IP-adres
Dit artikel is gesjreve (of begós) in 't Nuts. Laes hie wie v'r mit de versjillende saorte Limburgs ómgaon.
'n IP-adres is 'n unieke serie van getalle, zoeget wie e tillefoennummer, gebroek doer apparate (meistal computers) om elkaar te vinge as d'r informatie weurt gesjtuurd uver IP-netwerke zoas 't internet. Aan de hand van IP-adresse weite computers woe informatie heen mot weure gesjuurd, en vuur 't apparaat dat de informatie ontvank dat 't 't doel is. E verbeild van 'n IP-adres is 207.142.131.236. Domeinname wie li.wikipedia.org weure via 't Domain Name System omgezat in IP-adresse.
Aan de hand van 'n IP-adres kint me vaak oetvinge woe internetgebroekers zich bevinge. De anonieme toegang tot Wikipedia is daorom eigelik väöl minder anoniem dan de toegang mit aanmèlding van 'n alias.