Nicolaus Pirogov

Nicolaus Pirogov

Res apud Vicidata repertae:

Nicolaus Pirogov: imago

Nativitas: 13 Novembris 1810; Moscua
Obitus: 23 Novembris 1881; Vinnicia
Patria: Imperium Russicum

Familia

Coniunx: Q116200859
Proles: Wladimir Pirogoff

Memoria

Sepultura: Vinnicia

Nicolaus Ioannis filius Pirogov seu Pirogoff (Russice Николай Иванович Пирогов, tr. Nikolaj Ivanovič Pirogov; 25 Novembris 1810 – 5 Decembris 1881) fuit medicus et paedagogus Russicus, socius correspondens Academiae Scientiarum Petropolitanae (ab anno 1847).

Biographia

Nicolaus Pirogov natus est Moscuae, die 13 Novembris anni 1810.

Anno 1828 Pirogov complevit studium suum in facultate medica Universitatis Moscuensis. Annis 1828 – 1832 studebat in Universitate Dorpatensi. Ibi anno 1832 defensit dissertationem nomine Num vinctura aortae abdominalis in aneurysmate inguinali adhibita facile ac tutum sit remedium? pro gradu doctoris medicinae et annis 1836 – 1840 erat professor chirurgiae theoreticae practicaeque. Annis 1841 – 1856 Pirogov erat professor clinicae chirurgicae , anatomiae pathologicae chirurgicaeque et praefectus instituti anatomiae practicae Academiae Medico-Chirurgicae Petropolitanae. Ut medicus, participavit in defensione Sebastopolis annorum 1854 – 1855 (tempore Belli Crimaeani annorum 1853 – 1856), ubi, inter alia, usus massalem anaesthesiae pro operationibus chirurgicis in fronte actionum militarium promulgavit et .

Annis 1856 – 1858 Nicolaus Pirogov curator districtus scholaris Odessani et annis 1858 – 1861 curator districti scholaris Kioviensis erat. Annis 1862 – 1866 administrabat studium eruditarum iuvenium Russicorum, Heidelbergam missorum. Ab anno 1866 in praedio suo, vico nomine Višnja (Вишня) gubernii Podoliensis Imperii Russici (vicus ille nunc est pars urbis Vinniciae in Ucraina) habitabat.

Ut expertus in medicina et chirurgia, Pirogov in bellis Germano-Francico annorum 1870 – 1871 et Russo-Turcico annorum 1877 – 1878 participavit.

Nicolaus Pirogov obiit in Višnja, die 23 Novembris anni 1881.

Adeptiones scientificae

Nicolaus Pirogov ad chirurgiam ut disciplinam scientificam medicam multo contribuit. Eius opera Anatomia chrirugica truncorum arteriarum atque fasciarum fibrosarum (annis 1837 – 1840) et Anatomia topographica sectionibus per corpus humanum congelatum triplici directione ductis illustrata (annis 1852 – 1859) et alia sunt valoris fundamentalis pro anatomia topographica et chirurgia operativa. Primus in Russia operationes plasticas proposuit. Pirogov adiuvabat usus methodi experimentalis in chirurgia. Certas operationes et rationes chirurgicas elaboravit. Fuit unus e primis, aethere pro narcosi utentium. Proposuit hypothesem de exsistentia bacillarum, suppurationem vulnerum adducentium. Explorationes valentes anatomiae pathologicae cholerae perfecit (anno 1849). Notabilissima est contributio eius ad usus chirurgiae in conditiones bellicis. Pirogov maxime aestimavit actiones prophylacticas in medicina.

Ut paedagogus, Nicolaus Pirogov erat contra praeiudicia cum ordinibus societatis coniuncta in educatione et pro autonomia universitatum accessibilitateque universali educationis elementariae. Nonnulla opera paedagogica scripsit.

Opera Latina

• N. Pirogoff, Num vinctura aortae abdominalis in aneurysmate inguinali adhibita facile ac tutum sit remedium?
• Anatome topographica sectionibus per corpus humanum congelatum..., fasc. 3-4.

Fontes

• Pagina de Nicolao Pirogov Encyclopaediae Sovieticae Magnae editionis tertiae (Russice)
• Biographia Nicolai Pirogovi (Anglice)

Nexus interni

• 2506 Pirogov

Nexus externi

Vicimedia Communia plura habent quae ad Nicolaum Pirogov spectant.