Jump to content

Valie Export

E Vicipaedia
Valie Export (2013)

Valie Export (natus die 17 Maii 1940 Lentiae nomine Waltraud Lehner, nupta Höllinger), est artifex mediorum Austriaca.

Vita

[recensere | fontem recensere]

Post institutionem in scholis artium elegantium Lentiae (1955-1958) et Vindobonae (1960-1964) in pelliculis conficiendis collaboravit, anno 1966 scriptum scaenarium nomine laboris „AUS ALT MACHT NICHT NEU – ein versuch der sinnlosigkeit. metaphorische bildassoziation, Projekt“[1] conscripsit[2]. Anno 1967 nomen artificis VALIE EXPORT accepit praecipiens, ut semper maiusculis scriberetur, quod esset ratio signumque artis eius. Hoc praecepto mentem patriarchalem et capitalisticam societatis condemnavit, quasi esset melius nomen proprium signo commutari, quam nomine proprio negotia mercaturae dissimulare.[3]

Initio Valie Export imprimis Feminismo, Actionismo et pelliculae studebat. Inter actiones notissimas "Tapp- und Tastkino" (Latine: cinemateum contrectandi sive manus afferendi) quod dicitur habetur, quod una cum Petro Weibel socio, in cuius favorem Fridericum Hundertwasser reliquerat[4] primo dispositorum cinematographorum independentium conventu Monaci ad effectum adduxit. Hac in actione locis publicis peracta Export fucata mammis nudis capsa duorum foraminum tectis capillamentum cincinnatum gestavit. Petrus Weibel megaphono spectatores invitavit, ut manibus per foramina insertis mammas usque ad 33 secunda tangerent[5]. Postea ipsa actionem "pelliculam expansam" fuisse interpretata est, spectatores idem ac in cinemateo sentire, ubi in conclavi obscuro corpora feminea oculis avidis spectarent[6].“

Anno 1977 Cassalae expositionis documenta 6 dictae particeps fuit. Anno 1980 una cum Maria Lassnig Venetiis in Biennali Austriae vice functa est. 1989-1992 fuit professor in Universitate Wisconsinensi apud Milvauchiam, apud Scholam artium elegantium, 1991-1995 professor Berolini in Universitate Artium. 1995/96-2005 fuit professor in Universitate Artium Mediorum Coloniae Agrippinae.

Valie Export Vindobonae vivit.[7] Crebrae expositiones ei obtigerunt, multa honoris insignia et ornamenta in eam congesta sunt.

Urbs Lentia anno 2015 archivium eius comparavit et die 11 Novembris 2017 in tabaci olim officina Lentiae "Valie Export Center" inauguravit. Ita legatum eius illa in officina asservatur, ubi sigarella nomine "Smart Export" prolata sunt, unde artificis nomen tractum est.[8]

Bibliographia

[recensere | fontem recensere]
  • Robert Kudielka, Michael Schoenholtz, Inge Zimmermann (Praef.): aus. gezeichnet. zeichnen. Eine Ausstellung der Sektion Bildende Kunst. Accademia artium (Berolini), die 25 Aprilis usque ad diem 14 Iunii 2009, ISBN 978-3-88331-127-2 - (theodisce)

Notae

[recensere | fontem recensere]
  1. ↑ nomen in Latinum versum: Ex veteribus nova non feceritis – conatus inanitatis. picturae connotatio metaphorica, cogitatio
  2. ↑ Valie Export in: wien.gv.at.
  3. ↑ Ines Kappert: Die Mechaniken des Blicks. VALIE EXPORT hat die Medienkunst miterfunden und geprägt In: Jungle World Nr. 5, die 30 Ianuarii 2003
  4. ↑ Werner DePauli-Schimanovich: Europolis. Band 4: Kultur, Politik, Musik, Revolutionäres, Historisches, Literarisches. Editio Novum, Vidobonae 2007, ISBN 978-3-902514-89-9, p. 448–450 ([1] in interrete)
  5. ↑ Andrea Zell: Valie Export. Inszenierung von Schmerz: Selbstverletzung in den früheren Aktionen. Berolini 2000, p. 35.s.
  6. ↑ Gerald A. Matt / Österreichisches Parlament (ed.): Österreichs Kunst der 60er-Jahre. Gespräche. 2011, p. 92.
  7. ↑ Ut ipsa dicit, vide: valieexport.at
  8. ↑ Smart Import für Linz

Nexus externi

[recensere | fontem recensere]
Vicimedia Communia plura habent quae ad Valie Export spectant.
Receptum de "https://la.wikipedia.org/w/index.php?title=Valie_Export&oldid=3808765"