Маорилер

	Маорилер
	; Хака бийи
Māori
Мамлекеттер жана аймактар
	Бардыгы: ~750 000; Жаңы Зеландия:; 598 605 (2013); Австралия:; 155 000 (2011); Улуу Британия:; ~8000 (2000-жылга чейин); АКШ; ~3500 (2000); Канада:; 1305 (2001); Башка мамлекеттерде; ~8000 (2000-жылга чейин)
Тили	маори тили, англис тили
Дини	маори дини, христианство

Маорилер – полинезиялык эл. Жаңы Зеландиянын жергиликтүү калкы. Саны 565,3 миң киши (2006). Маори жана англис тилдеринде сүйлөшөт. Динге ишенгендери – протестанттар (англикандар, пресвитериандар, баптист) жана католиктер. Маорилердин ата-теги 13-кылымда Чыгыш Полинезиядан Жаңы Зеландия аралына келип, жергиликтүү эл менен аралашып кеткен. 19-кылымдын 1-жарымында маорилердин жерин Улуу Британия басып алган. 19-кылымдын аягынан маорилер англис-жаңы зеландиялыктар менен ассимиляцияланып, алардын таасири менен европалык жашоо образын өздөштүргөн. Негизги кесиби – дыйканчылык, аңчылык, балык кармоочулук. Кол өнөрчүлүк өнүккөн. Учурда маорилердин көпчүлүгү айыл чарба жана өнөр жайда иштешет. Интеллигенциясы калыптанган.

Колдонулган адабияттар

“Кыргызстан” улуттук энциклопедиясы: 5-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2014. илл. ISBN 978 9967-14-111 -7

Булактар

↑ Hamer, Paul (2012), Māori in Australia: An Update from the 2011 Australian Census and the 2011 New Zealand General Election, retrieved 2015-08-26

Тышкы шилтемелер

Curlie. Маори эли

[Hamer-1] Hamer, Paul (2012), Māori in Australia: An Update from the 2011 Australian Census and the 2011 New Zealand General Election, retrieved 2015-08-26

[1]