ຂປລ
ຂປລ.ຊາວໜຸ່ມຍິງ-ຊາຍ 15 ຄູ່ຈາກ 15 ຊົນເຜົ່າ ຄືຊົນເຜົ່າກຶມມຸ, ເຜົ່າມົ້ງລາຍ, ເຜົ່າພູນ້ອຍ, ເຜົ່າໄທເໜືອ, ເຜົ່າອາຄາ, ເຜົ່າຫໍ້, ເຜົ່າລື້, ເຜົ່າຢັ້ງ,ເຜົ່າໄຕດຳ, ເຜົ່າລາວ, ເຜົ່າກໍຈີເປັຍ,
ຂປລ.ຊາວໜຸ່ມຍິງ-ຊາຍ 15 ຄູ່ຈາກ 15 ຊົນເຜົ່າ ຄືຊົນເຜົ່າກຶມມຸ, ເຜົ່າມົ້ງລາຍ, ເຜົ່າພູນ້ອຍ, ເຜົ່າໄທເໜືອ, ເຜົ່າອາຄາ, ເຜົ່າຫໍ້, ເຜົ່າລື້, ເຜົ່າຢັ້ງ,ເຜົ່າໄຕດຳ, ເຜົ່າລາວ, ເຜົ່າກໍຈີເປັຍ, ເຜົ່າສີລາ, ເຜົ່າຢ້າວ, ເຜົ່າມົ້ງຍອດອູ ແລະ ເຜົ່າຮາຍີ ໄດ້ເຂົ້າຮ່ວມປະກວດ ອາພອນເພດຊົງລາວ ບັນດາເຜົ່າຄັ້ງທີ II ໃນວັນທີ 16 ເດືອນກໍລະ ກົດນີ້ ຢູ່ສະໂມສອນ ຫໍວັດທະນະທຳ ແຂວງຜົ້ງສາລີ ເພື່ອສ້າງຂະບວນການ ຕ້ອນຮັບກອງປະຊຸມໃຫຍ່ ຄັ້ງທີ II ອົງຄະນະພັກແຂວງຂອງຕົນ ແລະ ຂໍ່ານັບຊົມເຊີຍ ວັນສ້າງຕັ້ງ ສະຫະພັນແມ່ຍິງລາວ ຄົບຮອບ 60 ປີ ໂດຍທ່ານ ຄຳເຈນ ວົງໂພສີ ເຈົ້າແຂວງດັ່ງກ່າວ ແລະ ປະຊາຊົນ ເປັນຈຳນວນຫລາຍ ເຂົ້າຮ່ວມ.
ຜ່ານການປະກວດ, ທີ 1 ທ້າວ ແສງສະຫລາດ ແລະ ນາງ ບົວຈັນ ໃນຊຸດຊົນເຜົ່າກຶມມຸ ໄດ້ຮັບເງິນລາງວັນ 800.000 ກີບ, ທີ 2 ທ້າວ ຟາຍີ່ ແລະ ນາງ ພອນມະລີ ຊຸດເຜົ່າຫໍ້ ໄດ້ຮັບເງິນລາງວັນ 600.000 ກີບແລະ ທີ 3 ທ້າວ ບຸນປີງ ແລະ ນາງ ສຸລີນທອງ ຊຸດເຜົ່າຮາຍີ່ ໄດ້ຮັບເງິນລາງວັນ 500.000 ກີບ.
ການປະກວດດັ່ງກ່າວ ເພື່ອສົ່ງເສີມອະນຸລັກ ຊີວິດວັດທະນະທຳ, ເອກະລັກຮີດຄອງປະເພນີອັນດີງາມ ຂອງບັນດາເຜົ່າ ພາຍໃນແຂວງ ໃຫ້ຍືນຍົງທັງເພື່ອໃຫ້ຄົນ ຮຸ່ນຫລັງ ຮູ້ຄຸນຄ່າ ວັດທະນະທຳບັນດາເຜົ່າ ທັງເສີມສ້າງໃຫ້ຊາວໜຸ່ມ, ໄວໝູ່ມກ້າສະແດງອອກ ໃນເວທີຕ່າງໆ ໃຫ້ຫລາຍຂຶ້ນ ແລະ ເປັນການໂຄສະນາເຜີຍແຜ່ ແລະ ດຶງດູດນັກທ່ອງທ່ຽວ ເຂົ້າມາ ທ່ຽວ ແຂວງຜົ້ງສາລີນັບມື້ຫລາຍຂຶ້ນ.
KPL
