Planzeräich

Planzeräich
	Fënneffangerfar
Wëssenschaftlech Klassifikatioun
Räich	Planzeräich
Wëssenschaftlechen Numm
	Plantae
	„Haeckel“.
	Moosplanzen ; Gefässplanzen ; Gréngalgen

D'Planzeräich oder Plantae, ass eent vun de véier Räicher vun den Eukaryoten. D'Naturwëssenschaft vun de Planzen ass d'Botanik.

Viru méi wéi 400 Millioune Joer huet sech d'Flora entwéckelt. Si erniert d'Welt. D'Planze sinn d'Primärproduzente vun der Biosphär. Si wandelen d'Liicht vun der Sonn an eege Kierpersubstanz ëm a bilden domat d'Ernierungsgrondlag fir Déieren, Pilzer a vill Mikroorganismen.

Opbau a Funktiounen

Et existéiert eng grouss Terminologie fir d'Planzen an alle Variatiounen ze beschreiwen. Dofir hei nëmmen dat Wichtegst. Eng typesch Bléieplanz besteet aus enger Wuerzel, engem Stamm oder Still, Blieder a Bléien, aus deenen och deelweis Friichte kënnen entstoen. Donieft gëtt et nach d'Hoer, d'Stachelen an d'Dären.

D'Wuerzele vun de Planzen hu sech entwéckelt, well si op d'Waasser an d'Mineralstoffer aus dem Buedem ugewise waren. Déi Stoffer, déi si doduerch ophuelen, ginn iwwer speziell Réiercher an den ieweschten Deel vun de Planze weidergeleet. De Still ass do fir d'Blieder ze halen, déi d'Energie vun der Luucht afänken, aus der Loft Kuelendioxid ophuelen a Waasser a Sauerstoff ofginn.

Eng zweet Aufgab vun de Wuerzelen ass et d'Planz am Buedem festzehalen.

Systematik

Bis 2004 ware ronn 287.650 Planzen identifizéiert. D'Wëssenschaftler ginn dovun aus datt et der bis 350.000 kéinte ginn.Et kann en se an 12 Ofdeelungen trennen. Néng dovu gehéieren zu den Algen. Déi aner dräi bilden zesummen déi gréng Landplanzen, déi, vum Moos ofgesinn, Odere fir de Waassertransport hunn, an dofir vum Buedem ewech no uewe wuesse kënnen.

Planzeräich

Ënnerräich Gefässplanzen (Tracheobionta)
- Iwwerofdeelung Somplanzen (Spermatophyta)
  - - Ofdeelung Bléieplanzen (Magnoliophyta)
  - Gymnospermen
    - Ofdeelung Palmfar (Cycadophyta)
    - Ofdeelung Nolholzplanzen (Coniferophyta)
    - Ofdeelung Ginkoplanzen (Ginkgophyta) (1 lieweg Aart)
    - Ofdeelung Gnetumplanzen (Gnetophyta) (3 Gattungen)
- Iwwerofdeelung Gefässsporeplanzen (Tracheobionta)
  - - Ofdeelung Bärlapp (Lycophyta)
    - Ofdeelung Schachtelhalm (Sphenophyta)
    - Ofdeelung Far (Pterophyta)
    - Ofdeelung Urfar (Psilophyta)
Ënnerräich Gréngalgen (Chlorophyta)
Stamm Moosplanzen (Bryophyta)
- Klass Hornmoos (Anthocerotae)
- Klass Liewermoos (Hepaticae)
- Klass Lafmoos (Musci)

Kuckt och

Um Spaweck

Planzen am DMOZ

Déi véier Räicher vun den Eukaryoten

Déiereräich - Planzeräich - Protisten - Pilzeräich

Commons: Plantae – Biller, Videoen oder Audiodateien