი რაუნდი
2004-05	პირველი ლიგა	10	30	10	8	12	30	45	38	პირველი რაუნდი
2005-06	პირველი ლიგა	9	34	14	5	15	50	47	47	1/16 ფინალი
2006-07	პირველი ლიგა	15	34	8	7	19	36	76	31	პირველი რაუნდი	დაქვეითდა
2007-08	მეორე ლიგა დასავლეთი									არ მონაწილეობდა	აღზევდა
2008-09	პირველი ლიგა									1/8 ფინალი
2009-10	პირველი ლიგა	4	28	16	5	7	53	32	53	პირველი რაუნდი
2010–11	პირველი ლიგა	6	32	14	4	14	50	59	46			გიგლა იმნაძე
2011–12	პირველი ლიგა - B ჯგუფი	2	18	12	3	3	41	15	39			გიგლა იმნაძე
2012–13	პირველი ლიგა - A ჯგუფი	1	33	27	4	2	86	20	85		აღზევდა	თეიმურაზ ლორია
2013–14	უმაღლესი ლიგა	6	32	12	0	20	31	53	36			დავით მახარაძე / რომან პოკორა
2014–15	უმაღლესი ლიგა	9	30	10	9	11	38	43	39			თეიმურაზ ლორია / გიგლა იმნაძე
2015–16	უმაღლესი ლიგა