დავიდ ბაევი
 | |
| პირადი ინფორმაცია | |
|---|---|
| ეროვნება | რუსი |
| დაბ. თარიღი | 7 ნოემბერი, 1997 (27 წლის) |
| დაბ. ადგილი | ვლადიკავკაზი |
| სიმაღლე | 168 |
| წონა | 66-70 კგ |
| სპორტი | |
| ქვეყანა | რუსეთი |
| სპორტი | ჭიდაობა |
| სახეობა | თავისუფალი |
| გუნდი | ასლან ხადარცევის თავისუფალი ჭიდაობის აკადემია |
| მწვრთნელი |
მ. ცაკაევი მ. როჟკოვი ა. ხადარცევი |
დავიდ ალბერტის ძე ბაევი (რუს. Баев Давид Альбертович, ოს. Байаты Алберты фырт Давид; დ. 7 ნოემბერი, 1997, ვლადიკავკაზი, ჩრდილოეთ ოსეთი, რუსეთი) — რუსი თავისუფალი სტილით მოჭიდავე; წარმოშობით არის ოსი.[1]
პირადი ცხოვრება
[რედაქტირება | წყაროს რედაქტირება]დავიდ ბაევი დაიბადა 1997 წლის 7 ნოემბერს, ვლადიკავკაზში (ჩრ. ოსეთი). სწავლობდა ასლან ხადარცევის ჭიდაობის აკადემიაში (ვლადიკავკაზი). ცხოვრობს ნიჟნევარტოვსკში, ხანტი-მანსის ავტონომიური ოკრუგში.
მოჭიდავის კარიერა
[რედაქტირება | წყაროს რედაქტირება]დავიდ ბრადოვის დებიუტი შედგა ნაზრანში, ინგუშეთში ჩატარებულ 2017 წლის რუსეთის ჩემპიონატში; ივანოვოს ოლქის წარმომადგენელ მაგომედ დიბირგაძიევთან ნახევრფინალში მარცხის შემდეგ, მან ყარაჩაი-ჩერქეზეთის წარმომადგენელი ალიბეკ აკბაევი ანგარიშით 6:4 დაამარცხა; საბოლოოდ, ბაევმა ტურნირში მესამე ადგილი დაიკავა.[2][3] აშშ-ის წარმომადგენლის, დეაკინის ტექნიკური ჯარიმით დამარცხების შედეგად (10:0), ბაევმა მოიგო 2017 წლის მსოფლიოს ახალგაზრდული ჩემპიონატი (ჩატარდა ტამპერეში, ფინეთში).[4] ბაევმა ბრინჯაოს მედლი კიდევ ერთხელ მოიპოვა 2018 წლის რუსეთის ჩემპიონატში, რომელიც ოდინსტვოში გაიმართა. დავიდ ბაევს ჰყავს ორი ახალგაზრდა ძმა.[5]
რუსეთის ეროვნული ჩემპიონატი 2019
[რედაქტირება | წყაროს რედაქტირება]სოჭიში ჩატარებულ 2019 წლის რუსეთის ეროვნულ ჩემპიონატში ბაევმა 70 კილოგრამ წონით კატეგორიაში ჩემპიონობა მოიპოვა. 16-ე ტურში ბაევი დაუპირისპირდ კრასნოდარის წარმომადგენელ ისმაილ დჟაპუას და შეხვედრა ტექნიკური ჯარიმით, 10:0 მოიგო. იგი შემდეგში კრასნოიარსკის წარმომადგენელ სემენ ტერეშენკოს დაუპირისპირდა და ანგარიშით 5:0 დაამარცხა. მეოთხედფინალში ბაევი დაუპირისპირდა ყოფილ ოქროს მედალოსანსა და ორგზის რუსეთის ეროვნული ვერცხლის მედალოსან ჩეჩენ ისრაილ კამუსოვს.
მან მეოთხედფინალური დაპირისპირება ტექნიკური ჯარიმით, ანგარიშით 13:2 მოიგო და ნახევარფინალში გავიდა, სადაც რაზამბეკ ძამალოვი დაამარცხა; აღნიშნული შეხვედრა ანგარიშით 10:10 დასრულდა თუმცა გამარჯვებული მაინც ბაევი დარჩა. ორგზის მსოფლიო ჩემპიონის, მაგომედრასულ გაზიმაგომედოვის 74 კილოგრამ კატეგორიაში გადასვლით, ბაევმა რუსეთის სახელით 2019 წლის მსოფლიოს ჭიდაობის ჩემპიონატში მონაწილეობის უფლება მოიპოვა; აღნიშნული ჩემპიონატი ჩატარდა ნურსულთანში, ყაზახეთში.
მსოფლიო ჩემპიონატი 2019
[რედაქტირება | წყაროს რედაქტირება]2019 წლის მსოფლიო ჩემპიონატში ბაევმა 70 კილოგრამ კატეგორიაში იასპარეზა და მოიგო მისი პირველი მსოფლიო (უფროსი) ტიტული. ბაევმა პირველად ანდრეი კარაპაჩი ტექნიკური ჯარიმით დაამარცხა (10:0). შემდეგ, იგი დაუპირისპირდა ყოფილ მსოფლიო ჩემპიონ ზურაბ იაკობიაშვილს, რომელიც ანგარიშით 7:0 დაამარცხა. ამგვარი გამარჯვებებით ბაევმა ნახევარფინალს მიაღწია და აქ იგი დაუპირისპირდა აზიის ჩემპიონსა და მსოფლიო და ევროპის მედალოსან მაგომედმურად გაძიევს.[6] მან იგი საბოლოოდ ანგარიშით 5:2 დაამარცხა. ფინალური დაპირისპირება შედგა ბაევსა და ნუკროჟა კაიპანოვს შორის; შეხვედრა ბაევმა მოიგო და ამ გამარჯვებით 2019 წლის მსოფლიო ტიტული მოიპოვა.[7]
რესურსები ინტერნეტში
[რედაქტირება | წყაროს რედაქტირება]- Баев Давид Альбертович. infosport.ru. ციტირების თარიღი: 2019-09-21.
სქოლიო
[რედაქტირება | წყაროს რედაქტირება]- ↑ БАЕВ Давид Альбертович | Российские спортсмены и специалисты | Спортивная Россия ru. ციტირების თარიღი: 2018-06-27
- ↑ region15.ru. 15-й РЕГИОН: Вольник Давид Баев - бронзовый призер чемпионата России. ციტირების თარიღი: 2018-06-27
- ↑ Sputnik. Вольник Давид Баев стал бронзовым призером чемпионата России ru. ციტირების თარიღი: 2018-06-27
- ↑ „Вольная борьба. Чемпионат мира среди юниоров. Баев, Найфонов победили, Гаджиев и Козонов – призеры“. Sports.ru (რუსული). ციტირების თარიღი: 2018-06-27.
- ↑ "Хочу, чтобы отец моих детей был олимпийским чемпионом". Открытие чемпионата России по вольной борьбе - Давид Баев. — Федерация спортивной борьбы России. დაარქივებულია ორიგინალიდან — 2019-12-15. ციტირების თარიღი: 2019-11-15.
- ↑ Eric. Burroughs Survives Scares to Stay on Collision Course with Chamizo at 74kg English. ციტირების თარიღი: 2019-09-21
- ↑ Eric. Sidakov Completes Dream Run to 2nd Straight 74kg Title; Petriashvili 3-peats at 125kg English. ციტირების თარიღი: 2019-09-21