Kaliningrad
Dit artikel is gesjreve (of begós) in 't Norbiks. Laes hie wie v'r mit de versjillende saorte Limburgs ómgaon.
Kaliningrad (Калининград; töt 1946 Koningsbergen; Duutsj: Königsberg; Litouws: Karaliaučius; Pools: Królewiec) is 'n sjtad in Rusland en de hoofdstad van de oblast Kaliningrad. Kaliningrad wert van aodsher, zjuus wie d'r gaanse oblast, d'r Barnsjtèè geneumd en is gelaege in de historische regio Oost-Pruusses. De sjtad tèlde in 2002 430.003 inwoners.
De sjtad is gelaege an de kust van de Oostzieë, an de monding van de reveer de Pregolja (Pregel) en is e belangriek verkeersknooppeunt mèt 'ne zieëhave en belangrieke sjpoor- en waegverbindinge. D'r lóchhave heesjt Chabrovo. D'r is ooch väöl industrie: machineboew, metallurgische en lichtere industrie. Kaliningrad haat 'n universiteit, musea, theaters, opera, ballet en 'ne deretuin.
De sjtad Koroljov in de oblast Moskou hoosj bies 1996 ooch Kaliningrad en waor zjuus wie Kaliningrad verneumd nao d'r communisteleider Michail Kalinin.
Historie
De sjtad is oontsjtande roondöm de burcht van de Duutsje Orde die dao geboewd waoërt in januari 1255. Na d'r Twiede Waeltkreeg waoërt dis burcht ópgeblaoze en óp die plaatsj 't Hoes van de Sovjets geboewd. 't Moes 't besjtuurlek centrum waeëre van de regering van sjtad en oblast Kaliningrad, mae waoërt neet aafgeboewd in verbaand mèt d'r economische crisis in de jaore '80. D'r zeunt planne öm 't öm te vorme töt e handelscentrum.
Bekaande inwoners
- Immanuel Kant (1724-1804) Duutsje filosoof
