Aulus Postumius Albus Regillensis

Denarius ab Aulo Postumio Albino anno 96 a.C.n. percussus : Diana cum arcu et pharetra / Tres equites pugna Regillensi impetum facientes.

Aulus Postumius Albus Regillensis (natus saeculo 6 a.C.n., mortuus saeculo 5 a.C.n.) senator Romanus erat.

Familia

Filii eius erant Spurius Postumius A.f. Albus Regillensis consul anni 466 a.C.n. et Aulus Postumius A.f. Albus Regillensis, qui anno 464 consulatum gessit.

Vita

Anno 496 a.C.n. Postumius consul electus est. Tarquinius rex Roma eiectus ad Mamilium Tusculanum generum suum confugerat: cum ille Romanos graviter urgeret, nova Romae dignitas creata est, quae "Dictatura" appellata est, maior quam consulatus. Tunc creatus est magister equitum, qui dictatori etiam obsequeretur. Aulus Postumius anno 496 a.C.n. dictator factus est, cum hostibus apud Regillum lacum conflixit, ubi cum victoria nutaret, magister equitum equis frenos detrahi iussit, ut irrevocabili impetu ferrentur: itaque et aciem Latinorum fuderunt, et castra ceperunt. Tarquinius Cumas se contulisse dicitur, in eaque urbe senio et aegritudine esse confectus.

Notae

Antecessores: Aulus Sempronius Atratinus et Marcus Minucius Augurinus

Consul 496 a.C.n. cum Tito Verginio A.f. Tricosto Caelimontano

Successores: Appius Claudius M.f. Sabinus Inregillensis et Publius Servilius P.f. Priscus Structus