Leopoldus Sédar Senghor
Leopoldus Sédar Senghor (natus Joal in vico Senegaliae die 9 Octobris 1906; mortuus Verson in Francia die 20 Decembris 2001) fuit poeta et vir publicus Senegalensis et a die 6 Septembris 1960 usque ad usque diem 31 Decembris 1980 Senegaliae primus praeses. Anno 1983 etiam primus Africanorum in Academiam Francicam cooptatus est.
E populo Serer ortus, Leopoldus Sédar Senghor in oppido Ngazobil et mox Dakar in urbe educatus est. Inde Lutetiam profectus est ubi alumnus est facultatis litterarum. Magister scholarum meruit Turonis alibique. Miles exercitús colonialis Francici, captivitatem Germanicam duos annos passus est. Bello peracto, professor linguisticae docuit in Schola Coloniali usque ad annum 1960. Annis fere ab 1946 ad 1955 legatus est ad Conventum Nationalem pro circulo Senegaliae et Mauritaniae. Secretarius civicus et minister consiliarius meruit primis ministris Edgaro Faure et Michaele Debré.
Opera selecta
[recensere | fontem recensere]- Liberté I. Négritude et humanisme, Lutetiae 1964,
- Liberté II. Nation et voie africaine du socialisme, Lutetiae 1971.
- Liberté III. Négritude et civilisation de l'universel, Lutetiae 1988.
- On African Socialism, Urbe Novo Eboraco 1964.
- Tam-Tam schwarz, Heidelbergae 1955.
Bibliographia
[recensere | fontem recensere]- Riesz, János. 2006. Leopold Sedar Senghor: Der afrikanische Aufbruch im 20. Jahrhundert. Peter Hammer Verlag. ISBN 3-7795-0047-7.
Nexus externus
[recensere | fontem recensere] | |
|
Leopoldus Sédar Senghor 1960 • Abdou Diouf 1981 • Abdoulaye Wade 2000 • Macky Sall 2012 • Bassirou Diomaye Faye 2024 Capsae cognatae: Primi ministri Senegaliae | |
- L +1
- Latinitas +1 (bona)
- Viri
- Nati 1906
- Mortui 2001
- Alumni Lycei Ludovici Magni
- Alumni universitatum et scholarum Parisiensium
- Auctores Francogallici
- Magistri
- Poetae Senegaliae
- Politici Franciae
- Politici Senegaliae
- Professores Scholae Colonialis et Transmarinae
- Scriptores Senegaliae
- Socii Academiae Francicae
- Duces civitatum
- Serer