Phytotherapie
D´Phytotherapie ass eng unerkannte Wëssenschaft an e vollwertegen Deel vun der Medezin. Dës Wëssenschaft berout op der Analys vun de Wirkstoffer vun de Planzen an hir Wierkung op de mënschlechen Organismus. D´Wierkung vun phytotherapeuteschen Medikamenter gëtt duerch hir planzlech Zesummesetzung bestëmmt. D´Phytotherapie soll als Basishandlung mat enger schounender Wierkung Krankheete virbeugen a chronesch Problemer behandelen, mä ass net als Medikament bei akuten Krankheeten, wou eng séier Wierkung gebraucht gëtt, geduecht. Si wierkt ouni den Organismus unzegreifen a regt den Immunsystem un ouni Niewewierkungen.