Дәрілік сарыбасқурай

Дәрілік сарыбасқурай
Ғылыми топтастыруы
Дүниесі: Өсімдіктер Бөлімі: Гүлді өсімдіктер Табы: Қос жарнақтылар Сабы: Brassicales Тұқымдасы: Орамжапырақ тұқымдасы Тегі: Сарыбасқурай (Sisymbrium) Түрі: Дәрілік сарыбасқурай
Екі-есімді атауы
Sisymbrium officinale

Дәрілік сарыбасқурай (лат. Sisymbrium officinale) - орамжапырақ тұқымдасы сарыбасқурай туысына жататын, бір жылдық, шөп тектес өсімдік.

Ботаникалық сипаты

Гүлі

• Биіктігі 60 см-ге дейін жетеді.
• Қолға қатты тиетін түктері бар, бұтақтары көп.
• Жапырақтары біркелкі емес, тілімделген, шеттерінде әр түрлі ойықтары бар. Сабақтың төменгі жағындағы жапырақтарының сағақтары ұзын, жоғарғы жағындағы жапырақтары отырмалы.
• Гүлдері сары түсті, майда, ұзынша масақ тәрізденіп сабақтың ұш жағында шоғырланып т ұрады. Гүл тостағаншасының қалақшалары да, гүл тәжі жапырақшалары да төрт-төрттен.
• Жемісі сопақша, ұшы біз тәрізді үшкір. Ерте көктемнен жаз айларына дейін гүлдейді.

Өсетін жері

Тұрғын үйлердің маңайында, жолдардың жиектерінде, бос жатқан жерлерде, егістіктердің араларында өсе береді.

Құрамы, емдік қасиеті және қолданысы

Құрамында эфир майлары, С дәрумені бар. Дәрі жасау үшін дәрілік сарыбасқурайдың жер үстіндегі бөлігін гүлдеген кезінде пайдаланады. Өсімдікті көбінесе құрқұлақ ауруына қарсы және несеп жүргізетін, қақырық түсіретін дәрі ретінде қолданады. Дизентерияны емдеу үшін және іріңді жараларға да пайдаланылады.