Andy Schleck

Den Andy Schleck, gebuer den 10. Juni 1985 an der Stad Lëtzebuerg, ass e fréieren (bis Enn 2014) lëtzebuergesche Vëlosfuerer.

Hien ass en Enkel vum Auguste Schleck an de jéngste vum Johny Schleck sengen 3 Jongen. Hien ass fir d'Vëlosequippen CSC-Saxo Bank a RadioShack-Nissan-Trek gefuer.

Carrière

Am Joer 2005 huet den Andy Schleck, am Alter vun 19 Joer e Profivertrag beim däneschen Team CSC-Saxo Bank ënner der Leedung vum Bjarne Riis ënnerschriwwen. Dëse Vertrag leeft bis Enn vun der Saison 2010.

Beim Giro d'Italia 2007 huet en déi éischt Kéier op sech opmierksam gemaach, wéi hien 2. am Generalklassement gouf. Den Andy Schleck huet dunn den Trikot vum beschte jonke Proficoureur gewonnen, dësen huet hien och dat Joer drop gewonnen, wéi hien déi éischt Kéier um Tour de France deelgeholl huet an do 12. am Generalklassement gouf.

Bei der Flèche wallonne 2009 ass den Andy Schleck Zweete ginn. Am selwechte Joer huet e Liège-Bastogne-Liège als 1. ofgeschloss, 1:17 Minutte virum Zweeten. D'selwecht Joer gouf hien, hanner dem Alberto Contador, Zweeten am Tour de France. Hien huet dunn och fir d'zweet de wäissen Trikot vum beschte jonke Fuerer gewonnen. Den Andy Schleck war am Joer 2009 och Lëtzebuerger Champion.

2010 gouf den Andy Schleck 2. am Tour de France. Dem Vainqueur Alberto Contador gouf am Februar 2012 duerch en Uerteel vum Tribunal Arbitral du Sport den Titel oferkannt, sou datt den Andy Schleck nodréiglech zum Gewënner vum Tour 'nogerëtscht' ass.

Vun der Saison 2011 un ass den Andy Schleck, wéi och säi Brudder Fränk, an dem neigegrënnten Team Leopard Trek (Enn 2011 ëmbenannt a RadioShack-Nissan-Trek) gefuer.

Den 9. Oktober 2014 huet hien op enger Pressekonferenz ugekënnegt, Enn 2014 als professionelle Coureur opzehalen: Hie war an der 3. Etapp vum Tour de France 2014 sou onglécklech gefall, datt eng Blessur um Knéi net méi richteg heele konnt, an et him onméiglech gemaach huet, 100% weiderzefueren.^[1]^[2]

Zesumme mat senger Fra a sengem Schwéierpapp huet hien uganks 2016 zu Izeg e Vëlofachgeschäft opgemaach, an deem och Erënnerungsstécker u seng Carrière ausgestallt sinn.^[3]

Palmarès

00	De Contenu vun dësem Kapitel oder dësem Artikel ass net vollstänneg oder net méi aktuell. Hëlleft wgl. mat, en ze komplettéieren oder nees op de leschte Stand ze bréngen.

2002

4. an der Classique des Alpes

2003

2004

1. bei den Nationale Meeschterschaften op der Strooss an der Course en Ligne (Kategorie Espoirs)
1. bei den Nationale Meeschterschaften op der Strooss am Zäitfueren (Kategorie Espoirs)
1. an der Flèche du Sud
3. am Grand Prix Tell
52. am Memorial Rik Van Steenbergen (201 km)
63. a Paris - Bourges

2005

3. bei den Nationale Meeschterschaften op der Strooss an der Course en Ligne (Kategorie Elite mat Kontrakt)
7. am Grand Prix de Wallonie (193,1 km)
9. an de Quatre jours de Dunkerque
12. a Rund um Köln
14. am Ster Elektrotoer
- 6. an der 3. Etapp vu Sittard-Geleen op Valkenburg (181 km)
- 8. an der 4. Etapp vu Verviers an der Belsch op La Gileppe (189 km)
15. am Tour de la Région Wallonne
26. am Hervis-Tour
53. an der Course Cholet - Pays de Loire (202 km)
55. am Grand Prix d'Isbergues (200 km)

Den Andy Schleck beim Eenzelzäitfueren an der Deutschland-Tour 2006

2006 (Team C.S.C.)

3. bei den Nationale Meeschterschaften op der Strooss an der Course en Ligne (Kategorie Elite mat Kontrakt)
8. am Tour of Britain (1. am Biergklassement)
10. am Gran Premio Industria Commercio Artigianato Carnaghese (180,4 km)
12. am Gran Premio di Chiasso (172,9 km)
13. an der Sachsen-Tour International (1. am Biergklassement, 1. am Kombinatiounsklassement)
- 1. an der 3. Etapp vu Chemnitz op Riesa (190 km)
- 1. an der 5. Etapp vun Dresden op Dresden (149,2 km)
16. an der Deutschland-Tour
- 8. an der 5. Etapp vu Bad Tölz op Seefeld (161 km)
23. an der Clásica Ciclista San Sebastián - San Sebastián
24. am Tour de Luxembourg
45. am Tour de Suisse
59. a Milano - Torino (199 km)
74. an der Volta Ciclista a Catalunya
74. am Grand Prix Ouest-France
80. am Trofeo Cala Millor - Cala Bona (159,4 km)
132. am Trofeo Mallorca (100 km)

2007 (Team C.S.C.)

