Tutlayt tarifit

Tarifit
	Tmaziɣt
Aẓaran deg	Ameṛṛuk, Spanya (Mlilt d Sebta), Dzayer
Tamnaḍt	Arif
Azdar	Irifiyen
At tutlayt tayemmat	4,240,000 (2016)
Tawacult n tutlayin	Tafrusyawit Tamaziɣt Tamaziɣt n ugafa Taznast Tarifit; ; ; ;
Ingalen n tutlayt
ISO 639-3	rif
Glottolog	tari1263

Tarifit (s Tifinaɣ: ⵜⴰⵔⵉⴼⵉⵜ) (qqaren as Tmaziɣt deg Warif) d yiwet n tutlayt Tamaziɣt yeṭṭafaren afurk n tutlayin timaziɣin n ugafa, Tarifit ttmeslayen s yis azal n 4 n imelyan n Irifiyen deg ugafa n tmurt n Umeṛṛuk.

Amerruki arisawal Tarifit.

Asesmel

Tarifit temrawas (tettemcabi) s waṭas ar Tcawit yellan deg ugafa asammar n Lezzayer acku i snat-nsent (Tarifit d Tcawit) d tutlayin tiznasin akken daɣen yella kra n umcabi gar-as d Teqbaylit.

Tukza tamaddudt (tunṣibt) s Trifit

Tarifit deg Tgelda n Umeṛṛuk d tutlayt tamaddudt seg 2011, Deg Spanya llant kra n tiddukliwin tidelsanin deg temdint n Mlilt d Sebta ssuturen-t seg udabu n temdinin-a asmudded (asenṣeb) n Trifit acku azal n 40% n imezdaɣ n Mlilt d 25% n imezdaɣ n Sebta ttmeslayen s tutlayt-a, Akken daɣen yeɣɣar usqamu n tiddukla n Uruppa tukza n Trifit d akken-it d tutlayt n tdersant acku snat n temdinin-a ṭṭafaren-t tamurt n Spanya igan d agman deg tiddukla n Uruppa.

Anagraw n tira

Seg useggas n 2003 Tarifit tuɣal tettwaru s isekkilen n tifinaɣ.

Abdar n wawalen

imgirrden ger Tarifit d tutlayin timaziɣin nniḍen:

/l/ yuɣal-d /ř/, Amedya : aɣyul -> aɣyuř
Ur nentiq ara /r/ asmi yellan qbel asekkil: taddart -> taddaat.

Lemmer tella tiɣra mbeɛd /r/ a t-nenteq, Amedya : nenṭeq /r/ n tamara.

/ll/ yuɣal-d /ǧ/, Amedya : yelli -> yeǧi.
/lt/ yuɣal-d /č/, Amedya : weltma -> wečma.
S umata /k/ yuɣal-d /c/.
Aṭas n tikwal, ur nenteq ara awṣil a-, Amedya : afus -> fus

Asekkil di Tmaziɣt n Arrif	Awal di Tmaziɣt n Arrif	Awal-nni deg tantalawin tiyaḍ	Anamek s teqbaylit
Ř ř	uř	ul	ul
	aɣyuř	aɣyul	aɣyul
	awař	awal	awal
Ǧ ǧ (dj)	azeǧif	azellif	aqerru/ixf
	yeǧa	yella	yella
	ajeǧid	agellid	agellid
Č č (tc)	wečma	weltma	ultma
	tacemřač	tacemlalt	amellal
	taɣyuč	taɣyult	taɣyult

Tiwelhiwin

↑ "Tarifit". Ethnologue (in Taglizit). Retrieved 2018-06-01.
↑ Hammarström, Harald; Forkel, Robert; Haspelmath, Martin, eds. (2017). "Tarifiyt-Beni-Iznasen-Eastern Middle Atlas Berber". Glottolog 3.0. Jena, Germany: Max Planck Institute for the Science of Human History.

Tamaziɣt

[1] "Tarifit". Ethnologue (in Taglizit). Retrieved 2018-06-01.

[Glottolog-2] Hammarström, Harald; Forkel, Robert; Haspelmath, Martin, eds. (2017). "Tarifiyt-Beni-Iznasen-Eastern Middle Atlas Berber". Glottolog 3.0. Jena, Germany: Max Planck Institute for the Science of Human History.

[1]

[2]