Mary Victoria Hamilton
_future_Hereditary_Princess_of_Monaco.jpg)
D'Mary Victoria Douglas Hamilton gebuer den 11. Dezember 1850 zu London, a gestuerwen de 14. Februar 1922 zu Budapest, war Prinzessin vu Monaco.
Si gouf als Meedche vum William Alexander Anthony Archibald, dem 11. Herzog vun Hamilton, (1811-1863), a senger Fra der Prinzessin Maria-Elisabeth vu Baden (1817-1888) am Hamilton Palace zu London gebuer.
Den 21. September 1869 huet si sech um Schlass vu Marchais mat dem Prënz Albert vu Monaco bestuet.
D'Bestietnes war net glécklech, a si huet Monaco schonns no e puer Méint verlooss, fir erëm bei hirer Famill ze liewen, meeschtens zu Baden-Baden. Do gouf den 12. Juli 1870 och hire Jong Louis gebuer, de spéider ënner dem Numm Louis II. Fürst vu Monaco gouf.
De Mariage gouf eréischt zéng Joer duerno, den 3. Januar 1880, vun der Kierch annuléiert[1], wouropshi si stracks, den 2. Juni 1880, de Fürst Tassilo Festetics vun Tolna bestuet huet. Dem Fürst Charles III vu Monaco ass dunn net vill aneres iwwregbliwwe wéi de Mariage vu sengem Jong dunn och den 28. Juli 1880 zivilrechtlech ze scheeden.
Aus dem 2. Mariage gounge 4 Kanner ervir:
- Mária (1881-1953)
- Georg (1882-1941)
- Alexandra (1884-1963)
- Karola-Friederika (1888-1951)
D'Mary Victoria Hamilton ass de 14. Februar 1922 zu Budapest gestuerwen a gouf och do begruewen.
Si ass d'Ururgroussmamm vum Prënz Albert II. vu Monaco an duerch hiert zweet Bestietnes ass si och an der Famill vum Moudendesigner Egon von Fürstenberg an der Schauspillerin Ira von Fürstenberg.
Um Spaweck
| Commons: Mary Victoria Hamilton – Biller, Videoen oder Audiodateien |