2. am Giro d'Italia (1. am Klassement vun de Jonken)
- 4. an der 4. Etapp vu Salerno op Montevergine Di Mercogliano (153 km)
- 3. an der 10. Etapp vu Lido Di Camaiore op Santuario Nostra Signora Della Guardia (249 km)
- 3. an der 12. Etapp vu Scalenghe op Briançon a Frankräich (163 km)
- 10. an der 13. Etapp vu Biella op Santuario Di Oropa, Eenzelzäitfueren (12,6 km)
- 3. an der 17. Etapp vu Lienz op Monte Zoncolan (142 km)
- 6. an der 20. Etapp vu Bardolino op Verona, Eenzelzäitfueren (43 km)
- 9. an der 15. Etapp vun Trento op Tre Cime Di Lavaredo (184 km)
2. bei den Nationale Meeschterschaften op der Strooss am Zäitfueren (Kategorie Elite mat Kontrakt)
4. am Giro di Lombardia (242 km)
5. bei den Nationale Meeschterschaften op der Strooss an der Course en Ligne (Kategorie Elite mat Kontrakt)
8. am Tour de Romandie
- 7. an der 4. Etapp vun Charmey op Morgins (155,9 km)
16. a Paris - Nice (3. am Klassement vun de Jonken)
21. an der Vuelta Ciclista a la Comunidad Valenciana
28. am Sparkassen Münsterland-Giro (209,22 km)
30. am Tour of Ireland
38. am Tour du Haut-Var
41. am Tour de Wallonie (8. am Klassement vun de Jonken)
45. am Tour de Pologne
46 a Liège-Bastogne-Liège (262 km)
50. a Rund um Köln (203,2 km)
52. am Gran Premio Bruno Beghelli (206,9 km)
57. an der Flèche wallonne (202,5 km)
73 an der Hel van het Mergelland (187,5 km)
87. am Grand Prix Ouest-France (210,1 km)
93. am Amstel Gold Race (252,2 km)
80. am Critérium international
Deutschland-Tour (opginn an der 4. Etapp)
- 1. an der 2. Etapp zu Bretten, Equippenzäitfuere mam "Team CSC" (42,2 km)
Gran Premio Nobili Rubinetterie (opginn)

2008 (Team C.S.C.)

04. am Liège-Bastogne-Liège
04. bei den Olympesche Summerspiller 2008 an der Course en ligne zu Peking (245 km)
05. bei den Nationale Meeschterschaften op der Strooss an der Course en Ligne (Kategorie Elite mat Kontrakt)
06. am Tour de Suisse
- 9. an der 2. Etapp vu Langnau im Emmental op Flumserberge (197 km)
- 8. an der 5. Etapp vun Domat-Ems op Caslano (190 km)
- 6. an der 6. Etapp vun Ambri op Verbier (188 km)
- 9. an der 8. Etapp vun Altdorf op de Col du Klausen, Eenzelzäitfueren (25 km)
09. am Rund um den Henninger-Turm
12. am Tour de France (1. am Klassement vun de Jonken)
- 10. an der 7. Etapp vu Brioude op Aurillac (159 km)
- 09. an der 16. Etapp vu Cuneo op Jausiers (157 km)
- 03. an der 17. Etapp vun Embrun op L'Alpe d'Huez (210,5 km)
- 10. an der 18. Etapp vu Bourg d'Oisans op Saint Étienne (196,5 km)
18. an der Clásica Ciclista San Sebastián - San Sebastián (239 km)
19. am Critérium international
23. am Tour de Luxembourg
23. an der Klasika Primavera (171,8 km)
53. am Tirreno - Adriatico
60. am Gran Premio Miguel Indurain (199,2 km)
73. am Amstel Gold Race
76. an der Flèche wallonne (199,5 km)
101. am Tour du Haut-Var (197,3 km)
Grand Prix Ouest-France (net ukomm)

2009

001. a Liège-Bastogne-Liège
002. am Tour de France (1. am Klassement vun de Jonken)
- 10. an der 13. Etapp vu Vittel op Colmar (200 km)
- 02. an der 15. Etapp vu Pontarlier op Verbier (207,5 km)
- 03. an der 17. Etapp vu Bourg-Saint-Maurice op Le Grand-Bornand (169,5 km)
- 03. an der 20. Etapp vu Montélimar op de Mont Ventoux (167 km)
002. an der Flèche wallonne (195,5 km)
008. an der Montepaschi Strade Bianche (190 km)
010. am Amstel Gold Race (257,8 km)
011. am Tour de Luxembourg
- 01. an der 2. Etapp vu Schëffleng op Déifferdeng (187,9 km)
028. am Gran Premio Miguel Indurain (191,4 km)
032. am Amgen Tour of California
046. am Critérium international
128. a Milano - Sanremo (298 km)
Klasika Primavera (net ukomm)

2010

1. am Tour de France (no der Disqualifikatioun vum A. Contador, dee virun him war), a beschte Jonken
- 5. an der 3. Etapp vu Wanze op Arenberg (213 km)
- 1. an der 8. Etapp vun der Station des Rousses op Avoriaz (189 km), wäissen Tricot (zanter der 7. Etapp)
- 7. an der 9. Etapp vu Morzine op Saint-Jean-de-Maurienne (204,5 km), gielen Tricot (bis déi 14. Etapp)
- 5. an der 12. Etapp vu Bourg-de-Péage op Mende (210,5 km)
- 4. an der 14. Etapp vu Revel op Ax 3 Domaines (184,5 km)
- 1. an der 17. Etapp vu Pau op de Col du Tourmalet (174 km)
06. a Liège-Bastogne-Liège (258 km)
09. an der Flèche wallonne (195,5 km)
14. am Tour de Suisse
14. an der Vuelta Ciclista al País Vasco
18. am Amstel Gold Race (259 km)
21. am Amgen Tour of California‎
83. am Tirreno - Adriatico